Nehemías 2:17 - Tayta Diosninchi Isquirbichishan

¹⁷ Chaypitaraj paycunata nirä: «Gamcunapis musyarcaycanquimi pasaypa mana allicho marcanchi caycashantaga. Jerusalenga caycan ragällanmi; puncuncunapis rupashami. Parlacunanchïpaj witimuy-llapa llapanchi Jerusalenpa curralnin juchusha caycajta yapay jatarachinapaj. Chauraga mananami pipis asipar jamurpämäshunnachu.»

Nehemías 2:17 Referans Kwoze

Ezequiel 5:14

«Jerusalén, nogami camacächishaj ragällan canayquipaj. Chaynöpami läduyquipa caj nasyun runacuna ricashuptiqui canquipaj llaquipaypaj. Caminanticunapis llapanmi ricashunquipaj imano caycashayquitapis.

Nehemías 1:3

Chaura paycuna willamaran: «Prësu apamunanpita quëdamojcunaga intëru probinsyacho fiyupa pengaypämi ñacarcaycan. Jerusalenpapis intëru curralninmi juchusha caycan. Puncuncunapis rupashami caycan» nir.

Salmos 79:4

Cananga bisïnöcunapis asipäman. Lädöcho caycajcunapis jamurpäman.

Lamentaciones 3:51

Siudänëcho tiyaj jipashcuna ñacajta ricaptëmi shongöcamaraj nanäman.

Lamentaciones 2:2

Tayta Diosga manami ni jucnayllatapis cachaycushachu ichiraycajta Jacob famillyapa wasincunataga. Rabyasha caycashan öra illgarachiran Judäpa sumaj curalasha caycaj siudänincunatapis. Mandajcunatapis manacajman churasha. Waquin mandäshejcunatapis manacajman churasha.

Jeremías 24:9

Paycunata castigaptë cay pachacho caj llapan nasyun runacunami mancharenga. Garguptë canga willapapämi, pï-maypitapis asipashami. May-chaychöpis maldisyunädumi goyanga.

Salmos 79:12

Tayta Dios, ganchis cuti maspa castigay bisïnöcuna gampa contrayqui rimashanpita.

Salmos 44:13

Pï-maypis ashllimänanpämi cachaycamashcanqui. Bisïnöcunami achäquita ashipämashpan pengacachiman.

1 Samuel 11:2

Ichanga Amonpa raynin Nahas niran: «Gamcunawan alli goyänanchïpäga cada-ünuyquipa derëchu caj ñawiquitaraj jorgushaj. Chayno ruraptë Israelcunaga pengaychömi quëdanga.»

Nehemías 2:13

Chay chacay tumaj aywar llojshirä «Ragra» jutiyoj puncu caycajpa «Dragón» jutiyoj pösuman, nircur chaypa aywar «Ganrata Gotucuna» jutiyoj puncuman chayanäpaj. Chaypita päsar ricapacurä Jerusalenpa intëru pergancuna juchusha caycajta, puncuncunapis rupasha caycajta.

Nehemías 2:16

Chaycho caycaj gobernadorcunaga mana musyaranchu imata rurar puriycashätapis. Chay öracamaga manarämi maygantapis Israelcunata willaparärächu: cüracunata, mayur runacunata, ni mandajcunatapis, ni arunanpaj carcaycajcunatapis.

Nehemías 3:15

Colhozepa wamran Salum Mizpa distrïtupa gobernadornin allchachiran gatachiran «Yacu Pashtanan» jutiyoj yaycunata. Puncuncunata jawiran. Lläbintawan rancanta churaran. Raypa wertan läduncho caycaj Siloé ishtanquipa lädun perga aywarajtapis allchachiran Davidpa siudäninpita urämuna escaluncama.

Esdras 9:9

Nogacuna uyway caycaptëpis gamga manami gongaycamashcanquichu masta manana ñacanäpaj. Cuyapämashpayquimi camacächishcanqui Persiapa raynincunapis alli ñawinpa ricamänanpaj. Gammi cawachimashcanqui ragällan caycaj Templuyquita allchanäcunapaj. ¡Judächöpis Jerusalenchöpis chapaycämanqui!

Salmos 44:14

Mana rispitashojcuna asipämänanpämi camacächishcanqui. Nogacunataga umantapis jajtachir-rämi ricapäman.

Salmos 102:15

Llapan nasyun runacunawan raycunami munayniyoj Tayta Diosta rispitangapaj.

Miqueas 7:11

«Jerusalén siudä, chayaycämunnami intëruyquipa curalaraj pergayquicuna allchachisha cananpaj caj junaj. Lindayquicunapis mas carupana cangapaj.