Oseas 8:5 - Tayta Diosninchi Isquirbichishan

⁵ ¡Samaria, gam adurashayqui törutaga fiyupami melanäcö! Chaytaga fiyupami rabyapaycä. Israelcuna ¿imaycamaraj jucha rurayta mana cachanquichu?

Oseas 8:5 Referans Kwoze

Oseas 10:5

Samaria runacunaga chulluchiypa rurashan törutami Bet-avén siudächo aduran. Ichanga chay törupaj fiyupami llaquicongapaj runacunapis, cüracunapis. Chaynöga llaquiconga chay törunta apacuptinmi.

Jeremías 13:27

Nogaga gamcunata ricashcämi mañösa warmi runacunata chasquejno pengaypaj juc dioscunata adurashayquita. Ricashcämi puytush lömacunacho chacracunacho melanaypajcunata rurashayquitapis. ¡Ay imanöraj canqui Jerusalén runacuna! ¿Imaycamaraj chayno ganralla carcaycanqui?»

Proverbios 1:22

«Mana tantiyacojcuna, ¿imaycamaraj llutancunallapaj yarparaycanqui? Pitapis mana cäsoj mösucuna, ¿imaycamaraj pï-maytapis asipar cushipanqui? Yarpayniynaj mösucuna, ¿imaycamaraj yachaj caytapis manacajman churarcaycanqui?

Hechos 7:41

Chaura goripita ruraparan töru-nirajta. Nircur chay ïdulunta adurarna uywacunata rupachiran. Fistatapis cushicuyllawan ruraran.

Oseas 8:6

¡Samariacho caycaj töruga manami dioschu! Chaytaga ruray yachajllami rurasha. Chay törutaga acapa-acapami paquirengapaj.

Jeremías 4:14

Chaura noganami nishäpaj: ‹Jerusalén runacuna jucha rurashayquicunapita arpinticuy. Chaynöparämi salbacunquipaj. ¿Imaycamaraj jucha rurayllapaj yarparcaycanqui?› nir.

Isaías 45:20

«Juc nasyun runacunaga mana tantiyashpanmi guerupita rurasha ïduluncunata matancasha purichin. Mana salbananpaj caycaptinpis ‹diosnë› nir mañacun. Paycunatami në: Cawaycar quëdaj cajcunaga shuntacarcushpayqui shamuy-llapa.

Deuteronomio 32:22

Cananga nina ratarejnörämi fiyupa rabyacurcushcä. Rabyashäga chayanga pacha rurincamami. Allpatapis micuytapis manami wayuchishächu. Jircacunatapis rupachirmi ushashaj.

Salmos 19:13

Musyaycar juchata ruranäpitaga chapaycamay ari. Ama cachaycamaychu shongö munashanta ruranäpäga. Chayrämi cashaj allita ruraj runa. Chauraga manami fiyupa juchayoj cashächu.

Jeremías 48:13

Chayrämi Moab runacunaga Quemós diosninpita pengaconga. Israel runacuna Betelcho caycaj altarman amatar yäracushanpita pengacushannömi pengacongapaj.

Oseas 13:2

Cananpis jinallami juchata rurarcaycan. Guellaynincunata chullurcachir ïdulucunata rurachicurcun. Chay ïdulucunataga guellay tacajmi yachashanman-tupu rurapan. Nircorga nin: «Paypaj garayniquita churay-llapa» nir. Chaura runacunaga jundiypa rurashan töruta rispitashpan muchan.

Amós 8:14

Mana allimanmi chayangapaj Samariacho caj ïdulupa jutincho jurajcuna, Danpa Diosninpa jutincho jurajcuna, Beersebapa diosnincunapa jutincho jurajcuna. Paycunaga imaypis manami alliman chayangapänachu.»

2 Crónicas 13:8

Tayta Diosga auniran Davidtami y wamrancunatami ray cananpaj. Chaypis gamcunaga achcaj cashpallayquimi, Jeroboam ‹caymi diosniqui› nir rurapäshushayqui gori wäcacunata charallar Tayta Diospa contran jatarircaycanqui.

Oseas 10:8

Mana bälej ïduluncunata adurashan capillancunapis ushacangami. Chaychöga Israelcuna juchatami ruraran. Capillancunachöga cashacunawan shiracunallami wiñamonga. Chayrämi runacunapis puntacunata nenga: «¡Juchumur chapacarcamay!» nir. Jircacunatapis nenga: «¡Nogacunapa janäman tunimur ñiticarcamay!» nir.

Miqueas 1:7

Rispitar adurashan ïduluncunatapis ruparachishaj, agullarishaj. Chaycunataga ruraran pï-maywanpis cacoj warmicunapita chasquishan guellaywanmi. Chaypitami yapay ticrachishaj pï-maywanpis cacoj warmicunata pägananpaj.»