Oseas 13:10 - Tayta Diosninchi Isquirbichishan

¹⁰ Cananga ¿maytaj chay llapan siudäniquicho salbashoj rayniqui? ¿Maychötaj caycan mandajniquicuna: ‹rayta, mandajcunata churapämay› nishayquicuna?

Oseas 13:10 Referans Kwoze

Oseas 8:4

Paycunaga nogata mana tapucamayllapami raynincunata churacarcärisha. Noga mana auniycaptëmi mandajnincunatapis churacarcärisha. Guellaynincunatawan gorincunata shuntarcur ïduluncunata ruracarcärisha. Chaynöpami paycunaga mana alliman chayanga.

Oseas 10:3

Cananga cay runacuna cayno nenga: «Tayta Diosta mana rispitashanchïpitami rayninchïpis mana cannachu. Ichanga rayninchi carpis ¿imachöraj yanapämashwan?» nir.

Juan 1:49

Chayno niptinmi Natanael niran: «Maestru, ¡gamga rasunpa canqui Tayta Diospa Wamranmi. Israelcunapa rayninmi canqui!»

Zacarías 14:9

Chay wichanga Tayta Diosllanami mandangapaj intëru munducho. Pay japallanmi Tayta Diosninchi.

Oseas 13:4

Tayta Diosmi acrashan runacunata nin: «Nogami Egiptucho cashayquipita-pachapis Diosniqui cä. Nogapita mas juctaga ama pitapis ‹Diosnë› niychu. Nogallami cä gamcunata salbäga.

Jeremías 8:19

Marca-masëcuna intëruchömi llaquicur wagashpan nircaycan: «Sionchöga ¿mananachu Tayta Dios can? Rayninchëga ¿mananachu chaycho can?» nir. Chayno niptinmi Tayta Dios nin: «¿Imapätaj gamcuna rabyachimanqui mana sirbej ïdulucunata adurashpayqui, juc-lä runacuna ‹diosnë› nishan mana bälejta adurashpayqui?» nir.

Jeremías 2:28

Judá, ¿maychötaj caycan rurashayqui diosniquicunaga? Chaycuna mä shamuchun ñacaycho caycashayqui öra salbashunayquipaj. ¿Gamcunapaga diosniquicunapis manachu siudäniquicunano aypalla?

Isaías 43:15

Nogami Santo Tayta Diosniqui cä. Nogami Israel nasyunta camacächishcä. Nogami rayniqui cä.

Isaías 33:22

Chay büquicunapa wascancunapis manami watarangapächu guerun ichirajcunaman. Wayra tangananpaj bëlunpis manami mashtacangachu. Chaynöga cangapaj Tayta Dios juezninchi captinmi. Paymi caycan layninchïta ruraj; Paymi rayninchïpis. Paymi salbamäshunpaj. Chauraga chiquinacushanchïpa ima-aycantapis aypallatami guechushunpaj. Guechurcur raquipänacushaga gapracunapis chasquengami. Wegrucunapis yaycongapämi ima-aycantapis guechur apacunanpaj.

Salmos 149:2

Israelcuna cushicur Tayta Diosta alabay. Gamcunataga Paymi camashurayqui. Sión runacuna cushicuy Tayta Dios rayniqui captin.

Salmos 89:18

¡Tayta Dios, gammi canqui chapacuna escüdö! ¡Israelpa Santo Diosnin, gammi canqui nogacunapa raynë!

Salmos 74:12

Unaypitapis gamllami nogacunapaga Raynë canqui. Tayta Dios, gamga cay pachacho achca cutimi allicho llojshishcanqui.

Salmos 44:4

Raynillä, Tayta Diosnillä, acrashayqui runacunataga gammi yanaparayqui binsinanpaj.

Salmos 10:16

Cay pachachöga Tayta Diosllami imaycamapis ray. ¡Payta mana rispitajcunataga gargongami!

2 Reyes 17:4

Chayno caycashanpita Salmanasarga mayaran Oseas contran ricacushanta. Mayaran Egiptupa raynin So jutiyojman runacunata cachashanta. Manana pägashanachu caran cada wata päganyashan impuestutapis. Chaura Salmanasarga Oseasta prësu charircur carsilman wichgachiran.

1 Reyes 12:20

Israelcunaga Jeroboam cutimushanta musyaycärir gayachiran llapan runacuna shuntacasha caycashanman shamunanpaj. Chayaycuptin churaran llapan Israel caj runacunapa raynin cananpaj. Israel cäga mana ni jucnayllapis quëdaranchu Davidpa cajman guellicunanpaj. Chaura Judá trïbu cajllatanami Davidpita mirar aywaj cäga mandaycaran.

Oseas 3:4

Chaynömi Israelcunapapis achca watacama mana cangapächu raynin, ni mandajnincunapis. Manami Tayta Diospaj sacrifisyutapis rupachengachu. Manami juc diosta adurar wancatapis ichichengachu. Cürapa efodninpis manami cangachu. Wasi ïduluncunapis manami cangachu.

Oseas 7:7

Paycunaga jurnu rataycajno cashpanmi autoridänincunatapis wañuchisha. Raynincunatapis rucachisha. Ichanga ni jucnayllapis manami canchu nogata mañacamäga.

1 Samuel 8:7

Tayta Diosnami niran: «Paycuna nishushayquitaga ruray. Imata nirpis manami gamtachu wasguipaycäshunqui. Nogatami wasguipaycäman raynin canäta mana munar.

Lamentaciones 4:20

Tayta Dios acrashan raytapis prësumi charisha. Paymi noganchïtaga cawaycächimaranchi. Chay raypämi nogacuna nej cä: «Paypa munayninchömi tiyashun nasyuncunapa chaupincho» nir.