Nahúm 3:14 - Tayta Diosninchi Isquirbichishan

¹⁴ Gamcunaman contrayqui yaycamuptin yacunayta awantanayquipaj yacuta churacuy. Curral pergayquicuna mas sinchi cananpaj yapay. Mituta lluchcay. Nircorga gabërawan adöbita chutay.

Nahúm 3:14 Referans Kwoze

Nahúm 2:1

Nínive, gammanga illgächicojmi aywaycämun. ¡Sumaj curalasha siudäniquicunapa pergan jananman camacay ricachacojcuna! ¡Nänipa shamojta ricachacuy! ¡Espädayquita chegllayquiman sumaj watacuy! ¡Pillyanayquipaj sumaj camaricuy-llapa!

Jeremías 46:9

«¡Cawalluwan muntäducuna pillyaj yaycuy! ¡Carrëtawan cajcunapis ayway! Pillyajcuna yaycuy. Ayway Etiopía nasyun suldärucuna, Fut parti suldärucuna chapacuna escüduyquicunata camaricarcärir. Camaricuy lëchawan illapay yachaj Lud parti suldärucuna.

Isaías 37:25

Juc-lä nasyun chaqui jircacunacho pösucunata rurarcur yacuta upushcä. Suldäröcuna päsananpämi Egipto mayucunatapis chaquichishcä» nir.

Isaías 8:9

May caru nasyuncunacho caycajcuna wiyamay-llapa: Juc-lä nasyun runacuna mä shuntacay. Mä mancharachimay. Armayquicunata may-jina camaricusha carpis pirdinquipämi. Rasunpami may-jina camaricurpis ushacanquipaj.

2 Crónicas 32:11

¿Manachu tantiyacunqui? Ezequiasga yargaypitami, yacunaypitami wañuchishoj-aywashunqui. ‹Tayta Diosninchëga salbamäshunmi› nerga engañaycäshunquimi.

Nahúm 2:2

Gamcunaga acrashä runacunatami magarayqui. Ima-aycantapis guechushpayqui cachaycurayqui übas yöra garapachacashatanömi. Tayta Diosmi ichanga Jacobpita miraj Israelcunata yapay allimannami churaj-aywan.