Oseas 9:7 - Tayta Diosninchi Isquirbichishan

⁷ Chayamushanami juchayquiman-tupu castiganäpaj caj junajcuna. Israelcuna, musyanquipänami castïgu mayna chayamushanta. Gamcunaga nircaycanqui: «Profëtaga upami, löcuyaycanmi» nir. Chaynöga nircaycanqui fiyupa juchasapa cashpayquimi, fiyupa chiquicushpayquimi.

Oseas 9:7 Referans Kwoze

Miqueas 7:4

Paycunacho mas rispitasha caj runacunapis cashanömi caycan. Mas yäracuypaj runapis shiranömi caycan. Imano captinpis chayamongapänami llapanpita jusgasha cananpaj junaj. Chaytaga maynami willacojcuna willacuran. Chay öraga runacuna manami ima ruraytapis camäpacongapächu.

2 Reyes 9:11

Mandaj suldäru-masincuna caycashanman Jehú cutiriptin paycunaga tapuran: «¿Imataj casha? ¿Ima nisha-cashunquitaj chay löcuga?» nir. Chaura Jehú niran: «Gamcuna rejsinquimi. Imano parlashantapis musyanquimi.»

Marcos 3:21

Chayno caycashanta mayar famillyancunaga aywaran Jesusta apacunanpaj: «Dyablumi maquichacurcusha» nir runacuna rimaptin.

Ezequiel 13:3

Tayta Diosga caynömi nin: Ay imanöraj canqui yarpayniynaj profëtacuna. Imatapis mana musyaycächiptëmi paycunaga quiquincuna yarpashallanta willacurcaycan.

Lamentaciones 2:14

Profëtayquicuna willashushayquega manami rasunpachu caran. Juchayoj cashayquita paycunaga manami willashurayquichu. Willashuptiquega canan manami prësu aywanquimanchu caran. Llutanta willapäshushpayquimi gamcunataga riguichishurayqui.

Jeremías 10:15

Chay mana bälej ïdulucunaga manacajllami. Chaycunataga Tayta Diosmi castïgu junaj illgächenga.

Isaías 10:3

Chayno car gamcunaga ¿imataraj ruranquipaj jusgashushayqui öra? Carupita castïgu chayashuptiqui ¿pitaraj mañacunqui? Riquësayquicunatapis ¿maymanraj churanqui?

2 Corintios 5:13

Waquenga capas «löcu» niman; ichanga Tayta Dios-raycumi «löcu» nishapis caycä. Waquinniquimi ichanga alli yarpayniyojta ricarcaycämanqui. Y chayno caycä gamcunata yanapänä-raycumi.

Lucas 21:22

Chay wichanga fiyupami castïgu canga. Chayno ruraptinmi Tayta Dios isquirbichishan llapan cumlenga.

Miqueas 2:11

‹Tayta Diosga yanapäshunquipaj bïnu cananpaj, machächicojcuna cananpaj› nir willacojcunami gamcunapa profëtayqui cananpäga alli caycan.

Ezequiel 13:10

« ‹Paycunataga chayno päsanga acrashä runacunata «llapanpis allimi caycan» nir llullapashanpitami. Rasunpaga manami chaynöchu casha. Chay llulla profëtacunaga caycan tuninaycaj pergata jananpa iscuwan lajtashanöllami.

Jeremías 29:26

‹Gamtaga Tayta Diosmi churasha-cashunqui Joiadapa ruquin Templucho mas mandaj cüra canayquipaj. Pipis juc löcu profëta-tucushpan rimayta gallaycuptenga ¿manachu jinan öra prësu charircur tablapita sëpuman jatichir cadinawan watachinquiman?

Apocalipsis 16:19

Jatun Babilonia siudätaga runacuna llutanta rurashanpitami Tayta Dios rabyar fiyupa castigaran. Chaymi chay siudäga quimsaman raquicäcuran. Waquin siudänincunanami juchur ushacaran.

Sofonías 3:4

Profëtayquicunaga carcaycan mana rispitacoj, engañacoj. Cüracunapis Tayta Diosta aduranan Templuta ganraycächin. Tayta Diospa laynincunatapis manami cumlinchu.

Amós 8:2

Pay tapumaran: «¿Imatataj ricaycanqui Amós?» nir. Chaura noga nirä: «Juc canastacho frütacuna pogusha caycajtami» nir. Chaura Tayta Dios nimaran: «Israel runacunaga pogusha frütanönami caycan. Chaymi juchanpita mastaga manana perdunashänachu.

Oseas 9:8

Diosga profëtanta churasha Efraín runacunata ricananpämi. Chaypis gamcunaga chay willacoj mana alliman chayananpaj trampata churaparcaycanqui. Intëru Israelchöpis chiquircaycanqui.

Ezequiel 38:23

Chayno rurarmi waquin nasyun runacunataga musyachishaj munayniyoj, Santo Dios cashäta. Chaura achca nasyun runacunami rejsimanga. Chaynöpami paycunaga musyanga noga Tayta Dios cashäta.»

Ezequiel 25:17

Fiyupami paycunataga ayñita cutichishaj. Fiyupa rabyawanmi castigashaj. Chayrämi paycuna musyanga noga Tayta Dios cashäta.»

Jeremías 46:21

Guellaypaj pillyaj mincaynincunapis wera töru-mallwacunanömi. Ichanga paycunapis upucruypita gueshpirmi aywaconga. Pillyananpäpis manami ichipangapänachu. Paycuna disigrasyaman chayanan junäga chayaycämunnami. Castigasha canan junäga chayaycämunnami.

Jeremías 16:18

Paycunaga mana sirbej aypalla ïduluncunata adurarmi partisyunta goycushä nasyunta ganrachisha. Chay partichöga intëruchömi mana munashäcunata rurasha. Chaymi paycunataga juchata rurashanpita fiyupa castigashaj.»

Jeremías 11:23

Anatot runacunata jusganä junaj chayamongapänami. Paycunaga ñacachiptë ushajpämi ushacangapaj. Manami ni jucnayllapis quëdangachu.»

Jeremías 8:11

Paycunaga acrashä runacuna nanächicushantapis yanga yangallami jampin. Chayno rurarmi «Alli goyay caycan, alli goyay caycan» nin. Rasunpaga mana alli goyayllami caycan.

Jeremías 6:14

Paycunaga acrashä runacunapa dañäduntapis janan janallanmi jampin. Chayno rurarcorga ‹Alli goyay caycan, alli goyay caycan› nin. Rasunpaga mana alli goyayllami caycan.

Isaías 44:25

Nogaga manami camacächëchu llulla profëtacuna ‹caynömi, wacnömi canga› nishanno cananpäga. Nogami camacächë musyacojcunapapis manana yarpaynin cananpaj. Nogami camacächë yachajcuna jucnin nishan jucnin nishanwan mana tincunanpäpis. Yachashancunapis imapäpis mana bälejna cananpaj camacächë.

Isaías 34:8

Chayno canga chay junaj Tayta Dios ayñita cutichiptinmi. Chay watami Sionga ñacachejcunata ayñita cutichenga.

Isaías 26:11

Tayta Dios castiganayquipäga maynami camarisha caycanqui. Ichanga chay runacuna manami tantiyacunchu. Acrashayqui runacunata fiyupa cuyashayquita ricashpanrämi pengaycho ricacongapaj. ¡Chay runacunataga rabyasha caycashayqui ninano usharichun!

Jeremías 23:13

«Nogaga ricashcämi Samariacho profëtacuna mana munashäta rurarcaycajta. Paycunaga Baal diospa jutinchömi willacusha. Chayno rurashpanmi acrashä Israelcunatapis pantacächisha.

Jeremías 25:14

Chay nasyuncho tiyajcunapis cangapaj jatun nasyuncunapa munayninchömi, munayniyoj raycunapa maquinchömi. Chaynöpami paycunataga imanöpis rurashanmanno ayñita cutichishaj.»

Ezequiel 9:10

Paycunata nogaga mananami cuyapänachu. Chaypa ruquenga imano imata rurashallanpitapis llapanpitami tapushaj.»

Oseas 8:13

Paycunaga amatarmi munan uywacunata pishtapämayta. Nircur pishtashan uywacunapa aychantaga micucarcärin. Noga Tayta Diosga manami cushicöchu chayno rurashanpita. Mana allita rurashancunatami yarpäshaj. Juchanpita castigashpämi Egiptuman cutichishaj.

Oseas 14:1

Israelcuna, quiquiquipa juchayquipitami mana alliman chayashcanqui. Cananga Tayta Diosniquimanna yapay yäracuy.

Oseas 5:9

Castiganä junaj Efraín runacunaga ushajpämi ushacanga. Rimashätaga rasunpami Israelcho cumlishaj.