Nahúm 3:11 - Tayta Diosninchi Isquirbichishan

¹¹ Gampis chaynömi machasha runano tapraycachaycanquipaj. Imata ruraytapis mana camäpacushpayquimi contrayquicunapita pacacunquipaj. Pacacunayquipaj ashir purinquipaj.

Nahúm 3:11 Referans Kwoze

Isaías 49:26

Ñacachishojcunataga quiquin-pura micunacunanpämi camacächishaj. Machananpaj bïnuta upushannömi quiquincunapa yawarnintapis uponga. Chaynöpami llapan runacuna musyangapaj Noga Tayta Dios salbashojniqui cashäta, Jacobpa munayniyoj Diosnin gamcunata chapaj cashäta.»

Isaías 2:10

Runacunaga pacacongapaj gagapa shillincunamanmi. Pampata uchcuriycärir allpa rurinman yayconga. Chaynöga pacaconga manchacuypaj munayniyoj Tayta Diospitami.

Lucas 23:30

Chay wichanmi fiyupa ñacashpan puntacunatapis nenga ‹Juchumur chapacarcamay› nir. Jircacunatapis nenga: ‹Nogacunapa janäman tunimur ñiticarcamay› nir.

Nahúm 1:10

Shiraca chaquir jiracasha caycajtanömi, chaquisha ogshata nina ushacurcojnömi usharenga.

Oseas 10:8

Mana bälej ïduluncunata adurashan capillancunapis ushacangami. Chaychöga Israelcuna juchatami ruraran. Capillancunachöga cashacunawan shiracunallami wiñamonga. Chayrämi runacunapis puntacunata nenga: «¡Juchumur chapacarcamay!» nir. Jircacunatapis nenga: «¡Nogacunapa janäman tunimur ñiticarcamay!» nir.

Jeremías 4:5

«Jerusalencho, Judächo tiyajcunata willay-llapa. Trompëtacunata tucashpayqui nasyun intërupa willacuy-llapa. Callpaypa gayacuy: ‹¡Llapanchi shuntacäshun! ¡Curalasha siudäcunaman yaycucushun!› nir.

Isaías 2:19

Tayta Dios chayno shamuptin runacunaga mancharishpanmi yagacaycärengapaj gagacho caycaj uchcucunaman, pacha rurinpa caycaj uchcucunamanpis. Chaynöga pacaconga manchacuypaj munayniyoj Tayta Diospitami.

Salmos 75:8

Tayta Diosga jusgar castigananpaj cöpan aptashami caycan. Fiyupa pogusha bïnutanömi chararaycan. Chay cöpata jicharamuptin cay pachacho caj juchasapacunaga gonchuntintami upucarcärenga.

Nahúm 2:1

Nínive, gammanga illgächicojmi aywaycämun. ¡Sumaj curalasha siudäniquicunapa pergan jananman camacay ricachacojcuna! ¡Nänipa shamojta ricachacuy! ¡Espädayquita chegllayquiman sumaj watacuy! ¡Pillyanayquipaj sumaj camaricuy-llapa!

Miqueas 7:17

Culebracunano, waquin garachaypa purejcunanöpis allpatami miconga. Pacarpaycashanpitapis sicsicyaycarmi llojshimonga Tayta Diospa ñaupanman. Tayta Dios, gamtaga fiyupami manchacushunquipaj.

Amós 9:3

Carmelo puntaman pacacuptinpis, chaymanpis ashej aywashämi. Nogapita gueshpir lamar yacu rurinman pacacuptinpis, cachashaj lamarcho tiyaj waräcuytami tarircur rachir usharinanpaj.

Jeremías 51:57

Babiloniacunapa mandajnincunata, musyacojnincunata, siudäpa mandajnincunata, waquin mandajcunata, suldäruncunatapis rabyasha aptaraycashä cöpawanmi machächishaj. Chayno machashallami puñucäconga. Puñuycorga imaypis manami ricchanganachu.»

Jeremías 8:14

«Runacunanami nenga: « ‹¿Imanirtaj cayllachöga carcaycanchi? ¡Llapanchi juclla aywacushun curalasha caycaj siudäcunaman chaycho wañunanchïpaj! Tayta Diosninchïmi wañunanchïpaj camacächisha. Juchata rurashanchïpitami wañunanchïpaj bininasha yacuta upuchimashcanchi.

Isaías 63:6

Fiyupa rabyasha cashpämi nasyuncunataga llapirishcä. Fiyupa ollgusha carmi illgarachishcä. Yawarninpis yacunörämi pampapa aywasha.»

Isaías 29:9

¡Ariel runacuna, gamcunaga jinalla goyarcaycay mana tantiyacuypa! ¡Gaprano, imatapis mana ricajno goyarcaycay! ¡Machächicojta mana upusha caycashpayquicunapis machasha runano tapraycachaycanqui!

1 Samuel 14:11

Chaymi Jonatanwan uywaynenga Filistea suldärucuna ricananpaj ricäpapa aywaran. Ricärir Filistea suldärucuna ninacuran: «Masqui ricay-llapa, hebreo runacunaga machaycunaman pacacushanpita llojshircaycämunnami.»

1 Samuel 13:6

Chaura Israelcunaga fiyupa manchariran. Filistea runacunaga intërupa yaycapaycuran. Chaymi Israelcunaga pacacuran, intëru jircaman, tarishan uchcucunaman, machaycunaman, gaga chaupincunaman, shillicunaman, maymanpis pacacunanpaj tarishanman.