Nehemías 2:12 - Tayta Diosninchi Isquirbichishan

¹² juc chacay jatarirä ishcay quimsa runacunawan. Pitapis manami willaparächu nogaga Jerusalencho imatapis ruranäpaj Tayta Dios yarpayta gomashanta. Muntasha aywashallätami uywatapis aparä.

Nehemías 2:12 Referans Kwoze

Apocalipsis 17:17

Waräcuywan chay chunca mandajcuna chay warmita ushacächenga Tayta Dios nishannöllami. Chaypämi chay chunca mandajcunaga waräcuyta munayninta gonga. Chayno canga Tayta Dios nishancuna llapanpis cumlinanpämi.

Esdras 7:27

Chaura cartata liguircur Esdrasga Tayta Diosta alabaran: «Unay awilöcuna sirbishan Tayta Dios fiyupa alabasha caycullächun. Paymi raypa shongunta shacyächisha Templun Jerusalencho caycajta rispitananpaj.

2 Corintios 8:16

Tayta Diosninchïtami agradësicö Titupis nogano gamcunapaj yarpachacunanpaj Tayta Dios camacächishanpita.

Jeremías 31:33

Israelcunawanga caynömi conträtuta rurashaj: Laynëcunatami paycunapa shongunman isquirbishaj. Yarpayninmanpis churashaj. Paycunami acrashä runacuna canga, noganami Diosnin cashaj. Noga Tayta Diosmi chayno në.

Jeremías 32:40

Paycunawanmi imaycamapis conträtuta rurashaj. Paycunawanmi caycäshaj imachöpis yanapänäpaj. Shacyächishaj imaycamapis mana cachaypa nogallatana sirbimänanpaj.

Amós 5:13

Chaymi yachaj runaga upälla cucun, chay wichan fiyupa mana alli captin.

Eclesiastés 3:7

Canmi rachir-ushana timpu; jiranan timpupis. Canmi upälla cacunan timpu; parlanan timpupis.

Salmos 122:6

Gamcuna llapan shonguyquipa niy: «Jerusalenchöga alli goyay cachun. Jerusalenta cuyajcunaga allilla goyächun.

Salmos 51:18

Cuyashpayquega Sión lömata alli ricay ari. Jerusalenpa curralnincunata yapay jatarachiy.

Jueces 9:32

Canan gamga chacaypa suldäruyquicunawan shamur jircaman pacacaycäriy.

Jueces 6:27

Chaura Gedeonga chunca uywaynincunata pushacurcur aywar llapanta ruraran Tayta Dios nishanno, ichanga chacaypa. Chacaypaga ruraran papäninpa famillyancunata siudächo tiyajcunata manchacushpanmi.

Mateo 10:16

«Gamcunataga cachaycä uyshacunata atojman gaycojnömi. Chauraga culebranöpis alcäbulla puricunqui. Uyway palumano umildilla cacunquipis.

Mateo 2:14

Chaura jinan öra jatarcur Josëga wamrata mamantawan pushacurcur chacaypa Egiptuman aywacuran.

Miqueas 7:5

Ama riguiychu runa-masiqui imata nishushayquitapis. Ama yäracuycho ni maygan amïguyquitapis. Warmiquitapis llapantaga ama willapaychu.

Josué 10:9

Gilgalpita Josuëga suldäruncunawan aywaran chacaypa. Nircur Amorreo runacunaman illajpita yaycuran.

Nehemías 2:11

Jerusalenman chayarä. Chaycho quimsa junaj goyarcur

Nehemías 2:13

Chay chacay tumaj aywar llojshirä «Ragra» jutiyoj puncu caycajpa «Dragón» jutiyoj pösuman, nircur chaypa aywar «Ganrata Gotucuna» jutiyoj puncuman chayanäpaj. Chaypita päsar ricapacurä Jerusalenpa intëru pergancuna juchusha caycajta, puncuncunapis rupasha caycajta.

Proverbios 12:23

Yachajcunaga imano yachashantapis manami willacunchu. Mana tantiyaj runami ichanga upa cayninta juclla musyachin.