Oseas 6:3 - Tayta Diosninchi Isquirbichishan

³ Tayta Diosman cutishun ari. Cutiptinchëga Tayta Diosmi noganchïman shamongapaj. Inti waran-waran yagamushannöpis Payga rasunpami shamonga. Jachacuna chillguinan wichan, waytanan wichan imaypis tamya tamyashanno rasunpami shamonga.

Oseas 6:3 Referans Kwoze

Oseas 14:5

Israelcunapäga cashaj tamyariptin shullay quëdashanömi. Paycunanami caycanga liryucuna waytajno. Paycunaga canga Líbano jircacho yöracuna sumaj sapichasha caycajnömi.

Jeremías 24:7

Noga Tayta Dios cashätami tantiyachishaj. Chaura paycuna canga noga acrashä runacuna. Nogana cashaj paycunapa Diosnin. Chaynöga canga llapan shongunpa nogaman yapay yäracamuptinnami.

Salmos 72:6

¡Payga cachun cay pachaman tamyar guewacunata pargojno!

Apocalipsis 22:16

Jesucristumi nin: «Nogami anjilnëta cachamushcä ima päsananpaj cajcunatapis yäracamajcunata musyachinäpaj. Nogaga Davidpita mirajmi, Waraj estrëllami caycä.»

Mateo 13:11

Chaura Jesús niran: «Gamcunataga Diosmi tantiyaycächishunqui imano Paypa maquincho cananpaj cajtapis, waquincunatami ichanga manaraj.

Zacarías 10:1

Tayta Diosta mañacuy-llapa micuy wiñaycashan wichan tamyachimunanpaj. Chaura illguyta illgöchej Tayta Diosmi intëruman tamyachimonga. Llapan runatami micuyta tarichenga. Chacracunachöpis lantacuna canga.

2 Pedro 1:19

Chaynöpis Diosninchïpa unay profëtancuna isquirbishannöllami Tayta Jesucristo yapay cay pachaman cutimonga. Chay isquirbishantaga sumaj wiyacuy-llapa. Wiyacuptiquega chacajcho achqui achquipäshojnömi canga. Chayno canga Tayta Jesucristo cutimunan junajcamami. Chauraga shonguyquipis achicyacäcongami.

Lucas 1:78

Tayta Diosga fiyupa cuyamashpanchïmi juc Salbacojta syëlupita cachamusha. Chayga noganchïpaj caycan tutapa inti yagamojnömi.

Malaquías 4:2

Gamcuna, rasunpa rispitamar wiyacamajcunapämi ichanga salbacoj caynë cangapaj mana gueshyanayquicunapaj inti ratamushanno. Chaura gamcunanami cushicuypita pinticachanquipaj besëracuna wichgarashanpita llojshir pañashannöraj.

Miqueas 4:2

Aypalla runami shamunanpaj shacyächinacushpan cayno ninaconga: «Aywashun-llapa, Jacobpa Tayta Diosninpa Templun caycashan jircaman wichänapaj. Chaychönami yachachimäshun imano goyänanchïpäpis. Chaynöpana pay munashanno llapantapis rurashunpaj» nir. Sionpitami Tayta Diosga yachachenga. Jerusalenpitanami parlapämonga.

Hebreos 3:14

Imaycamapis Jesucristuman yäracur pay munashanno cawashpanchëga paypa yanapajninmi caycanchi. Chaymi mana cachaypa payman yäracorga noganchïpis payno cashunpaj.

Juan 17:3

Imaycamapis cawayta tarinanpäga riguinan rasunpa japallayqui Dios cashayquitami, cay pachaman cachamushayqui Cristo noga cashätapis.

Oseas 10:12

Noga unay nirä: ‹Murupacojnöpis alli cajllata ruray. Chauraga cuyanacurmi goyanquipaj micuyta alli shuntajnöpis. Chucru chacrata yapyajnöpis chucru shonguyquita pascacächiy. Cananmi noga Tayta Diosman yäracamunayqui. Chayrämi shamushpä gamcunaman bindisyunnëta churamushaj.›

Isaías 54:13

Nogami yachachishaj llapan wamrayquicunata. Paycunaga llapanpis allimi goyangapaj.

Hechos 17:11

Berea runacunaga Tesalónica runacunapita mas allimi caran. Chaymi Pablo willapashanta cushisha chasquicuran. Ichanga waran-waran Pablo yachachishancunata Tayta Dios isquirbichishanwanraj tincuchiran rasunpa cashanta musyananpaj.

Oseas 2:20

Nogaga mana cachaypanami chararäshayquipaj. Chaymi nogapis gampana cashäpaj. Nogatanami ‹Tayta Diosnë› nimanquipaj.

Isaías 44:3

Nogami camacächej-aywä chunyaj jircapa yacu aywananpaj, chaqui jircacunachöpis mayu aywananpaj. Gamcunapita mirajcunamanga nogami Espiritöta cachamushaj. Paycunatami bindisyunta goshaj.

Isaías 32:15

Chaynöga cangapaj janaj pachapita Espíritu noganchïman chayamunancamami. Chaura chunyaj chaqui jircapis ticrangapaj muruna chacramannami. Muruna chacracunachönami micuy fiyupa wayongapaj.

Salmos 65:9

Gammi ricaycanqui cay pachataga. Tamyachimunqui. Micuycunatapis wayuchinqui. Gammi rïgutapis pargunqui achca mayu yacu aywajcunawan. Chaynömi chacrataga camarinqui.

Deuteronomio 32:2

Yachachicuynëga tamyanömi runacunaman chayanga. Willapashäga shullaynömi, jachaman chirapa chayajnömi, tajtacho shullay caycajnömi canga.

Miqueas 5:2

Ichanga Judächo caj marcacunapita mas tacsha Belén Efrata marca, gamchömi Israelcunapa raynin yurengapaj. Payga yurenga mas unay famillya aywarajpitami.

Ezequiel 36:25

Chuya yacuwanmi mayllashayquipaj. Ganra caycajta limyuyächishayquipaj. Ïdulucunata adurashayquipita ganra caycajtapis limyuyächishayquimi.

Isaías 5:6

Chunyajtami cachaycushaj. Manami pipis captupangachu, ni uryangapischu. Shatallanami, cashallanami juntacurcongapaj. Pucutaycunatapis nishaj chay pachamanga manana aywananpaj, mana tamyananpaj.»

Proverbios 4:18

Alli runacuna alli goyashanga caycan pacha warämur achicyajnömi.

Job 29:23

Paycunanami yarpayninman sumaj churacushpan wiyacoj. Chaura paycunapäga caj murupacuy wichan tamyanömi.

Miqueas 5:7

Chaura Jacobpita miraj quëdajcunaga intëru nasyuncunachömi caycangapaj. Shullayta Tayta Dios guewaman cada tuta chayachimushannömi caycanga. Chaycunataga manami runachu chayachimun. Chaypa ruquenga Diosllami chayachimun.

Salmos 19:4

busnenga cay pachaman intërumanmi chayasha. Rimashancunaga may-chaymanpis aywashami. Tayta Diosga intipäpis juc pachatami syëlucho rurasha.

Juan 7:17

Tayta Dios munashanta rurayta munaj cäga tantiyacongami yachaycächishä Tayta Diospita cashanta u quiquinpa yarpayllanpita cashantapis.

2 Samuel 23:4

canga pacha waraptin rama-rama achicyaycajno, tamyariptin guewacunata wiñachinanpaj lliuyaraycaptin tutapa inti ratamojno.›

Salmos 19:6

Intiga syëlupa jucaj cuchunpa yagamur jucaj cuchunpana yagan. Shanaynenga llapanmanmi chayan.

Salmos 63:8

Cawashäcamaga gam munashallayquitami ruraycä. Derëchu caj maquiquega manami cacharimanchu.

Isaías 2:3

Aypalla runacunami shamunanpaj cayno parlaconga: «Aywashun-llapa, Jacobpa Tayta Diosninpa Templun caycashan jircaman wichänapaj. Chaychönami willamäshun imano goyänanchïpaj cashantapis. Chaynöpana pay munashanno llapantapis rurashun» nishpan. Jerusalenpitami Tayta Diosga yachachimäshun. Chay Sionpitanami parlapämonga.

Oseas 14:6

Olivo yörapa rämancuna carucama mashtarashannömi paycunaga aypallaman miranga. Líbano munticho sedru alli asyashannörämi cangapis.