Proverbios 14:3 - Tayta Diosninchi Isquirbichishan

³ Mana tantiyacojcunaga alli-tucushpanmi parlan. Yachaj runacunatami ichanga shimin imapitapis chapan.

Proverbios 14:3 Referans Kwoze

Proverbios 12:6

Fiyucuna rimashanga caycan imatapis wañuchinanpaj trampanömi. Alli runacunatami ichanga shimin salban.

Apocalipsis 12:11

Jesusman yäracojcunapis Satanasta binsisha Cashni uysha paycuna-raycu cruscho wañushanpita y Tayta Diospa willacuynin nishanno cawashpanmi. Paycunaga wañuyta manami manchacuranchu. Chaypa ruquenga listumi caran Cashni uyshaman yäracushanpita wañunanpäpis.

Apocalipsis 3:10

Imano ñacarpis mana yamacaypami noga nishänölla gamcunaga alli cawarcaycanqui. Chaymi llapan runacunata castigaptë fiyupa ñacaycuna captinpis gamcunataga yanapäshayqui mana ñacanayquipaj.

2 Pedro 2:18

Paycunaga alabacurmi yachaj-tucur imatapis parlan. Juchancunapita chayraj arpinticojcunatami shimita gon llutancunata rurananpaj.

Daniel 7:20

Chaynöpis nogaga musyayta munarä chunca wagrancunapaj, nircur guepata wiñamoj ñawiyoj shimiyoj wagrapaj. Chayga rimaycaran mana manchacuypa. Chayno waquin wagrapitaga mas jatunnöraj caycaranpis. Quimsa caj wagrataga achuriran japallanta cachaycunanpaj.

Proverbios 28:25

Fiyupa yargaj runaga pï-maywanpis rimanacongallami. Tayta Diosman yäracoj runami ichanga alliman chayanga.

Proverbios 22:8

Fiyu runaga juchata rurashanpitami ñacanga. Chay-niraj runataga Tayta Diosmi castigar ushacächenga.

Proverbios 21:24

Ollgojta, alli-tucojtaga «shimisapa» nirmi rejsin. Chayno runaga yachaj-tucojmi.

Proverbios 18:6

Mana tantiyacojcunaga shimillanpitami rimanacuyman chayan. Quiquinpa shiminpitami asticanpis.

Salmos 57:4

Nogaga runa micoj liyuncunapa chaupincho caycajnömi caycä. Liyuncunapa quiruncunanömi caycan lëchancuna, tucsicunancuna. Gallunnömi caycan afilasha sablincunaga.

Salmos 12:3

Janan shongulla parlajcunataga Tayta Diosmi ushajpaj illgächenga.

Job 5:21

Washayqui rimanantapis manami camacächengachu. Castïgu captinpis manami manchacunquipächu.

1 Samuel 2:3

«Pipis ama alli-tucur rimachunchu. Pipis ama puydej-tucuchunchu. Tayta Diosga imatapis llapantami musyan. Payga rurashan-tupumi runata jusgan.

Salmos 31:18

Llullacunawan, asipar manacajman churacojcuna, alli cacojcunata abusapar gallaripajcunaga illgächun.

Proverbios 14:4

Yunta mana captenga micuytapis wallcallatami murupacun. Yuntapa callpanwanrämi micuytaga achca achcata murupacur alli shuntanpis.

Proverbios 13:3

Shongun musyashallanwan upälla cacojcunaga allimi cawan. Willapistacunami ichanga shimillanpita mana alliman chayanga.

Proverbios 18:7

Mana tantiyacoj upacunataga shimillanmi mana alliman chayachin. Quiquinpa shimillanpitami maticanpis.