Proverbios 13:3 - Tayta Diosninchi Isquirbichishan

³ Shongun musyashallanwan upälla cacojcunaga allimi cawan. Willapistacunami ichanga shimillanpita mana alliman chayanga.

Proverbios 13:3 Referans Kwoze

Proverbios 21:23

Llutalla imatapis mana parlacoj runaga manami ima llaquicuymanpis chayangachu.

Proverbios 18:21

Wañuytapis cawaytapis shiminpitami tarin. Alläpa rimajcunaga shiminpitami imanöpis ñacanga.

Proverbios 18:7

Mana tantiyacoj upacunataga shimillanmi mana alliman chayachin. Quiquinpa shimillanpitami maticanpis.

Salmos 39:1

Nogaga yarparä fiyu runacunapa ñaupancho cashä öra allilla goyaytami, upällalla cacuytami, mana quijacuytami.

Proverbios 10:19

Achcata rimajcunaga llutantapis rimanmi. Yachajcunami ichanga alli cajcunallata rimarcur upällacun.

Proverbios 20:19

Washa-rimaga imata willashantapis manami upällallaga cacunchu. Chaymi washa-rimacunawanga ama gotucanquichu.

Santiago 1:26

Pipis «Tayta Diosman yäracö» niycar mana upällacorga quiquillanmi engañacuycan. Chauraga yäracushanpis yangallami canga.

Proverbios 12:13

Fiyucunaga quiquinpa shimillanpitami tucuyman chayan. Alli runacunami ichanga imaman chayarpis allicho llojshin.

Salmos 34:13

Chauraga llutancunata ama rimaynachu, ama llullacuynachu.

Salmos 141:3

Tayta Dios, llutancunataga ni juc shimipis ama rimashächu. Shimëman churaycuy täpacojta.

Proverbios 10:14

Yachaj runaga alli cajllatami parlan. Mana tantiyajcunami ichanga rimashancunallawan mana alliman chayan.

Proverbios 13:4

Guellacunaga may-jina imata munaparpis manami tarinchu. Bïbu runami ichanga ima-aycatapis munashanta tarin.

Jueces 16:11

Chaura Sansón niran: «Manaraj imatapis watashan mushoj wascawan watamaptin ichanga callpä mana canganachu. Chauraga cashaj lluta runallanami.»

Jueces 16:17

Chaymi Dalilataga rasun cajta willaran. «Ajchätaga manami pipis rutumashachu iti cashäpita-pachapis. Nogataga manaraj yuriptillä Tayta Diosmi acramasha nazareo canäpaj. Chaymi ajchäta pipis ruturiycuptin callpaynajna ricacushaj. Chauraga lluta runallanami cashaj.»

Proverbios 10:8

Yachaj runacunaga willapashancunata llapantami tantiyacun. Mana tantiyar llutanta rimajcunami ichanga ushacaypa aywan.

Proverbios 14:3

Mana tantiyacojcunaga alli-tucushpanmi parlan. Yachaj runacunatami ichanga shimin imapitapis chapan.