Oseas 7:1 - Tayta Diosninchi Isquirbichishan

¹ acrashä runacunata jampiptë, Efrainpawan Samariapa juchancunaga alayrimi ricacan. Paycunaga llullacuyllapämi yachacasha carcaycan. Llapanpis suwallami. Wasicunamanpis suwacoj yagacaycärin. Runacunata imantapis cällicunacho guechun.

Oseas 7:1 Referans Kwoze

Oseas 7:13

«Ay, nogata gongaycamajcunaga imanöräshi canga. Paycunaga illganga nogapa conträ ricacushanpitami. Paycunaga nogapa conträmi llullacurcaycan. Man'chäga noga salbämanmi.

Oseas 6:4

Tayta Dios nin: «¿Imataraj gamta ruraycömanpis Efraín? ¿Imataraj gamta ruraycömanpis Judá? Gamcuna cuyamashayquega caycan tutapa pucutaraycar warämojno, tutapa shullay warämur intiwan rätu illgacäcojnömi.

Lucas 19:42

cayno nishpan: «Alli goyayta apamushäta canan junajllapis tantiyarga allimi goyanquiman. Ichanga chaycunata manami tantiyanquichu gampaj pacaraycajno captin.

Oseas 4:2

Chaypa ruquenga runacuna manacajpita jurarcaycan. Llullacuypa rimaycan. Wañuchinacurcaycan. Suwacurcaycan. Majayoj caycar jucpa majanwan cacurcaycan. Jananman-jananman wañuchinacuyllami caycan.

Lucas 13:34

Chaypita Jesús wagar niran: «Ay imanöraj canqui Jerusalén. Tayta Diosga profëtancunata cachamuran. Paycunatami wañuchishcanqui. Waquintaga sajmar-ushashcanqui. Jerusalén, achca cutimi wamrayquicunata shuntayta munarä wallpa chipshancunata älan rurinman shuntashannöpis. Ichanga manami munashcanquichu.

Mateo 23:37

«¡Ay imanöraj canqui Jerusalén! Tayta Diosga profëtancunata cachamuran. Paycunatami wañuchishcanqui. Waquintaga sajmar-ushashcanqui. Jerusalén, achca cutimi wamrayquicunata shuntayta munarä wallpa chipshancunata älan rurinman shuntashannöpis. Ichanga manami munashcanquichu.

Miqueas 6:16

Chaynöga cangapaj ray Omriwan, ray Acabpa famillyancuna nishancunata, rurashancunata, wiyacur rurashayquipitami. Chaypitami cananga noga camacächishaj Jerusalenta illgächinanpaj. Chaycho tiyaj runacunataga pasaypa manacajmanmi churanga. Llapan nasyun runacunami jamurpangapaj acrashä runacunataga.»

Amós 8:14

Mana allimanmi chayangapaj Samariacho caj ïdulupa jutincho jurajcuna, Danpa Diosninpa jutincho jurajcuna, Beersebapa diosnincunapa jutincho jurajcuna. Paycunaga imaypis manami alliman chayangapänachu.»

Oseas 11:12

Tayta Dios nin: «Efraín runacunaga tucuynöpami llullapämasha. Israel runacunaga tucuynöpami manacajcunata nimasha. Judá runacunaga noga Tayta Diosninta gongaycamashami. Cananga ïdulucunatana mana cachaypa adurarcaycan.

Oseas 10:5

Samaria runacunaga chulluchiypa rurashan törutami Bet-avén siudächo aduran. Ichanga chay törupaj fiyupami llaquicongapaj runacunapis, cüracunapis. Chaynöga llaquiconga chay törunta apacuptinmi.

Oseas 8:9

mana tantiyaj chucaru bürruno Asiriaman aywashanpita. Efraín runacunaga aunisha Asiriacuna yanapaptin pägananpämi.

Oseas 8:5

¡Samaria, gam adurashayqui törutaga fiyupami melanäcö! Chaytaga fiyupami rabyapaycä. Israelcuna ¿imaycamaraj jucha rurayta mana cachanquichu?

Oseas 5:1

«Cüracuna, noga nishäta sumaj wiyacuy. Israelpa mandajnincuna, wiyashpayqui sumaj tantiyacuy. Raypa famillyan cajcunapis sumaj wiyacuy: Gamcunatami jusgashayquipäga. Gamcunaga Mizpacho cashcanqui tuninanpaj wascata churashanömi. Tabor puntachöpis cashcanqui redanömi.

Oseas 4:17

Efraín runacunaga ïdulucunata aduraymanmi chayasha. ¡Mä chayno goyäcuchun ari!

Ezequiel 23:4

Mayur cajpa jutin caran Ahola. Shullcanpanami jutin casha Aholiba. Aholaga caycan Samariami. Aholiba cajnami caycan Jerusalén. Nogaga paycunawan majachacarä. Paycunachömi casha wamräcuna ollgupis warmipis.

Ezequiel 16:46

Norte caj-lächömi caycasha mayur ñañayqui Samaria siudä llapan caseryuncunawan. Sur caj-lächönami caycasha shullca ñañayqui Sodoma siudä llapan caseryuncunawan.

Jeremías 51:9

Chaura waquin nasyun runacunaga Babiloniata jampiyta camasha. Ichanga manami allchacashanachu. Chaymi nin: ‹¡Cachaycäriyna! Llapanchi aywacushun nasyunninchïman-camana. Paycunapa juchanga syëlucamami chayasha. Chaymi paycunaga fiyupa castigasha canga› nir.

Isaías 59:12

Noganchëga Tayta Diosta fiyupami rabyachishcanchi. Juchanchïcunami chayno cashanchïta musyachimanchi. Jucha rurashanchïcunataga yarparaycanchïmi.

Isaías 28:1

¡Ay imanöraj canga Samaria! Payga corönanömi micuyta alli wayuchej altu patacho caycan. Burrächu Efraín runacuna alli-tucushanmi caycan. Chaynöpis caycan adurnu wayta wañuytasha caycajnömi. Chaychöga bïnuta upyallarmi goyarcaycan.

Ezequiel 24:13

«Jerusalén, nogaga chaynömi mana pengacuypa pï-maywanpis cacur ganracushayquipita limyuyächiyta munashcä. Chayno ruraptëpis manami limyuyashcanquichu. Limyuyanquipäga rabyasha caycashäta gamcho pascacächiptërämi.

Oseas 11:8

«¿Imanöpataj gamtaga gongaycöman Efraín? ¿Imanöpataj gamtaga jaguiriycöman Israel? ¿Imanöparäshi ruraycöman Adma siudäta illgächishänöga? ¿Imanöparäshi ruraycöman Seboim siudäta rurashänöga? Gamta cuyapar fiyupa llaquicuptëmi shongöpis nananraj.

Isaías 59:13

Tayta Dios nishantaga manami cumlishcanchïchu ni wiyacushcanchïpischu. Paytaga chiquicarcärishcanchïmi. Noganchëga wañuchicuyllapämi, juc runata mana alli rurayllapämi parlashcanchi. Jucta-jucta engañanallanchïpämi parlacushcanchïpis.

Isaías 59:14

Chaynöpami alli cajta ruraytaga gongaycärishana. Alli cajta ruraytaga pipis manami yarpannachu. Parlashantaga runacuna manami cumlinnachu. Suwapänacur suwapänacullarnami goyarcaycan.

Oseas 12:1

Efraín runacunaga masta-mastami llullacuycan. Fiyupanami wañuchinacurcaycan. Paycunaga wayrallata goyarpoj gatirajnömi manacajcunallata rurarcaycan. Wayrata upoj-japuyllami carcaycan. Asiria runacunawan parlacorga chaytami ruraycan. Egiptumanpis garayninta asëtita apaycächin.»

Oseas 12:2

Tayta Diosga Judá runacunata chiquicurcushami. Imanöpis rurashanpitami Jacobpita mirajcunataga castiganga. Imanöpis rurashanmannömi paycunataga castiganga.

Amós 3:9

Willacojcuna, gamcuna willacuy Asdod runacunapa palasyuncunacho, Egiptucho caycaj palasyucunachöpis. Cayno niy: «Samaria jircacunaman shamuy-llapa, fiyupa mana allicunata Samariacho ruraycajta ricanayquipaj, alli runacunata ñacaycächejtapis ricanayquipaj.

Amós 3:10

«Paycunaga alli cajta rurayta manami yachanchu. Guechushancunallatami palasyuncunachöpis chararaycan.»