Números 14:24 - Tayta Diosninchi Isquirbichishan

²⁴ Sirbimajnë Calebmi ichanga nishäcunata riguir wiyacamasha. Chaymi ricapacoj aywashan partiman payllata yaycuchishaj. Paypita mirajcunapis chay partichömi tiyanga.

Números 14:24 Referans Kwoze

Efesios 6:6

Patrunniquipa ñaupanchöraj ruranayquipa ruquenga mana ricaycäshuptiquipis nishushayquita sumaj ruranqui. Jesucristuman yäracuycarga mana guellanaypa llapan buluntäniquiwan aruy.

Hechos 11:23

Chayar Tayta Dios cuyapäcoj cashanta ricar Bernabëga fiyupa cushicuran. Chaycho yäracojcunatapis shacyächiran mana yamacaypa llapan shongunwan Jesusman yäracunanpaj.

Deuteronomio 1:36

Jefonepa wamran Calebmi ichanga aunishä chacraman chayanga. Nogata wiyacamashanpitami payta, paypita mirajcunataga ricapacur purimushan chacrata goycushäpaj.›

Números 26:65

Chunyaj Sinaí jircacho sinsushan runacunaga Tayta Dios nishannöllami chunyajcho llapanpis wañur ushacaran. Chaymi mayganpis mana carannachu guepa caj sinsucuypäga. Jefonepa wamran Calebwan Nunpa wamran Josuëllanami cawaycaran.

Números 13:30

Chaura Israelcunaga Moisespa contran rimayta gallaycäriran. Chaymi runacunata upällaycachir Calebga niran: «¡Aywashun chay chacrata guechunanchïpaj! ¡Noganchëga guechuyta puydinchïmi!»

Colosenses 3:23

Manduta rurarga cushishalla ruranqui, Jesucristo mandaycäshuptiquino.

Salmos 119:80

Gampa layniqui niycashallanman shongöpis yarpächun. Chaynöpami imapitapis mana pengacushächu.

2 Crónicas 25:2

Amasiasga Tayta Diosta wiyacur allillatami ruraran. Ichanga janan shongullami ruraran.

1 Crónicas 29:18

Gamga caycanqui unay caj awilöcuna Abraham, Isaac, Israel rispitashan Tayta Diosmi. Chaymi cay runacunapa shonguntapis shacyaycachiy ari gamllata yarpäshunayquipaj.

1 Crónicas 29:9

Llapan runacuna fiyupami cushicuran quiquincunapa buluntäninpita Tayta Diospa Templun ruracänanpaj goycärir. Quiquin ray Davidpis fiyupami cushicuran.

Deuteronomio 6:5

«Tayta Diosninchïta cuyanqui llapan shonguyquiwan, llapan bïdayquiwan, llapan callpayquiwan.

Proverbios 23:26

Ïju, willapashäcunata sumaj wiyacuy. Noga imanömi goyashcä; chayno gampis goyay.

Salmos 119:145

Tayta Dios, llapan shongöpami mañacamö. Wiyaycamay ari. Llapan layniquicunatami cumliyta munä.

Números 14:30

Goycunäpaj aunishä nasyunman manami yaycongachu. Jefonepa wamran Calebwan Nunpa wamran Josuëllami aunishä nasyunmanga yayconga.