5 Chaypis paycunaga manami nogaman yäracamuyta munashachu. Chaypis Egiptumanga mananami cutenganachu. Asiria nasyunpa munayninchömi goyanga.
Ïdulucunata adurayman churacasha. Paycunaga carcaycan wicsu lëchano, lëcha jitaj apuntashanman mana chayajnömi. Ollgur parlashanpitami mandajnincunaga cuchuypa wañuchicanga. Egiptuchöpis paycunataga manacajman churashpanmi asipanga.
Paycunaga amatarmi munan uywacunata pishtapämayta. Nircur pishtashan uywacunapa aychantaga micucarcärin. Noga Tayta Diosga manami cushicöchu chayno rurashanpita. Mana allita rurashancunatami yarpäshaj. Juchanpita castigashpämi Egiptuman cutichishaj.
Chay törutaga Asiriamanmi apanga munayniyoj rayta goycunanpaj. Chaynöpami Efraín runacunaga pengaycho ricaconga. Israelcunaga pengaconga ïduluncunata adurashanpitami.
Gamcunaga Tayta Dios acrashan nasyunchöpis manami tiyanquipänachu. Chaypa ruquin Efraín runacunaga yapay cutenga Egiptumannami. Asiriachönami miconga mana micunanpaj nishä micuycunata.
Chaypitami gamcunata jitarishayquipaj Damascupita mas carucho caycaj chunyaj chaqui jircaman.» Chayno rurashunayquipäga niycan Tayta Diosmi. Paypaga jutinpis munayniyoj Tayta Diosmi.
«Nogami camacächirä gamcuna yargaycho canayquipaj. Nogami camacächirä tiyashayquicunacho micuy pishëshunayquipaj. ¡Chaypis gamcunaga manami nogaman yapay yäracamushcanquichu!» Tayta Diosmi chayno nisha.
Illgächinanpita gueshpir aywacusha captiquipis Egipto runacunami shuntashunquipaj. Menfis partichönami pampashunquipaj. Guellaypita caj bälej cösayquicunapa jananpapis ishancacunami wiñamonga. Tiyashayqui particunapis shatayangami.
Llapanchi shuntacäshun. Nircur Tayta Diosninchïmanna cutishun. Paymi rachir-usharamaranchi. Chaymannömi allchacächimäshunpis. Yawar-yawar ruramashcanchi. Chaymannömi jampimäshunpis.
«Efraín runacunaga musyanmi gueshyarcaycashanta. Judá runacunapis musyanmi gueriwan gueshyaycashanta. Chaymi Efraín runacunaga aywaran Asiria nasyunman, chay nasyunpa raynin yanapänanpaj ruwacushpan. Chay rayga manami allchacächiranchu. Ni guerincunatapis manami jampiparanchu.
Israelpa raynin Peka caycashan wichan aywar chayaran Asiriapa raynin Pul nishan Tiglat-pileser. Nircur charicurcuran Ijonta, Abel-bet-maacata, Janoata, Cedesta, Hazorta, Galaadta, Galileata, Neftalí runacuna tiyashantapis ushajpaj. Chay particho tiyajcunatana llapanta Asiriaman prësu aparan.
Manahem ray caycashan wichan Asiriapa raynin Pul jutiyoj Israel nasyunman yaycuran. Chaura Manahemga pägaran quimsa chunca quimsa waranga (33,000) quïlu guellayta mandashancho alli yanapänanpaj.
Chay ray ama rantengachu achca cawallucunata. Egiptumanpis ama cachangachu cawallu rantej. Tayta Diosmi nishurayqui ‹Egiptuman aywaj nänipa ama imaypis cutimunquichu› nir.
«Nogami gamcunata castigarä Sodomatawan Gomorrata castigashäno. Chaymi gamcunaga caycarayqui ninapita jorgurisha tisunno. ¡Chaypis gamcunaga manami nogaman yapay yäracamushcanquichu!» Tayta Diosmi chayno nisha.