Proverbios 17:20 - Tayta Diosninchi Isquirbichishan

²⁰ Mana allita yarpäga manami imaypis allitaga tarengachu. Shimisapaga shimillanpitami mana alliman chayanga.

Proverbios 17:20 Referans Kwoze

Proverbios 10:31

Alli runapitaga alli yachachicuycunatami wiyacunchi. Fiyu runacunatami ichanga alli-tucuycajta upällajpaj niycusha.

Proverbios 10:14

Yachaj runaga alli cajllatami parlan. Mana tantiyajcunami ichanga rimashancunallawan mana alliman chayan.

Proverbios 10:10

Mana allita rurananpaj guepishtapayllapa sëñata rurajcunaga fiyupa llaquicuytami chayachimun. Mana tantiyar manacajcunata rimajcunaga mana alliman chayar ushacangami.

Proverbios 8:13

Tayta Diosta rispitaj runaga mana alli cajcunata llapantami chiquin. Nogaga chiquëmi alli-tucojta, jucha aparicojta, llapan llullacojta.

Proverbios 3:32

Fiyu runacunataga Tayta Dios melanäcunmi. Alli runacunatami ichanga alli rican.

Salmos 18:26

Juchaynajcunatapis yanapanquimi. Fiyu cajcunatami ichanga castiganqui.

Eclesiastés 10:12

Yachajcuna rimashanga maysi wiyacuyllami. Mana tantiyacojcunami ichanga quiquinpa contrallanpaj rimanpis.

Proverbios 24:20

Fiyucunaga mana alliman chayar-rämi mayanga. Fiyucunaga achqui upejno illajpitami illaraycanga.