Proverbios 14:10 - Tayta Diosninchi Isquirbichishan

¹⁰ Runa llaquicuycashantaga pipis manami musyanchu. Cushisha caycashantapis manami pipis ricanchu. Quiquinpa shongullanmi musyan.

Proverbios 14:10 Referans Kwoze

Filipenses 4:7

Chayno cawaptiquega Tayta Diosmi alli cawayta goshunquipaj. Chaymi mana yarpachacuypa allillana cawanquipaj. Chayno cawajta ricar runacunaga manami tantiyangachu.

Proverbios 18:14

Cushisha carga gueshyaycashanpitapis allchacanmi. Llaquisha, gänasnin mana cajtaga ¿piraj allchacächenga?

Proverbios 15:13

Shongun cushisha captenga cäranpis cushishami. Shongun llaquisha captenga cäranpis juc-nirajyashami.

Job 10:1

«¡Cawaytaga yamacashcänami! Chaymi wichaypa uraypana rimashaj. Llaquisha cayllawanmi imatapis rimashaj.

Apocalipsis 2:17

«Wiyajcunaga Espíritu Santu yachachishanta sumaj tantiyacuchun. Imano ñacarpis imaycamapis yäracamajcunataga syëlucho churaraycaj manätami garashaj. Yuraj rumicho mushoj jutin isquirbiraycajtami goshäpis. Chay jutitaga yuraj rumita chasquejcunallami musyanga.

1 Pedro 1:8

Gamcunaga Jesucristuta mana ricasha caycarpis cuyaycanquimi. Canan mana ricarpis payllaman yäracurmi cawaycanqui. Chayno cushisha cawashayquega tantiyaytapis mana atipaypämi.

Juan 14:18

«Gamcunataga wacchatano manami cachaycushayquipächu. Gamcunamanga cutimushämi.

Job 7:11

«Chaymi upällallaga mana cacömanchu. Nanaywan, rabyawan caycashpäga llapan llaquicuycashätami rimashaj.

1 Samuel 1:10

Anaga fiyupa llaquisha wagar Tayta Diosta mañacuran.

Juan 12:27

«Cananga fiyupami llaquicuycä. ¿Ima nishäraj? ¿‹Tayta, örä chayaycämushanpita salbaycamay› nishächuraj? Manami. ¡Chaypa ruquenga chaypämi cay pachaman shamushcä!»

Ezequiel 3:14

Tayta Diospa Espiritun jogarimar chaypita apacamaran. Noganami aywacurä fiyupa llaquisha, rabyasha. Ichanga Tayta Diosmi sumaj charisha apaycämaran.

Salmos 25:14

Tayta Diosga rispitajcunapa amïgunmi. Parlacur aunishantapis musyachinmi.

Job 9:18

Fiyupami llaquicachimanman. Jämayta cachanalläpäpis balurnë manami canmannachu.

2 Reyes 4:27

Chaypita chayaran Eliseo cajman. Chayaycur chaquinpita macallacurcuran. Chaura Gieziga cachachiyta munaran. Eliseona niran: «Ama rimapaychu. Fiyupa llaquishami caycan. Ichanga Tayta Dios manami nimanrächu imapita llaquicuycashantapis.»

Juan 14:23

Chaura Jesús niran: «Cuyamaj cäga llapan willapashätami wiyacun. Paytaga Taytäpis cuyanmi. Chaymi Taytäwan nogaga imaycamapis chaylla cashaj; imano cashätapis musyachishaj.

Génesis 42:21

Ichanga quiquin-pura cayno ninacurcaycaran: «Cananga wauguinchïta mana allita rurashanchïpitami castïgu chayaycämanchi. Noganchëga fiyupa llaquicuycajta ricaycarpis wauguinchïta manami cuyaparanchïchu. Ruwamashapis manami cäsuranchïchu.»

Job 21:25

Waquinnami ichanga cawan fiyupa llaquicullar. Chayno runacuna wañun imaypis manaraj alliman chayar.

1 Samuel 1:15

Chaura Ana niran: «Manami machashachu caycä tayta. Manami upushcächu bïnuta, ni ima machächicojtapis. Llaquishami caycä. Llaquisha carmi Tayta Diospa ñaupancho wagaycä.