Oseas 13:9 - Tayta Diosninchi Isquirbichishan

⁹ «Israelcuna, gamcunataga illgächejmi-aywä. Chayno ruraptë pipis manami nogata michämangachu.

Oseas 13:9 Referans Kwoze

Jeremías 2:17

Chaynöga rurasha-cashunqui Noga Tayta Diosniqui caycaptë, caminunpapis pushaj caycaptë cachaycäramashayquipitami.

Jeremías 2:19

Quiquiquicunapa juchayquipitami castïgu chayashunqui. Mana wiyacamashayquipitami mana allimanpis chayanqui. Imata rurashayquitapis sumaj yarpachacushpayqui mä tincuchiy. Chaymi tantiyacunquipaj Tayta Diosniquita cachaycuyga fiyu mana alli cashanta. Nogataga manami rispitamashcanquinachu. Noga Tayta Diosmi chayno në.

Deuteronomio 33:26

«Jesurunpa Diosninnöga manami ima dioscunapis canchu. Payga yanapäshunayquipaj shamun pucutay janallanpami.

Oseas 14:1

Israelcuna, quiquiquipa juchayquipitami mana alliman chayashcanqui. Cananga Tayta Diosniquimanna yapay yäracuy.

Jeremías 5:25

Ichanga quiquiquicunapa juchayquipitami chay bindisyuncunatapis mana chasquinquinachu. Ima-ayca allicuna tarinayquipaj cajtapis mananami tarinquinachu.

Malaquías 1:9

Mä gamcuna mañacamay cuyapänäpaj. Ichanga ¿chayno ofrendacunata garaycämaptiqui cushishachuraj chasquishayqui? ¿Yanapäshayquichuraj?

Oseas 13:4

Tayta Diosmi acrashan runacunata nin: «Nogami Egiptucho cashayquipita-pachapis Diosniqui cä. Nogapita mas juctaga ama pitapis ‹Diosnë› niychu. Nogallami cä gamcunata salbäga.

Isaías 3:11

¡Ay imanöraj canga juchasapacuna! Paycunataga imatapis rurashanman-tupumi Tayta Dios cutichenga.

Isaías 3:9

Juchata rurashancunaga alayrimi musyacaycan. Juchata rurashancunataga manami pacanchu. Sodoma runacunapaj mayacashannömi may-chaymanpis mayacaycächin. ¡Ay imanöraj canga paycunaga! Quiquincunallami castigasha caytapis ashircaycan.

Proverbios 8:36

Nogata mana yarpämajcunami ichanga quiquillan mana allita ruracuycan. Chiquimajcunaga quiquincunami wañuyta ashiycan.»

Proverbios 6:32

Runapa warminwan cacöga mana tantiyacoj upa runami. Chayno carga quiquillanmi pirdican.

Salmos 146:5

Jacobpa Diosnin yanapashan runaga cushishami cawanga. Tayta Diosllaman yäracoj runaga cushishami cawanga.

Salmos 46:1

Diosmi imapitapis pacamajninchëga. Ñacaycashanchi örapis juclla yanapämanchi.

Salmos 33:20

Noganchëga Tayta Diosmanmi yäracunchi. Paymi yanapämanchi, chapämanchi.

Deuteronomio 33:29

Israelcuna cushicäriy. ¿Picunaräshi gamcunamanga tincunman? Tayta Dios quiquinmi gamcunataga salbashunqui. Paymi imapitapis chapäshushpayqui yanapäshunqui. Paymi contrayquicunatapis binsëshishunquipaj. Chiquishojcunataga ushajpämi wañuchinquipaj. Alli-tucuycajtami manacajman churanquipaj.»

Jeremías 4:18

Quiquiqui mana allita rurashayquipitami chaynöga päsashurayqui. Fiyupa llaquicuycunaga gamcunaman chayamusha mana allicunata rurashayquipitami. Chayno yarpachacur llaquicuptiqui shonguyquipis nananrämi.»

Malaquías 1:12

Gamcunami ichanga jutëta manacajman churaycanqui ‹Tayta Diospa altarnenga manami rispitäduchu. Chaymi ofrendata churashanchïcunapis mana imananpischu› nishpayqui.

Malaquías 1:13

Gamcunaga nircaycanqui: ‹¡Cay aruyga aburrïrumi!› nir. Chayno nishpayqui manacajmanmi churarcaycämanqui. Gamcunaga suwacurcurmi uywata nogapaj apaycämunqui. Wegru wäcata, gueshyaycaj uywatami apaycämunqui. ¿Chay ofrendacunata nogaga chasquishächuraj?

2 Crónicas 28:23

Damascucuna «diosnë» nishancunapämi uywancunata pishtarcur rupachiran. Chayno rurarmi Acazga mana alliman chayaran. Acazga yarparan Siria runacuna «diosnë» nishancuna chay nasyuncho tiyaj raycunataga imachöpis yanapashanta. Chaymi paypis yarparan uywacunata pishtarcur rupachiptenga yanapänanpaj cashanta. Chayno rurashanpitaga Acaz mana allimanmi chayaran. Israelcunapis ñacayman chayaran.

Oseas 7:14

Cämancho gaparpashpanpis, manami llapan shongunpa mañacamanchu. Rïgun, bïnun achca cananpaj mañacur janancunatami yawar-yawar ruracun. Chayno rurarmi nogapa conträ ricacusha.

Oseas 7:15

Nogami yachachirä. Nogami callpayojyächirä. Chayno yanapaycaptëmi paycunaga nogapa conträ parlacusha.