Proverbios 15:32 - Tayta Diosninchi Isquirbichishan

³² Corrijishancunata mana wiyacöga quiquillanmi mana alliman chayan. Piñacushanta wiyacojcunami ichanga alli tantiyaj cayta yachacun.

Proverbios 15:32 Referans Kwoze

Apocalipsis 3:19

«Llutanta ruraptenga cuyashä cajta castigämi llutanta ruraycashanta cacharinanpaj. Chauraga arpinticur munashänöna goyay.

Proverbios 1:7

Rasunpa yachaj canapäga rimëru Tayta Diostami rispitar yäracuypaj. Tantiyacuyta mana munajcunami ichanga alli yachachicuycunatapis, willapashancunatapis manacajman churan.

Isaías 1:5

¿Imapänataj mastaga castigasha caytapis munanqui? ¿Jinallarächu mana wiyacoj caycanqui? Cuerpuyquipis manami jäcunnachu maynincho astinäpäpis. Umayquipis intëru rachishallanami. Imata ruranayquipäpis gänasniqui manami cannachu.

Proverbios 18:15

Alli yachaj runawan alli tantiyaj runaga yachacuyta munashanta llapantami yachacun.

Santiago 1:22

Tayta Diosninchïpa willacuynincho nishantaga cumlishun. Willacuynin nishanta mana cumlerga wiyashallanchïwan cuntintacorga quiquillanchïmi engañacuycanchi.

Jeremías 5:3

Tayta Dios gamga munanqui alli runacunatami. Cay runacunaga castigaptiquipis manami wiyacushachu. Fiyupa mana alliman chayachiptiquipis manami yarpachacushachu. Paycunapaga shongunpis caycan ruminömi. Chaymi arpinticuytapis mana munashachu.

Proverbios 29:1

Piñacuycaptinpis tantiyacuyta mana munajcunaga manapis aycällatanami ushacanga. Jampipis manami canganachu.

Proverbios 17:16

¿Imanirtaj mana tantiyaj runacunaga yachayta rantinanpaj guellaynin aptacurcur shamun? Imatapis manami tantiyanchu.

Proverbios 15:21

Mana tantiyacoj runaga upa cayninwan llutanta rurashanpitapis cushicunmi. Alli yarpayniyoj runami ichanga mana pantaypa alli cawan.

Proverbios 15:14

Alli yarpaysapacunaga imatapis yachacuytami munan. Mana tantiyacojcunami ichanga upa cashallancho cawan.

Salmos 50:17

Gamcunataga manami gustashunquichu noga piñacushä. Imano ruranayquipaj nishätapis manami cumlinquichu.

Deuteronomio 21:20

Chayachirna paycunata nenga: ‹Cay wamrä manami wiyacamanchu, ni cäsumanpischu. Llutan ruraycunaman, upyallaman churacashami caycan› nir.

Deuteronomio 21:18

«Pipapis juc wamran capas canman mana wiyacoj, munaysapa, papänin maman willapashantapis mana cäsoj, piñacur astiptinpis mana wanacoj.

Hebreos 12:15

Chaymi ima-aycanöpapis Tayta Dios munashanno caway. Pitapis ama jagayächiychu. Pitapis jagayächerga benënuyoj ashgaj jachanömi waquincunapäpis canquipaj. Chayno carga juccunatapis mana allimanmi chayachinquipaj.

Proverbios 13:18

Willapashanta mana wiyacojcunaga cangapaj manacajman churasha y ushapacajllami. Piñacushanta wiyacojcunami ichanga alli rispitasha canga.

Proverbios 15:5

Mana tantiyacojcunaga papänin corrijishantapis manami cäsunchu. Wiyacojcunami ichanga alli yarpayniyoj cashanta tantiyachicun.

Proverbios 15:31

Alli cawananpaj willapashanta wiyacojcunaga yachajcunanömi ricasha canga.

Proverbios 15:33

Tayta Diosta manchapacur rispitarga yachaj caymanmi chayanga. Pipis rispitamänapäga rimëru pï-maytapis rispitar umildimi caypaj.

Eclesiastés 7:5

Mana tantiyaj upa runacuna «allimi canqui» nishanta wiyananpa ruquenga mas allimi yachaj runa piñacushanta wiyaptin.

Isaías 3:9

Juchata rurashancunaga alayrimi musyacaycan. Juchata rurashancunataga manami pacanchu. Sodoma runacunapaj mayacashannömi may-chaymanpis mayacaycächin. ¡Ay imanöraj canga paycunaga! Quiquincunallami castigasha caytapis ashircaycan.

Proverbios 10:17

Corrijishanta wiyacur chasquicojcunaga alli cawaytami tarin. Mana wiyacojcunami ichanga mana alliman chayan.

Proverbios 19:20

Willapäshushayquita wiyacuy. Piñacushushayquitapis chasquicuy. Chayno car-rämi yachaj canquipaj.