Biblia Todo Logo
Bib sou entènèt

- Piblisite -




Proverbios 10:21 - Tayta Diosninchi Isquirbichishan

21 Alli runacuna willapashanga achcajtami alli goyayta tarichin. Mana tantiyacojcunami ichanga upa caynillanwan wañuytapis tarin.

Gade chapit la Kopi




Proverbios 10:21
28 Referans Kwoze  

«Acrashä runacunaga manami mayganpis ‹gammi Diosnë canqui› nimashachu. Chaypitami paycunaga ushacaycan. Ni gamcunapis cüracuna manami ‹Diosnë› nimashcanquinachu. Chaypitami mana munänachu cürä canayquitapis. Gamcunaga yachachicuynëta gongaycärishcanquimi. Chaynöllami nogapis gongaycushaj gamcunapita mirar aywajcunata.


¿Imanirtaj mana tantiyaj runacunaga yachayta rantinanpaj guellaynin aptacurcur shamun? Imatapis manami tantiyanchu.


Rïgu muruga Tayta Diospa maquinchöna cawananpaj willacushämi caycan. Chucru caminunömi waquin runacunapa shongun caycan. Chaymi Tayta Diospa willacuyninta wiyarpis mana tantiyacunchu. Chaynöpami wiyashallantapis Satanás gongaycachin.


Gamcunaga yachayta manacajmanmi churaycanqui. Tayta Diosta rispitaytapis manami munanquichu.


Alli shimillanpa parlajcunaga alli allpacho caycaj yöranömi. Nina shimi runami ichanga runa-masinta llaquicachin.


Tantiyacuyta mana munashanpitami tucuy mana allimanpis chayanga. Mana wiyacoj cayninwanmi wañuymanpis chayanga.


Chayrämi ninquipaj: «Imanir-raj willapämashancunata manacajman churarä. Piñacamaptin, imanir-raj mana wiyacurächu.


Mana wiyacushayquipitami fiyupa ñacanquipaj. Juchayqui-tupumi fiyupa ñacayman chayanquipaj.


Paypa laynincunallatami, rimashancunallatami cumlishcä. Manami quiquë munashallätachu rurashcä.


Palabrayquita nogaga micucurcurämi. Chay palabrayqui nogapäga allimi caran; cushicachimajmi. Munayniyoj Tayta Dios, nogaga gamllapanami caycä.


Waquin runapaga gayapashan nanayparämi chayaycun. Yachaj runacuna rimashanmi ichanga jampino cushicachin.


Ermänucunata ricanayquipaj churashuptiquega sumaj ricay uysha michej uyshancunata ricashanno. Mana guellanaypa cushi-cushilla Dios munashanno ricay. Guellay-raycullaga ama ricaychu.


Tayta Dios munashanno cawayta mana munaptinmi payga cachaycusha llutan yarpaynincunacho cawacunanpaj, marca pengay goyänanpaj.


Cutiycachimorga mandajniquicunata churapäshayqui shongöpaj cajtami. Paycunami yachaj tantiyaj cashpan alli mandashunquipaj.


Tayta Diosman yäracoj runaga sumaj yarpachacurcurmi riman. Alli runaga alli cajllatami parlan.


Allita yarparga allillatami parlan. Shonguncho mana allita yarparmi ichanga mana allita parlan.


Runapa warminwan cacöga mana tantiyacoj upa runami. Chayno carga quiquillanmi pirdican.


Alli runacuna willapämashanchëga chuya yacunömi limyu caycan. Fiyu runacunatami ichanga quiquin rurashallan mana alliman chayachin.


Mana tantiyacojcunaga mana tantiyacushanpitami wañuymanpis chayan. Tantiyacuyta mana munajcunapis imapäpis mana yarpachacushpanmi ushacan.


Llapan willapashäcunata wiyacorga alli yachajmi canquipaj. Chaynöpami maychöpis yachaj cayniquiwanga alli parlanquipaj.


Yachajcunaga allita yarpashantami willapäcun. Mana tantiyajcunami ichanga llutallanta yarpan.


Yachajcuna rimashanga caycan pica tucshejnömi. Paycuna rimashanta jucllachashaga caycan juc uyshëru istägata sinchi jawishannömi.


Chayno cashanpitami Dios acrashan runacunaga prësu aywanga. Llapanmi mandajnintin yargaypita, yacunaypita wañonga.


Swiv nou:

Piblisite


Piblisite