Proverbios 17:21 - Tayta Diosninchi Isquirbichishan

²¹ Wamran mana tantiyacoj captin taytanga fiyupa llaquicuyllachömi goyan. Mana tantiyacoj upapa taytanga imaypis manami cushisha goyanchu.

Proverbios 17:21 Referans Kwoze

Proverbios 10:1

Salomón yachaj car rimashan rimaycuna: Yachaj wamraga maman-taytanta cushicachinmi. Mana tantiyacoj wamrami ichanga llaquicachin.

Proverbios 19:13

Mana tantiyacoj wamraga taytanta llaquicachinmi. Shimisapa warmipis mana chawaypa jutoj wasinömi achäquita ashipayta mana jamanchu.

Proverbios 17:25

Mana tantiyacoj upa wamraga taytantapis rabyachinmi; mamantapis llaquicachinmi.

Proverbios 15:20

Yachaj wamraga maman-taytantapis cushicachinmi. Mana tantiyaj wamrami ichanga maman-taytantapis manacajman churan.

Génesis 26:34

Esaú chuscu chunca (40) watayoj caycashpan majachacaran Beeri jutiyoj runapa wamran Juditwan. Chaypita yapaypis majachacaran Elón jutiyoj runapa wamran Basematwan. Paycunaga Het nasyun runacunami caran.

3 Juan 1:4

Wamräcuna chayno Tayta Diosman rasunpa yäracuptenga noga fiyupami cushicö.

2 Corintios 2:3

Chaymi shamunäpa ruquenga cartallata apachimurä. Nogaga manami munashcächu shamuptë llaquicachimänayquita. Chaypa ruquenga shamuptë llapanchïpis cushicunanchïtami munashcä.

2 Samuel 18:33

Chaura rayga fiyupa llaquicuran. Puncu janancho caycaj cuartuman wicharcur wagayta gallaycuran. Wagar aywashpan niran: «¡Absalonllau Absalón! ¡Absalonllau Absalón! ¡Gam wañunayquipa ruquenga noga wañucöman caran! ¡Absalonllau Absalón!»

1 Samuel 8:3

Wamrancunaga mananami papäninnönachu caran. Alli cananpa ruquenga caran yargaj. Pipis juchata rurariycur pacayllapa pägaptin chasquej. Imatapis alliga manami rurajnachu.