16 Chay unay caj awilöcunaga casha mana tantiyaj, mana wiyacoj runacunami. Chaymi mandamintuyquitapis mana cumlishachu.
Layniquicunata cumlinanpaj yaparir-yaparir tantiyachirayqui. Chaura paycunami ichanga yachaj-tucoj. Alli cawayta tarichicoj layniquicunata mana cumliranchu. Paycunaga mana wiyacoj cashpanmi gam nishayquita mana cäsucuranchu.
Chaymi Tayta Diospa palabranchöpis niycan: «Gamcuna canan junaj sumaj wiyacunquiman Tayta Dios nishanta. Alli wiyacushpayqui ama shonguyquitapis chucruchiychu Tayta Diosta ñaupata mana wiyacojcunanöga.»
Gammi ichanga canqui rumi shongu. ¿Imanirtaj jucha rurayta mana cacharinquichu? Jucha rurayta mana cachariptiquega Tayta Diosninchi fiyupa rabyar llapan juchayquipitami jusgar castigashunquipaj.
Fiyupa almiraypajcunata rurarmi castigarayqui faraonta, mandäshejnincunata, llapan pampa runacunatapis. Acrashayqui Israelcunata mana cuyapaypa ñacachishanpitami castigarayqui. Chaypitami gampäga maychöpis allita parlan canancamapis.
Nogaga musyänami mana wiyacoj, mana tantiyacoj runacuna cashayquita. Cawaycaptillänami fiyupa Tayta Diosta rabyachishcanqui ¡Wañucuptënaga imatanaraj ruranquipis!
Chaypa ruquenga waran-waran jucniqui-jucniquipis shacyächinacuy Tayta Dios munashanno cawanayquipaj. Chaynöpami canan junaj sumaj wiyacunqui shonguyquicuna mana chucruyänanpaj.
«Gamcunaga mana wiyacoj rinriynajmi canqui. Llutan ruraycunallapaj yarpanqui. Unay castayquicunanöllami Espíritu Santupa contran carcaycanqui.
«Gam Israelcunapa munayniyoj Tayta Diosniquimi nin: Gamcunaga imatapis mana musyaj upanömi ricacushcanqui. Nogapa palabrätaga manami wiyacushcanquinachu. Chaypitami cay siudäta, bisïnun marcacunatapis musyachishä castïgucunawan castigashaj.»
«Canan wichan caycaj runacunapis sumaj tantiyacuy Tayta Dios willacaycächishanta. Israelcuna, gamcunapäga ¿chunyaj jircachu cashcä? ¿Chacajno llantuy ñitishachu cashcä? ¿Imanirtaj nogapaj nircaycanqui ‹Nogacunaga manami pipa munayninchöpis cächu. Manami yapay gammanga yäracamushänachu› nir?
Chaypis paycunaga Tayta Diospa contranmi ricacuran. Chaymi Santo Tayta Diosta rabyachiran. Chaynöpami Tayta Diosga paycunapaj rabyacurcuran. Nircur contran ricacur castigaran.
¡Mandamintöcunata wiyacuptiqui allimi canman caran! Chaura jauca goyashayquega mayu mana chaquiypa aywajnömi canman caran. Alli rurashayquipis canman caran lamarpa pullchajyaynin gatinayllanpa aywajnömi.
Nogaga musyarämi rumi shongu cashayquita, cuncayquipis fyërruno chucru cashanta, urcuyquipis runsino cashanta.
Piñacuycaptinpis tantiyacuyta mana munajcunaga manapis aycällatanami ushacanga. Jampipis manami canganachu.
Nogacunaga juchatami rurashcä. Mana allitami rurashcä. Fiyu runacunami cashcä unay caj taytäcunanöpis.
Acrashä runacuna, willapashäta sumaj wiyacuy. ¡Israel runacuna, alliraj canman wiyacamaptiquega!
Ray Nabucodonosorpa contranpis ricacuran payta sirbinanpaj Tayta Diospa jutincho jurachisha caycaptin. Fiyupa juchata rurashpan Israelcunapa Tayta Diosninmanpis manana yäracurannachu.
Chaymi wiyacuy. Ñaupa awiluyquicunano ama caynachu. Chaypa ruquenga Tayta Dios munashannöna cawashun yapay alli ricamänanchïpaj. Llapaniqui shamuy Templuman. Templutaga acrasha para-simrimi. Tayta Diosta sirbiy. Paypis gamcunapaj rabyasha caycashanpita allchacangami.
Chayno nishanpis manami wiyacuranchu. Chaypa ruquenga ñaupa caj famillyancunano mana allicunata rurararan. Ñaupa caj famillyancunapis Tayta Diosman manami yäracurannachu.
«Israel ichanga werayasha, jaytacojyasha. Jesurún wera cayllawan llushwaypa llushwasha. Chayno carmi Camajnin Tayta Diostapis gongaycusha. Salbajninta, chapajninta manacajman churasha.
Unay caj sirbishojniqui Abrahamta, Isaacta, Jacobta aunishayquita yarpaycuy ari. Cay runacuna mana tantiyaj cashantaga ama yarpaychu. Juchancunapita perdunaycuy ari.
«Mastapis nimaran: ‹Cananga musyänami chay runacuna pasaypa mana wiyacoj cashanta.
Gamcuna sumaj tantiyay. Tayta Diosga manami alli cashayquipitachu chay alli chacrayoj nasyunta goycushunquipaj. Gamcunaga mana tantiyacoj mana wiyacoj runacunami canquipis.
Allimi canman canan yarpashannölla imaycamapis yarpaptenga, nogatapis rispitamashpan mandamintöcunata waran-waran cumliptenga. Chaura quiquincunapis wamrancunapis cushisha allillami cawanga.
Tayta Diosga mastapis Moisesta niran: «Chay runacunata ricashcänami. Musyänami mana wiyacoj runacuna cashanta.
Paycunata niran: «Wiyacamaptiquega, munashänölla cawaptiquega, laynëcunata cumliptiquega Egiptucunata castigar gueshyawan charichishäno manami castigashayquipächu. Nogami cä Tayta Diosniqui, imapitapis allchacächej.»
Chaypis gamcunaga manami wiyacushcanquichu. Chaypa ruquin unay caj awiluyquicunapitaga mas piyur mana wiyacojraj ricacushcanqui.
Ichanga Jerusalén runacuna mana munashachu nishäcunata, laynëcunata cumliyta. Chaynöpami paycunaga läduncho caycaj marca runacunapita, lädun nasyun runacunapita mas piyur fiyu ricacusha. Laynëcunata manami wiyacunnachu. Nishäcunatapis manami cumlinnachu.
Päsaj famillyanchïcunaga Tayta Diosninchïta manami cäsushachu. Tayta Diospa ñaupanchöga juchallatami rurasha. Chayno carmi Tayta Diostaga gongaycärisha. Tiyanan Templutapis manacajman churasha.