Proverbios 15:6 - Tayta Diosninchi Isquirbichishan

⁶ Mana yatapacoj alli runapa wasinchöga ima-aycanpis puchu-puchumi. Fiyu runapami ichanga imata tarishanpis manacajnölla ushacäcun.

Proverbios 15:6 Referans Kwoze

Proverbios 8:21

Cuyar yachacamajcunataga ima-aycatapis tarichëmi. Tarichë wasincho ima-aycanpis mana pishej cananpaj.

Proverbios 21:20

Yachajcunapa wasinchöga ima-aycanpis juntami. Manami imapis pishinchu. Mana tantiyacojcunami ichanga ima tarishallantapis ushacurcun.

Proverbios 10:22

Tayta Diospa bindisyunninwanmi alli cawan. Chay bindisyunwanga manami ima llaquicuypis canchu.

Salmos 112:3

Wasincho ima-aycancunapis manami pishengachu. Pï-maypäpis allimi canga.

Hebreos 11:26

Egiptucho ima-aycayojpis cananpa ruquenga Jesucristo ñacananpaj cashannömi ñacayta munaran. Payga tantiyaran Diosninchi munashanno cawarga syëluman chayar premyuta chasquinanpaj cashantami.

Proverbios 16:8

Ichicllatapis quiquin ñacar tarishanmi mas alliga engañayllapa ima-aycatapis shuntashanpitaga.

Eclesiastés 4:6

Nogami ichanga në: «Mana jamaypa arushanchïpitaga mas allimi ichicllatapis jamaycuyga» nir. Chaycunapis caycan yanga-yupayllami, wayrata chariyta munashanchïnöllami.

Proverbios 15:16

Pobrilla carpis Tayta Diosllata manchacur rispitaymi mas alliga, aypalla ima-aycayojpis caycar llaquisha goyänanchïpa ruquenga.

Proverbios 13:22

Ima-aycayojpis car alli runaga willcancunatawanrämi raquipan. Juchasapacunami ichanga ima-aycantapis churarächicun alli runacuna rubichanallanpaj.

Salmos 37:16

Aypallata chararpis fiyu runa cananchïpa ruquenga pobrilla carpis alli runa caymi mas alliga.

Proverbios 15:5

Mana tantiyacojcunaga papänin corrijishantapis manami cäsunchu. Wiyacojcunami ichanga alli yarpayniyoj cashanta tantiyachicun.

Proverbios 15:7

Yachajcunaga allita yarpashantami willapäcun. Mana tantiyajcunami ichanga llutallanta yarpan.

Proverbios 3:33

Juchasapacunata Tayta Diosga famillyantintami manacajman churan. Alli runacunatami ichanga famillyantinta bindisyunta gon.