Proverbios 12:15 - Tayta Diosninchi Isquirbichishan

¹⁵ Mana tantiyacojcunaga llapan rurashan alli cashantami yarpan. Alli tantiyajcunami ichanga yachajcuna willapashanta chasquicun.

Proverbios 12:15 Referans Kwoze

Proverbios 3:7

Ama yachaj-tucunquichu. Chaypa ruquenga Tayta Diosta manchacushpayqui jucha ruraypita witicuy.

Proverbios 19:20

Willapäshushayquita wiyacuy. Piñacushushayquitapis chasquicuy. Chayno car-rämi yachaj canquipaj.

Proverbios 14:16

Yachaj tantiyaj runaga ima mana allimanpis chayayta manchacurmi witicun. Mana tantiyacojcunatami ichanga imapis mana gocunchu.

Proverbios 14:12

Runataga purishancuna alli-niräpunmi. Ichanga chay caminupa wañuymanmi aywaycan.

Proverbios 1:5

Yachajcunapis, yarpaysapacunapis cay rimaycunata wiyarga masmi yachacun.

Proverbios 26:12

¿Yachaj-tucoj runata ricashcanquichu? Chayno runapitaga mana tantiyacoj upa runapis allirämi canman.

Proverbios 16:25

Runataga purishancuna alli-niräpunmi. Ichanga chay caminupa wañuymanmi aywaycan.

Proverbios 16:2

Runataga llapan rurashancunapis alli-niräpunmi. Chaypis Tayta Diosrämi nin alli u mana alli yarpashancuna cashantapis.

Gálatas 6:3

Chaura pipis mana imapis caycar alli-tucorga quiquillanmi manacajman churacuycan.

Proverbios 9:9

Yachaj runaga yachachiptiqui masmi yachaj ricaconga. Alli runacunata yachachiptiqui masmi yachacongapaj.

Proverbios 21:2

Runapäga llapan rurashancunapis alli-niräpunmi. Chaypis Tayta Diosrämi nin alli u mana alli yarpashancuna cashantapis.

Lucas 18:11

Fariseo cäga sumaj ichiycurshi Tayta Diosta cayno mañacusha: ‹Grasyas Tayta Dios. Gamta fiyupami agradësicö waquin runacunano mana cashäpita. Waquin runacunaga caycan suwami, fiyumi, pï-maywanpis cacojmi. Nogaga manami cächu tagay impuesto cobrajnöpis.

Proverbios 30:12

Waquenga juchata mana rurashanöpis alli-tucun. Rasunpaga jucha ruraycunata manami cacharinrächu.

Proverbios 28:11

Rïcucunaga yarpan yachaj cashantami. Pobri carpis alli tantiyajmi ichanga rïcu imano cashantapis musyan.

Eclesiastés 4:13

Pobrilla carpis yachaj mösu cashanmi mas alliga auquin ray mana tantiyaj cashanpitaga. Auquin carnaga mananami tantiyachishancunatapis tantiyacunnachu.

Proverbios 26:16

Guella runaga fiyupa yachaj runa caycashantami yarpan. Chaymi yarpan alli tantiyachicoj ganchis runacunapita mas yachaj cashanta.

Proverbios 13:1

Alli yachaj wamraga papänin willapashancunata wiyacunmi. Mana rispitacojcunami ichanga piñacushantapis mana wiyacunchu.

Proverbios 13:10

Alli-tucojcunaga pitapis chiquinacuyllachömi cawachin. Willapashanta wiyacojcunami ichanga yachaj runa.