Oseas 12:11 - Tayta Diosninchi Isquirbichishan

¹¹ Galaadcho tiyajcunaga fiyu runacunami. Paycunaga manacajllami. Gilgalchömi törucunata pishtarcur rupachin. Chaypitami altarnincunapis chacracho rumi gotushacuna goturaycajno quëdanga.»

Oseas 12:11 Referans Kwoze

Oseas 8:11

«Efraín runacunaga achca altarcunatami rurasha juchanta raquinanpaj. Ichanga chay altarnincuna casha masta juchata ruranallanpämi.

Oseas 6:8

Galaad siudäga caycan mana allita rurajcunapa tiyananmi. Chaychöga llapanpis carcaycan wañuchicuptin yawar pillchipashallami.

Oseas 4:15

«Israelcuna, ïdulucunata aduraptiquipis Judäcunaga ama juchata rurachunnachu ari. Gamcuna ama aywaychu Gilgalman ni Bet-avenmanpis. Ama ‹Tayta Diospa jutincho jurä› niypischu.

Oseas 9:15

Tayta Diosmi cayno nin: «Gilgalchömi gamcunaga rurarayqui fiyupa mana allita. Chaychömi gamcunata chiquiyta gallaycurä. Mana allita rurashayquipitami tiyaycashayquipita jitarishayqui. Chaypitami manana masga cuyaycäshayquipänachu. Llapan mandajniquicunapis mana wiyacojllanami.

Oseas 10:1

Israelga caycan übas achcata wayuraycajnömi. Mas achca wayuynin captin mas achcatami capillancunatapis ruraran. Mas cuyayllapaj micuynincuna wayuptin mas cuyayllapätami ïduluncunatapis ruraran.

Jonás 2:8

Mana bälej ïdulucunata adurajcunaga gamta gongaycushurayquimi.

Amós 5:5

Ama aywaychu Betelcho caycaj capillamanga. Ama aywaychu Gilgalcho caycaj capillamanga. Chayno, amana päsaynachu Beersebacho caycaj capillamanpis. Gilgalcho tiyajcunataga simrimi prësu apanga. Betelnami ushajpaj ragällan quëdangapaj.»

Amós 4:4

«¡Betelcho caycaj capillaman mä ayway ä jucha ruraj! ¡Gilgalcho caycaj capillaman mä ayway ä masta jucha ruraj! Uywata pishtarcur tutacunapa apay ä. Cada quimsa junaj diesmuyquita apay ä.

Jeremías 10:15

Chay mana bälej ïdulucunaga manacajllami. Chaycunataga Tayta Diosmi castïgu junaj illgächenga.

Jeremías 10:8

Paycunaga llapanpis yarpayniynajllami. Manami tantiyayta atipanchu. Llagllasha gueruga paycunata manami imatapis yachachinchu.

Jeremías 2:28

Judá, ¿maychötaj caycan rurashayqui diosniquicunaga? Chaycuna mä shamuchun ñacaycho caycashayqui öra salbashunayquipaj. ¿Gamcunapaga diosniquicunapis manachu siudäniquicunano aypalla?

Jeremías 2:20

«Unaypita-pachami gamcunaga nogapa conträ ricacurayqui. Manami wiyacamashcanquichu. Gamcunaga ‹Manami sirbishayquinachu› nimarayqui. Chayno nishpayquimi llapan puytush lömacunacho, rämasapa yöracunapa chaquincunachöpis guellaypaj cacoj warmino juchata rurashcanqui.

1 Reyes 17:1

Juc runami caran Galaad parti Tisbe marcapita. Paymi profëta Elías caran. Paymi ray Acabta niran: «¡Israelpa Tayta Diosninta sirbishäpa jutincho jurarmi noga në: Shamoj watacunachöga fiyupa usyami canga. Noga manaraj nishäcamaga manami ni juc shullayllapis shicwamongapächu!»

Oseas 10:2

Israelga ishcay shongumi. Cananmi ichanga llapan juchanpita castigasha canga. Tayta Diosmi capillancunata juchurgärachenga. Rispitädu ïduluncunatapis sajtargärenga.

Números 12:6

Tayta Dios niran: «Sumaj wiyamay. Nogaga profëtäwan parlä ricapacushallanchömi, man'chäga suyñuyllanchömi.

2 Reyes 17:13

Tayta Diosga profëtancunawan willachiran chayno mana rurananpämi Israelcunatawan Judá runacunataga. Willachir niran: «Jucha ruraycunata cacharir allitana ruray. Mandamintöcunatana llapanta cumliy. Chaytaga unay caj famillyayquicunatami willachirä sirbimaj profëtäcunawan.»

Ezequiel 17:2

«Runa, gamga Israel runacunata tincuchiypa cayno willapay: