Números 21:5 - Tayta Diosninchi Isquirbichishan

⁵ Chaynami Tayta Diospa, Moisespa contran rimaran: «Cay chunyajcho wañunäpaj ¿imapätaj Egiptupita pushamarayqui? Caychöga manami canchu yacupis ni micuypis. ¡Gustuynaj micuyllata waran-waran micur pasaypa yamacashcäcunanami!»

Números 21:5 Referans Kwoze

Salmos 78:19

Tayta Diospa contran rimaran: «¿Diosga alli micuyta chunyajcho garamashwanchuraj?

Números 16:41

Chaypita warannin junäga llapan runacuna Aarontawan Moisesta gayapar niran: «¡Gamcunaga Tayta Dios acrashan runacunatami wañurcaycächinqui!»

Números 17:12

Israelcuna ichanga Moisesta niran: «¡Nogacunapäga imapis manami allinachu! ¡Llapanëchari wañushaj!

Éxodo 14:11

Moisestana jitapar paycuna niran: «Egiptucho pantiyun mana captinnöpis ¿imapätaj jorgamarayqui cay chunyajcho wañunäcunapaj? ¿Imanirtaj chayno ruramashcanqui?

Proverbios 27:7

Sacsasha carga abëjapa mishquintapis melanäcunmi. Yargaycajpämi ichanga ashgaj micuypis mishquin.

Salmos 68:6

Famillyaynajcunataga Tayta Dios yanapanmi juc pachacho tiyananpaj. Prësu caycajcunata jorgunmi. Nircur alliman churan. Mana wiyacoj fiyucunami ichanga chunyaj chaqui particho tiyanga.

Éxodo 16:31

Israelcuna shuntashanga caran yurajmi, jinachöpis culantrupa murunnömi. Mishquiran abëjapa mishquinwan rurasha tantano. Chaytami Israelcunaga «maná» nir jutichaparan.

Éxodo 16:15

Israelcunaga manami musyaranchu ima cashantapis. Jucnin-jucninpis ninacuran «¿Cayga imaraj?» nishpan. Chaura Moisés niran: «Cayga caycan micunayquipaj Tayta Dios goycäshushayqui tantami.

Éxodo 15:24

Chaura runacunaga Moisespa washan rimaran «Cananga ¿imataraj upushun?» ninacur.

1 Corintios 10:9

Waquin rurashannöga Tayta Jesucristuta musyapänayqui-casha imatapis ama ruraychu. Chayno rurashanpitami Israelcunaga culebra cañiypa wañuran.

Ezequiel 20:21

« ‹Chayno willapaycaptëpis wamrancunaga conträmi ricacuran. Mana wiyacamashpanmi laynëcunata mana cumlishachu. Mandamintöcuna cawayta tarichicoj caycaptinpis manami cumlishachu. Säbadu jamay-junajcunatapis manacajmanmi churasha. Chaymi rabyasha caycashä päsacänanpaj paycunataga chunyajllacho castigar ushariyta yarparä.

Números 11:20

Paycunaga aychata miconga juc quilla intërumi. Pasaypa däñapäcongarämi, melanäcongarämi. Chayno canga paycunawan caycaptë manacajman churamashanpitami, nogapa ñaupächo wagashpan ‹¿Imapäraj Egiptupita llojshimuranchïpis?› nishanpitami.»