Proverbios 1:24 - Tayta Diosninchi Isquirbichishan

²⁴ Yaparir yaparirmi gamcunataga shamunayquipaj willashcä. Chaypis manami cäsumashcanquichu.

Proverbios 1:24 Referans Kwoze

Romanos 10:21

Ichanga Israel runacunapaj Tayta Diosninchi nishanta Isaías niran: «Conträ ricacoj runacunatami witimunanpaj waran-waran maquëta macyarashcä. Chay runacunaga quiquincuna munashannöllami llutan caminupa aywarcaycan.»

Isaías 65:12

Chaypitami gamcunapa distïnuyquega canga sabliwan cuchuypa wañuchicänayquipaj. Chaynöga päsashunquipaj noga gamcunata gayaptëpis mana wiyacushayquipitami, willapaptëpis mana tantiyacushayquipitami. Gamcunaga mana munashä cajtami rurashcanqui. Noga mana munashä cajtami acrashcanquipis.»

Jeremías 7:13

Gamcuna mana allicunata rurashayquipitaga achca cutimi willapashcä. Chaypis gamcunaga manami wiyacushcanquichu. Gayaptëpis manami wiyashcanquichu. Noga Tayta Diosmi chayno në.

Isaías 66:4

Chayno rurajcunapäga nogapis ñacananpämi acrashaj. Chaymi paycunamanga fiyupa manchacushan cajtaraj chayachishaj. Chayno cananpäga camacächishaj gayaptëpis mana wiyamashanpitami, willapaptëpis mana tantiyacushanpitami. Paycunaga mana gustashä cajtami rurasha. Noga mana munashä cajtami acrashapis.»

Ezequiel 8:18

Chayno rurashanpitami nogapis fiyupa rabyashpä castigashaj. Paycunataga manami cuyapäshächu. May-jina gaparaypa mañacamaptinpis manami wiyashächu.»

Isaías 50:2

¿Imanirtaj noga shamushpäga pitapis mana tariränachu? ¿Imanirtaj, gayacuptëga pipis mana wiyamashachu? ¿Manachu riguiran jorgunäpaj cashanta? ¿Manachu riguiran salbanäpaj cashanta? Noga juc shimi rimarcuptillämi lamar yacupis chaquicäcunman, mayucunapis chaqui jircaman ticracurinman. Chauraga pescäducunapis yacunaypita wañunmanmi, yacu mana captin ismunmanmi.

Salmos 31:20

Paycunataga gammi ñaupancho car salbanqui fiyu runacunapita. Gammi Wasiquiman pacashpayqui washanqui washa-rimacunapita.

Hechos 4:30

Gueshyajcunapis munayniquiwan allchacaycuchun, milagrucunapis wamrayqui Jesucristupa munayninwan rurasha cachun.»

1 Samuel 28:6

Chaymi Tayta Diosta tapucuran. Ichanga manana willarannachu suyñuyninchöpis ni Urim rumiwanpis ni profëtacunawanpis.

2 Crónicas 36:16

Tayta Diospa willacuyninta willapaptinpis pasaypa manacajman churar asiparan. Profëtacunatapis asiparan. Chaymi Tayta Diosga acrashan runacunapaj fiyupa rabyacurcuran. Chaymi runacunaga Tayta Diosman yäracunanpaj manana imata ruraytapis camäpacurannachu.

Proverbios 29:1

Piñacuycaptinpis tantiyacuyta mana munajcunaga manapis aycällatanami ushacanga. Jampipis manami canganachu.

Isaías 65:2

Conträ ricacoj runacunatami witimunanpaj goyay-goyay maquëta macyarashcä. Chay runacunaga quiquincuna munashannöllami llutan caminupa aywarcaycan.

Jeremías 9:6

¡Yapay-yapay mana allicunata rurayllachömi carcaycan! Acrashä runacunaga manami rejsimayta munanchu.»

Jeremías 35:17

Gamcunataga maynami willapashcä. Chaypis manami wiyacushcanquichu. Gayaptëpis manami cäsumashcanquichu. Chaypitami intëru Judächo Jerusalencho tiyajcunapäga canga fiyupa ñacay cananpaj nishäno. Gam Israelcunapa munayniyoj Tayta Diosniquimi chayno në.› »

Jeremías 44:16

«Tayta Diospa jutincho willamashayquita nogacunaga manami wiyacöchu.

Zacarías 7:13

Chaymi në: Imanömi paycuna mana wiyacamashachu noga willapaycaptë, chaynöllami nogapis mana yanapäshächu ruwacur mañacamaptinpis.

2 Crónicas 33:10

Tayta Diosga willaparan Manasesta, llapan runacunatapis. Ichanga manami wiyacuranchu.

Job 33:14

Diosga tucuynöpami willapämanchi. Ichanga noganchi mana cuentata gocunchïchu.