Proverbios 18:15 - Tayta Diosninchi Isquirbichishan

¹⁵ Alli yachaj runawan alli tantiyaj runaga yachacuyta munashanta llapantami yachacun.

Proverbios 18:15 Referans Kwoze

Santiago 1:5

Tayta Diosninchi munashanno goyänayquipaj cashayquita mana tantiyarga mañacuy tantiyachishunayquipaj. Mañacuptiquega yanapäshunquipämi. Mañacoj cajtaga mana pengacachiypami yanapan.

Proverbios 15:14

Alli yarpaysapacunaga imatapis yachacuytami munan. Mana tantiyacojcunami ichanga upa cashallancho cawan.

Lucas 10:39

Paypa ñañanna caran María. Payga Jesús yachachishancunata wiyayta munashpanmi ñaupanman jamacuycuran.

Proverbios 23:23

Alli tantiyaj yachaj caytaga imanöpapis yachacuy. Yachaj cayta, tantiyaj cayta imanöpapis ashiy. Chay tarishayquitaga ama imawanpis rucachiychu.

Proverbios 9:9

Yachaj runaga yachachiptiqui masmi yachaj ricaconga. Alli runacunata yachachiptiqui masmi yachacongapaj.

Proverbios 4:7

Imatapis cachaycur rimëruga yachaytaraj umayquiman sumaj churay tantiyaj canayquipaj.

Proverbios 1:5

Yachajcunapis, yarpaysapacunapis cay rimaycunata wiyarga masmi yachacun.

1 Reyes 3:9

Gam acrashayqui runacunata alli mandanäpaj sumaj alli yarpayta goycamay ari. Sumaj tantiyachimay allitapis, mana allitapis musyanäpaj. Man'chäga manami acrashayqui aypalla runacunata mandayta camäpacömanchu.»

Proverbios 10:14

Yachaj runaga alli cajllatami parlan. Mana tantiyajcunami ichanga rimashancunallawan mana alliman chayan.

Proverbios 4:5

Yachaj canayquipaj willapashäcunataga sumaj wiyacuy. Willapar yachachishäcunataga ama gongaychu.

Efesios 1:17

Chaynöpis Jesucristupa taytan Diostami mañacö Espiritunwan sumaj tantiyachishunayquipaj. Chaynöpami Tayta Dios imano cashantapis musyanquipaj.

Proverbios 15:31

Alli cawananpaj willapashanta wiyacojcunaga yachajcunanömi ricasha canga.

Job 8:10

Unay cajcunami ichanga willapäshunquiman. Ima-aycatapis yachachishunquiman.