Proverbios 11:20 - Tayta Diosninchi Isquirbichishan

²⁰ Jucha rurayllapaj yarparajtaga Tayta Dios melanäcunmi. Allita rurar goyajcunatami ichanga alli rican.

Proverbios 11:20 Referans Kwoze

Salmos 119:1

Cushishami cawanga juchata mana rurajcunaga, Tayta Dios yachachishancunata cumlejcunaga.

1 Crónicas 29:17

Nogaga musyaycämi imano runa yarpaycashantapis gam musyaycashayquita. Allita ruraptin gamga cushicunquimi. Chaymi allita rurayta yarpar caycunataga gampaj goycushcä. Cananga ricashcä acrashayqui Israel runacuna cayman shuntacaycur gampaj goycushanta. Chayta ricarmi fiyupa cushicö.

Proverbios 21:29

Fiyu runaga runacuna ricanallanpämi alli-tucun. Alli runami ichanga rasunpa allillata ruran.

Proverbios 6:14

Mana allicunallatami yarpanpis. Mana allicunata yarpachacuraycällarmi purinpis. Pï-maytapis inrïduta rurallarmi purinpis.

Proverbios 16:17

Alli runacunaga jucha ruraypita witicunmi. Jucha ruraypita witicojcunaga alli cawaymanmi chayanga.

Proverbios 15:8

Fiyu runacunapataga imata goptinpis Tayta Dios manami chasquinchu. Quiquin Tayta Dios munashanno cawajcuna mañacuptinmi ichanga cushicun.

Proverbios 13:6

Alli runataga allita rurashancunami mana allipitapis chapan. Jucha rurajcunatami ichanga mana allita rurashancuna illgächin.

Proverbios 12:22

Llullacojcunataga Tayta Dios melanäcunmi. Allita y rasun cajta rurajcunatami ichanga Tayta Diospis alli rican.

Proverbios 9:7

Fiyu runata piñacuptiquega ashllishunquipämi. Mana rispitacojta piñacuptiquega manacajmanmi churanga.

Proverbios 8:13

Tayta Diosta rispitaj runaga mana alli cajcunata llapantami chiquin. Nogaga chiquëmi alli-tucojta, jucha aparicojta, llapan llullacojta.

Salmos 140:13

Alli runacunaga alabashunquipämi. Munashayquino rurajcunaga ñaupayquichömi cawanga.

Salmos 51:6

Chaypis gamga cuyanqui rasun cajta rimaj cajtami. Shongullächömi yachachimashcanqui yachaj canäpaj.

Salmos 11:7

Tayta Diosga juchaynajmi. Chaymi allita ruraj runacunataga cuyan. ¡Allillata rurajcunaga Tayta Diostami ricanga!

Salmos 101:4

Mana allicunataga manami yarpäshäpischu. Imatapis mana allicunataga manami rurayta munächu.

Proverbios 3:32

Fiyu runacunataga Tayta Dios melanäcunmi. Alli runacunatami ichanga alli rican.

Proverbios 11:21

Mana allita rurajcunaga simrimi castigacanga. Allita rurajcunami ichanga salbaconga.

Proverbios 14:9

Mana tantiyacojcunaga llutanta rurarcurpis manami pengacunchu. Alli runacunami ichanga runa-masinwan cuyanacur alli goyan.

Proverbios 15:26

Mana allita rurayta yarpajcunataga Tayta Dios melanäcunmi. Allillata yarpar parlaj runacunami ichanga cushicachin.