Nehemías 5:13 - Tayta Diosninchi Isquirbichishan

¹³ Chayno nircur cäpäta tapsir nirä: «Jurashanta mana cumlej cajtaga wasinpita, ima-aycanpitapis Tayta Diosga tapsirichun. Chayno rurar ima aycayojpis caycajcunataga jinayllata cachaycuchun.» Chayno niptë llapan runacuna niran: «Au, gam nishayquino cachun» nir. Nircur llapan alabaran Tayta Diosta. Runacunaga aunishanno cumliran.

Nehemías 5:13 Referans Kwoze

Hechos 18:6

Ichanga Israelcuna mana wiyacuyta munar Pabluta ashllir-usharan. Chaymi Pabloga röpanta tapsicurir niran: «Gamcunaga quiquiquipitami ñacayman chayanquipaj. Nogaga willapashcänami. Cananpitaga mana Israel runacunatanami alli willacuyta willapäshaj» nir.

Mateo 10:14

Chayashayqui wasicho mana jamachishuptiqui, ni willapashayquitapis mana chasquishuptiquega chaypita aywacunqui chaquiquicunacho caycaj allpata tapsirir.

1 Crónicas 16:36

¡Israelcuna rispitashan Tayta Diosga imay-yajpis alabasha cachun!» Llapan runacunapis «Chayno cachun» niran. Nircorga Tayta Diosta llapan alabaran.

Hechos 13:51

Chaymi Pabluwan Bernabëga «gamcunapitachari cananga imanöpis cacunqui» nejno chaquinpita polbuta tapsirir Iconio marcaman aywacuran.

Eclesiastés 5:5

Aunircur mana cumlinanchïpitaga mana auniymi mas alliga.

Salmos 119:106

Cumlinäpaj jurashätaga cumlishämi: Allita ruranäpaj nimashayquitaga simri cumlishämi.

Salmos 76:11

Aunishanchïcunataga Tayta Diosninchïta cumlishun. Ñaupancho caycajcuna, gamcunapis almiraypaj caycaj Tayta Diospaj garayniquicunata apamuy.

Salmos 50:14

Nogaga janaj pachacho caycaj Diosmi cä. Nogaga mas munä llapan shonguyquipa agradësicamänayquitami; aunimashayquita llapanta cumlimänayquitami.

Nehemías 8:6

Esdrasga munayniyoj Tayta Diosta alabaran. Chaura llapan runacunapis ricrancunata jogarir «Amén, Amén» niran. Nircur llapan runacuna Tayta Diosta adurar gongurpacushpan umpuran urcunpis pampaman töpanancama.

2 Reyes 23:3

Rayga pilancupa ñaupancho ichiraycaran. Chaychömi Tayta Diospa ñaupancho auniran mana cachaypa llapanta cumlinanpaj, llapan mandamintuncunata, rurananpaj nishancunata, laynincunata, conträtuta rurar parlacushan librucho niycashanta cumlinanpaj. Llapan runacunapis raywan iwal auniran.

1 Samuel 15:28

Chaymi Samuelga Saulta niran: «Chaynömi gamtapis Tayta Diosninchi canan jitarishunqui Israelpa raynin caycajta. Juc Israel-masiquitami ruquiqui ray cananpaj churanga. Payga gampita mas allimi.

Números 5:22

Chayno castïguta chasquinquipaj castïguta chayachicoj yacuta upurmi.› Warminami ‹nishayquino cachun› nenga.

1 Corintios 14:16

Almallayquiwan Tayta Diosta alabaycashayquita juc runa wiyarga manami imata niycashayquitapis tantiyangachu. Gamcunawan iwal manami alabaytapis camäpacongachu.

Proverbios 28:4

Lay nishanta mana wiyacojcunaga fiyucunatami alaban. Lay nishanta cumlejcunami ichanga fiyucunapa contran caycan.