Proverbios 10:9 - Tayta Diosninchi Isquirbichishan

⁹ Pipis mana rimasha limyu runaga cushishami goyäcun. Llutancunacho purejcuna mana allita rurajcunami ichanga mana alliman chayan.

Proverbios 10:9 Referans Kwoze

Proverbios 28:18

Alli runaga llapanpitami salbaconga. Fiyu runami ichanga disigrasyaman chayanga.

Mateo 10:26

«Chaymi cay pachacho runacuna chiquishuptiquipis ama manchacunquicunachu. Mana musyashan cajtapis Tayta Diosga musyacächengami. Pacaraycajtapis imayllaga ricacächengami.

1 Timoteo 5:25

Alli rurashancunapis waquinpaga jucllami musyacan. Waquinpanami ichanga unaytaraj musyacan.

1 Corintios 4:5

Chaymi manaräpis timpu chayamuptenga ama pitapis jusgaychu. Tayta Jesucristo shamurnami llapanta jusganga. Paynami runa mana alli rurayta munashancunata y rurashancuna pacaraycajta y ima yarpashantapis jorgapanga. Chaychörämi imanöpis rurashanpita Tayta Diosninchi cada runata premyuta gonga.

Proverbios 3:23

Chauraga mana manchacuypami maypapis purinquipaj. Manami chayanquipächu ima mana allimanpis.

Salmos 84:11

Tayta Dios gammi intita achicyächimunqui, ima mana allipitapis chapämanqui. Munashayquino goyajcunataga cuyanquimi, allimi ricanqui. Paycunataga llapantapis allitami tarichinqui.

Salmos 25:21

Nogaga gamllamanmi yäracamö. Allillata ruranäpaj tantiyaycachimay ari.

Proverbios 17:20

Mana allita yarpäga manami imaypis allitaga tarengachu. Shimisapaga shimillanpitami mana alliman chayanga.

Salmos 23:4

Gam, Tayta Dios yanapaycämaptiquega yanauyaycaj ragracunapa purirpis manami imapitapis manchacushächu. Manami imapitapis yarpachacushächu bastunniquiwan chapämänayquipaj cashanta musyaycashpäga.

Proverbios 26:26

Chiqui cashanta mana mayacächiyta munaptinpis mana allita rurashanga llapanpa ñaupanchömi musyacangapaj.

Génesis 17:1

Abram isgun chunca isgun (99) watayoj caycaptin Tayta Dios yuriparcur niran: «Nogami cä munayniyoj Dios. Noga munashänölla goyay. Mana allicunata ama ruraychu.

Job 8:20

«Alli runataga Tayta Dios manami gonganchu. Fiyu runacunatapis manami yanapanchu.

Proverbios 28:1

Fiyu runaga pipis mana gaticachaycaptinmi gueshpir aywacun. Juchaynaj alli runami ichanga liyunno mana manchacuypa goyäcun.