Oseas 5:12 - Tayta Diosninchi Isquirbichishan

¹² Chayno cashanpitami, Efraín runacunapäga cashaj puyuno. Judá runacunapäna cashaj mana allchacaj guerino.

Oseas 5:12 Referans Kwoze

Isaías 51:8

Chay runacunaga ushacangapaj puyu röpata ushacurcushannömi, millwa garachata curu ushacurcushannömi. Salbacoj cashämi ichanga imaycamapis chaynölla caycanga. Nogaga imaypis canan caycashänöllami caycäshaj.»

Job 13:28

Imapis ismur ushacaycajnömi ushacaycä. Röpata puyu ushashannömi caycä.

Jonás 4:7

Alli caycashanpita warannin tuta warämojpäga Tayta Dios camacächiran chay calabäsata juc curu cañiycunanpaj. Chaura chay calabäsaga chaquicäcuran.

Isaías 50:9

Nogataga Tayta Diosmi yanapäman. Chauraga ¿piraj «juchayojmi canqui» nimanga? Puyu ushaptin röpa ushacashannömi conträcunaga llapan ushacanga.

Proverbios 12:4

Alli warmiga majanta sumaj rispitädu cayman churan. Fiyu warmimi ichanga majanta pengayman churan.

Salmos 39:11

Jucha rurashancunapita castigar-rämi runataga tantiyachinqui. Cuyaynin cajtaga puyunömi ushaparinqui. Runacunaga llapanpis cawan jämayta cachaynöllami. Selah

Isaías 5:24

Chaypitami nina ogshata rupacurcushanno, chaqui öjacunatapis ushacurcushanno gamcunapis ushacanquipaj. Sapinpita ismoj lantacunanömi, ismuptin waytancuna allpaman ticrashannömi ticranquipaj. Chaynöga canquipaj munayniyoj Tayta Dios yachachishushayquita mana wiyacushayquipitami, Santo Tayta Diospa layninta mana cäsushayquipitami.