Nahúm 3:13 - Tayta Diosninchi Isquirbichishan

¹³ Suldäruyquicunaga caycan warminöllami. Rancayquicunata nina rupar ushashanpitami siudäniquicunapa puncuncunapis quicharaycan. Chaymi contrayquicuna yaycamunanpaj libri caycan.

Nahúm 3:13 Referans Kwoze

Jeremías 51:30

Babilonia suldärucunaga mananami pillyayta munannachu. Pacacunallanchönami pacarpaycan. Callpanpis mananami cannachu. Warminönami carcaycan. Siudänincunamanpis contrancunami juntajpaj yagacaycärisha. Nircur wasincunatapis rupaycärachisha.

Isaías 19:16

Chay junaj Egiptucunaga cangapaj warminömi. Fiyupa mancharishpan ima ruraytapis manami camäpacongapächu Tayta Dios paycunata castigananpaj maquinta jogariycajta ricashpan.

Nahúm 2:6

Siudäpa puncuncunatami amiriycärin. Mayunöraj aypalla suldärucuna yaycuptinmi palasyupis juchucäcun.

Jeremías 50:37

¡Guërracho cachun carrëtacunata garachasha apananpaj caycaj cawalluncunapis! Juc-lä nasyunpita guellaypaj pillyaj suldäruncunapis warmino ricacuchun. ¡Paycunapa ima-aycantapis apacuchun!

Salmos 147:13

Paymi puncuyquicunapa rancancunatapis sinchiyächisha. Siudächo tiyaj runacunatapis bindisyunta gosha.

Salmos 107:16

Paymi acapa-acapa rurariran runsi puncucunatapis. Fyërru rancancunatapis acapa-acapa paquiriran.

Jeremías 50:36

¡Musyacojnincuna guërracho cachun chaynöpa löcuna ricacunanpaj! ¡Suldäruncunapis guërracho cachun chaynöpa manchariywan sicsicyananpaj!

Nahúm 3:15

Ichanga chaychömi nina ushashunquipaj. Sabliwanmi wañunquipaj; ushajpämi illgächishunquipaj. ¡Chüpacano aypallaman miray ari! ¡Chüpacacunano aypallaman miray ari!

Abdías 1:9

Manchariywanmi sicsicyanga Temancho caj pillyay yachajcunapis. Gamcunacho tiyajcunaga ushajpämi wañonga.

Nahúm 2:7

Nínive runacunatana prësu apacun. Chaymi uywaynin warmicunaga paluma wagajnöraj atarcaycan. Wagashpan pëchuncunata tacacurcaycan.