Oseas 13:7 - Tayta Diosninchi Isquirbichishan

⁷ Chaypitami gamcunapäga liyunno cashaj, juc tinri nänicho pacacuycur rachir-usharinanpaj shuyaraycajno.

Oseas 13:7 Referans Kwoze

Oseas 5:14

Nogami ichanga Efraín runacunapäwan Judá runacunapäga cashaj yargaypita liyun micunanpaj charishanno. Paycunataga quiquëmi rachir-usharishaj. Nircur aywacushämi. Llapan charishä cajcunatami apacushaj. Chay apashätaga manami pipis guechumangapächu.

Jeremías 5:6

Chay runacunaga alläpanami juchata rurasha. Tayta Diostapis achca cutinami mana wiyacushachu. Chaypitami contrancunaga liyuncuna muntipita llojshimojno wañuchenga. Chunyajcunapita micucoj jirca allgucuna shamur rachir-usharejnömi rurarenga. Siudänin ñaupancunacho tigricuna wañurgärachejnömi rurarenga. Siudäpita llojshej cajtapis rachir-usharenga.

Lamentaciones 3:10

Nogapäga Tayta Dios casha pacaraycaj ucumaryanömi; pintipaycamänanpaj caycaj liyunnömi.

Amós 3:8

Liyun wagamuptenga ¿piraj manchariyllawan mana sicsicyanmanchu? Willacunanpaj pitapis Tayta Dios niptenga ¿piraj mana willacunmanchu?

Amós 3:4

¿Manaraj cäsata charisha carga munticho liyun gaparämunmanchuraj? ¿Manaraj machaynincho cäsata charar manta liyunpis gaparämunmanchuraj?

Amós 1:2

Cayno nirmi Amosga willacuran: «Tayta Diosga Sión lömapita liyunnömi gaparämun. Jerusalenpitami busninpis junrurumun. Chauraga jircacho caycaj guewacunapis wañuytacäcunmi. Carmelo puntapis chaquicäcunmi.

Isaías 42:13

Tayta Diosga fiyupa callpasapa runanömi, fiyupa jinyu runanömi pillyanga. Guërracho pillyapaj gaparpashanno callpaycurmi gaparanga. Contrancunataga llapantami binsenga.

Apocalipsis 13:2

Cuerponga caran tigri-niraj, chaquincunami ösupa-niraj, shiminnami liyunpa-niraj. Chay waräcuytami dragón munayninta goran llapanta mandananpaj.

Job 10:16

Uysuraycashäpita ricäramuptë gamga liyunnömi gaticachämanqui. Ushacächimänayqui-cashami tucuyta ruraycanqui.

Jeremías 25:38

Tayta Dios fiyupa rabyacurcur castigaptinmi paycuna tiyashan partiga ricacusha liyun tiyashan machay garayasha quëdashanno. Chaynöga quëdasha fiyupa manchariypaj guërra captinmi.