Proverbios 10:1 - Tayta Diosninchi Isquirbichishan

¹ Salomón yachaj car rimashan rimaycuna: Yachaj wamraga maman-taytanta cushicachinmi. Mana tantiyacoj wamrami ichanga llaquicachin.

Proverbios 10:1 Referans Kwoze

Proverbios 1:1

Israelpa raynin Davidpa wamran ray Salomón rimashanmi cay rimaycunaga.

Proverbios 29:3

Yachaj wamraga taytanta cushicachinmi. Guellaypaj cuerpunta ranticoj warmicunawan cacorga guellaynintapis ushajpämi ushanga.

Proverbios 17:25

Mana tantiyacoj upa wamraga taytantapis rabyachinmi; mamantapis llaquicachinmi.

Proverbios 29:15

Runaga piñacur astiptinrämi yachacun. Mana piñacuypa uywashan wamrami ichanga mamanta pengayman churan.

Proverbios 15:20

Yachaj wamraga maman-taytantapis cushicachinmi. Mana tantiyaj wamrami ichanga maman-taytantapis manacajman churan.

Proverbios 17:21

Wamran mana tantiyacoj captin taytanga fiyupa llaquicuyllachömi goyan. Mana tantiyacoj upapa taytanga imaypis manami cushisha goyanchu.

Proverbios 19:13

Mana tantiyacoj wamraga taytanta llaquicachinmi. Shimisapa warmipis mana chawaypa jutoj wasinömi achäquita ashipayta mana jamanchu.

Eclesiastés 12:9

Chay yachachicoj mas musyaj-yachaj cashpanga imano yachashantapis runacunata sumaj yachachiran. Estudyaran rimaycuna ima ninan caycashantapis. Nircur allcharan.

Eclesiastés 2:19

Payga yachajchush u mana yachajchush cacongapis. Ichanga paymi cay pachacho fiyupa ñacar arur yachaj car rurachishäcunata charicurconga. Chaypis yangallami.

Proverbios 25:1

Caycunapis ray Salomón tantiyachir rimashancunami. Chay rimashancunatami Judäpa raynin Ezequiasta yanapaj runacuna cupyasha.

1 Reyes 4:32

Quimsa waranga (3,000) casta yachachicuycunata rimaran. Birsucunatapis camacächiran waranga pichganta (1,005).

Proverbios 13:1

Alli yachaj wamraga papänin willapashancunata wiyacunmi. Mana rispitacojcunami ichanga piñacushantapis mana wiyacunchu.

Proverbios 27:11

Ïju, musyaj yachaj cay. Chauraga fiyupami cushicushaj. Chaynöpami manacajman churamajcunatapis cutichishaj.

Proverbios 29:17

Umayquita mana nanächinanpaj wamrayquita piñacuy. Chaura wamrayquega fiyupami cushicachishunquipaj.