Números 35:33 - Tayta Diosninchi Isquirbichishan

³³ «Runa-masinta wañuchej runaga tiyashayqui nasyuntami ganrachin. Chaynöpis nasyunniqui limyuyanga wañuchicoj runa wañuchisha captinrämi.

Números 35:33 Referans Kwoze

Salmos 106:38

Paycunaga iticunapa yawarninta mashtaran. Chayga caran ollgu warmi wamrancunapa yawarninmi. Cananeo runacunapa diosnincunapämi wamrancunata rupachiran. Chaynöpami cay pachacho yawar mashtararan.

Miqueas 4:11

Cananga achca nasyun runacunami gampa contrayqui shuntacasha carcaycan. Paycunami cayno parlan: «¡Jerusalén ushacaycunman! ¡Chauraga fiyupa cushicurmi ricapashwan!» nir.

Isaías 26:21

Tiyananpitami Tayta Diosga shamoj-aywan cay pachacho tiyajcunata juchanpita castigananpaj. Runa wañuchishan wañojcunata allpaga manami pacanganachu. Chaypa ruquin llapantami allpa ricacächenga.

2 Reyes 24:4

Manasesga juchaynaj runacunatami wañuchiran. Yawarninpis intëru Jerusalencho mashtararan. Chaypitami Tayta Diosga manana perdunayta munarannachu.

2 Reyes 23:26

Chayno cumliycaptinpis Tayta Diosga jinallarämi Judá runacunapaj rabyasha caycaran. Manasés fiyupa juchacunata rurar rabyachishanpitami rabyasha caycaran.

Levítico 18:25

Chayno ganracunata rurashanpitami nasyunninpis ganrana ricacusha. Chaymi jusgar marcanpitapis llapanta gargushcä.

Génesis 9:6

«Quiquin-nirajtami Diosga runata rurasha. Chaymi pipis juc runata wañuchiptin quiquintapis jucga wañuchengapaj.»

Salmos 106:28

Paycunaga Baal-peorta sirbiran. Mana cawaj dioscunapaj churashanta micuran.

Deuteronomio 21:23

jinallanchöga aya ama warangachu. Juchayoj cajcunaga guerucho warcuypa wañuchisha car maldisyunädumi caycan. Chayno captenga wañushan junajlla pampanqui. Guerullacho warcuraycajta warächerga Tayta Dios goycushunayquipaj caycaj nasyuntami ganrachinquipaj.

Génesis 4:10

Niptin Tayta Dios niran: «¿Imanirtaj wauguiquita wañuchishcanqui? Wauguiquipa yawarnin mashtaraycajmi gayacaycäman gamta castiganäpaj.

Números 35:32

«Mana yarpaypa wañupacoj runapis pacacuna marcacho tiyashanpita marcanman cutiyta munar pägayta munaptin ama chasquinquichu. Mandaj cüra manaraj wañuptenga chay marcallacho tiyacuchun.

Deuteronomio 19:10

Chaynöpami Tayta Dios goycushushayqui nasyuncho runata mana wañuchinquipächu mana yarpaypa runa-masinta wañuchishanpita. Payta wañucherga juchayojmi ricacunquipaj.

Jueces 9:24

Chaynöga camacächiran Jerobaalpa ganchis chunca (70) ollgu wamrancunata Abimelec wañuchishanpita wañunanpaj, Shequemcunapis yanapashanpita wañunanpämi.

1 Reyes 2:31

Willaptin ray niran: «Quiquin munashanno jinancho wañurachir pampaycuy. Chaynöpami Joab wañushanpitaga papänëpis nogapis manana juchayojnachu cashaj.

Isaías 24:5

Cay pachataga runacunami ganrachisha. Laycunata manami cumlishachu. Tayta Diospa mandamintuncunata mana wiyacushachu. Imaycamapis alli cananpaj parlashantapis manami cumlishachu.

Jeremías 16:18

Paycunaga mana sirbej aypalla ïduluncunata adurarmi partisyunta goycushä nasyunta ganrachisha. Chay partichöga intëruchömi mana munashäcunata rurasha. Chaymi paycunataga juchata rurashanpita fiyupa castigashaj.»

Jeremías 26:15

Ichanga sumaj musyay-llapa: Nogata wañuchimashpayquega juchayojmi ricacunquipaj gamcunapis, cay siudächo tiyajcunapis Tayta Dios cachamashanta willacuptillä wañuchimashayquipita. Nogataga quiquin Tayta Diosmi cachamasha llapan wiyashayquita gamcunata willanäpaj.»

Deuteronomio 19:13

Chay-niraj runataga mana cuyapaypa wañuchinqui. Chauraga Israel nasyuncho manami wañuchenganachu juchaynajcunata. Wañuchicoj runa mana captenga allillanami cawanquicunapaj.

2 Samuel 3:29

Castïguga chayachun Joabman, llapan famillyancunatawan. Paycunaga gueshyanga purgasyunwan, leprawan. Pay famillyaga wegru cachun. Guërracho wañuchun. Muchupacajlla cachun.»

2 Samuel 21:9

Paycunataga Gabaón runacunata entregaycuran. Chaura Tayta Diospa ñaupancho jircacho wañuchiran. Chaychömi ganchisnintin wañuran sebäda cosëcha gallariycashan wichan.

2 Crónicas 23:15

Chaymi Ataliataga charicarcärir apacuran cawalluyoj suldärucuna palasyuman yaycunan cajpa. Chaychöna wañuycärachiran.