Oseas 5:6 - Tayta Diosninchi Isquirbichishan

⁶ Sacrifisyuta nogapaj rupachinanpaj uyshancunata, wäcancunata apacurcurmi Nogata ashimashpan purengapaj. Chayno ashimashpanpis manami tarimangapächu. Chaynöga canga noga cachaycushana captëmi.

Oseas 5:6 Referans Kwoze

Juan 7:34

Ashimashpayquipis manami tarimanquipänachu. Noga aywashä cajman gamcunaga manami chayanquipächu.»

Proverbios 1:28

«Chay öraga gayacamaptiquipis manami wiyashayquinachu. Ashimarpis manami tarimanquipänachu.

Ezequiel 8:6

Nircurna tapumaran: «Runa, ¿ricaycanquichu Israelcuna chayno melanaypaj mana allicunata ruraycashanta? Chayno captinmi nogapis rispitädu Templöpita witicuycä. Canan ricashayquipitapis mas piyur mana allicunatarämi ricanquipaj.»

Lamentaciones 3:44

Nogacuna ruwacur mañacamushäta mana wiyanayquipämi pucutayman yagacuycurayqui.

Jeremías 7:4

Gamcuna ama yäracuychu «¡Caychöga Tayta Diospa Templunmi caycan. Chaymi cay partita mana illgächengachu. Cayga Tayta Diospa Templunmi!» nishojcunaman. Chayno nishojcunaga llullapaycäshunquimi.

Proverbios 15:8

Fiyu runacunapataga imata goptinpis Tayta Dios manami chasquinchu. Quiquin Tayta Dios munashanno cawajcuna mañacuptinmi ichanga cushicun.

Lucas 5:16

Chaypis Jesusga imaypis chunyajninman aywaj Tayta Diosta mañacunanpaj.

Jeremías 11:11

Chaypitami paycunataga fiyupa ñacachishaj. Chay ñacaypitaga manami imanöpapis gueshpengapächu. ‹Salbaycamay› nir mañacamaptinpis manami yanapäshäpächu. Noga Tayta Diosmi chayno në.

Isaías 66:3

Waquin runacunami ichanga aduramashpan töruta rupachinanpaj pishtan. Runa-masintapis wañuchin. Uyshata nogapaj pishtan. Allgutapis cuncanta milluypa wañuchin. Chaqui micuy ofrendancunatapis nogapaj churan. Nircorga cuchipa yawarnintapis churan. Aduramashpan insinsutapis rupachin. Nircorga ïdulucunatapis aduran. Chayno melanaypajcunata rurananpaj acrajcunaga chaycunata rurashpan fiyupa cushicun.

Cantares 5:6

Cuyaynëta puncuta quichapariptë payga manami cashanachu. Aywacushana caran. Gayacamushanta yarpärir fiyupa llaquicurä. Ashirpis manami tariränachu. Gayacuptëpis manami mayacarannachu.

Proverbios 21:27

Tayta Diosga melanäcunmi fiyu runacuna garashan sacrifisyuta. Mas piyur-rämi melanäcunpis yanapänan cashalla sacrifisyuta apapaptenga.

Éxodo 10:9

Chaura Moisés niran: «Nogacunaga aywashaj ushajpämi ollgupis warmipis, wamrapis chacwan auquinpis, jucpis mana pishej. Uywäcunatapis manyapitami gatishaj. Nogacunaga Tayta Diosta adurarmi jatun fistata rurashaj.»

Miqueas 3:4

Gamcunaga juc junaj Tayta Diosta mañacunquipämi. Ichanga pay manami wiyashunquipänachu. Fiyupa mana allita rurashayquicunapitami gamcunapitaga juc-läpa ticracurcongapaj.

Ezequiel 8:18

Chayno rurashanpitami nogapis fiyupa rabyashpä castigashaj. Paycunataga manami cuyapäshächu. May-jina gaparaypa mañacamaptinpis manami wiyashächu.»

Jeremías 11:14

Chaymi Jeremías, gamga chay runacunata cuyapänäpaj ama mañacamaychu. Paycunapäga ama mañacamaychu ni ruwacamaypischu. Ñacaycashan öra ruwacur mañacamaptinpis paycunataga manami yanapäshäpächu.

Jeremías 14:12

May-jina ayunashpan mañacamaptinpis manami yanapäshäpächu. Maychica uywacunata, chaqui micuy ofrendacunata nogapaj apamuptiquipis manami cuyapäshächu. Paycunataga ushacächishaj guërrawan, muchuywan, gueshyawanmi.»

Oseas 8:13

Paycunaga amatarmi munan uywacunata pishtapämayta. Nircur pishtashan uywacunapa aychantaga micucarcärin. Noga Tayta Diosga manami cushicöchu chayno rurashanpita. Mana allita rurashancunatami yarpäshaj. Juchanpita castigashpämi Egiptuman cutichishaj.

Malaquías 1:10

Ima alliraj canman maygallayquipis Templupa puncunta wichgarcuptiqui. Chaura manami pipis manacajllapäga altarnëcho ninata ratachinmannachu. Nogaga manami cushicöchu gamcuna rurashayquipita. Ima ofrendata goycamashayquicunatapis manami chasquishayquichu.

Amós 8:12

Tayta Diospa willacuyninta wiyayta munashpan runacunaga intërupami purengapaj. Lamarpa juc cuchunpita juc cuchuncamami aywanga. Wacpa caypapis ashir purenga. Ni maypa aywashpanpis manami tarengapänachu.