Nahúm 3:10 - Tayta Diosninchi Isquirbichishan

¹⁰ Chayno caycajtami Tebas runacunataga prësu aparan. Wamrancunatapis cällipa isquïnancunaman apaycur pagshirgäriran. Mayur runacunata apacunanpaj surtita jitaran. Mandajnincunatanami cadinacunawan watacarcärir prësu apacuran.

Nahúm 3:10 Referans Kwoze

Isaías 20:4

Isaías cashantanöllami Asiriapa rayninpis prësu apangapaj Egipto runacunatawan Etiopía runacunataga: auquincunatapis, mösucunatapis. Paycunata apangapaj gala-chaquillata, ruri caj röpallantawan, gala-siquillata fiyupa pengacachishpan.

Abdías 1:11

Carupita shamoj contrancuna Israelpa ima-aycantapis siudäpita apacuptin, juc-lä nasyun suldärucuna Jerusalenpa puncuncunata paquir-ushaptin, gamcunaga juc-läman witicurirayqui. Guechushancunata raquipänacunanpaj surtita jitaptin, ima-aycantapis apacuptin, chay guechoj runacunanömi gamcunapis rurarayqui.

Joel 3:3

Acrashä runacunataga raquipänacusha surtita jitarcur jitarcurmi. Wamracunata ollguta warmitapis ranticusha. Ranticur chasquishan guellaytanami ushasha upyananpaj bïnuta rantir, guellaypaj cacoj warmicunawan cacushpan.

Oseas 13:16

Tayta Diosninpa contran ricacushanpitami Samaria runacunaga castigasha canga. Sabliwan tucsiypami wañonga. Wamrancunatapis pampaman pajshirgärenga. Gueshyaj caycaj warmicunapa pachantapis gashargärengami.

Lamentaciones 2:19

Chacaycunapapis jatarcur waray-waray gaparay. Llapan llaquicuycashayquipita Tayta Diosta willapay, wagapay. Mañacushpayqui maquiquitapis chojpacuy. Ruwacuy yargaypita wamrayquicuna mana wañunanpaj. Micunanpaj imapis mana captinmi wamrayquicunaga cällicunachöpis wañurcaycan.

Isaías 13:16

Taytan maman ricapaycaptinmi tacsha wamrancunataga pampaman pagshirgärengapaj. Wasincho caj ima-aycantapis apacongapaj. Warmintapis yaycoj fiyu runacunami charipacongapaj.

Amós 1:13

Tayta Diosga caynömi nin: «Amón nasyuncho tiyajcunaga aypallatanami mana allita rurasha. Paycunaga nasyunninta jatunyächiyta munaywanmi Galaad warmicunatapis gueshyaj caycajta pachancunata gashargäriran. Chaypitami castigänillataga mana cachaycushächu.

Lamentaciones 4:1

Imanöshi Templucho caj aläjacuna intëru isquïnacho mashtarpaycan. Goripis chegrayacäcushami.

Isaías 13:6

Llaquicur shanaypa shanar gaparpay-llapa. Munayniyoj Tayta Dios castigananpäga wallcanami pishiycan. Tayta Diosga llapantami usharenga.

Salmos 137:8

¡Babilonia, gamtapis illgächishunquipämi! Tayta Dios bindisyunta gochun nogacunata ruramashayquipita ayñita cutichishojtaga.

2 Reyes 8:12

Chaura Hazael tapuran: «¿Imanirtaj waganqui tayta?» nir. Eliseona niran: «Musyaycämi fiyupa mana allita Israelcunata ruranayquipaj cashanta. Alli wasincunatami rupargärachinquipaj. Llapan mösucunatami wañuchinquipaj sabliquiwan. Tacshacunatapis wañorgärachinquipaj. Gueshyaj caycaj warmicunapa pachantapis gashargärinquipämi» nir.

Job 6:27

Chayno car gamcunaga wacchata wañuchinanpaj nirpis ninquimanmi. Cuyanacushayqui amïguyquitapis ranticuycunquimanmi.

Salmos 137:9

¡Tayta Dios bindisyunta gochun wamrayquicunata charircur rumicunaman apaycur pajshirejtaga!

Salmos 149:8

Chaynöpami prësu chariycur fiyupa lasaj fyërru cadinacunawan watanqui raycunata, munayniyoj runacunata.

Isaías 19:4

Nogami Egipto runacunataga churashäpaj fiyu mandajpa munayninman. Paycunataga mandangapaj fiyu raymi.» Munayniyoj Tayta Diosmi chayno nisha.

Ezequiel 29:7

Charicurcushuptiqui paquicäcur challcurishcanqui. Gamman tucnacamuyta munaptin paquicäcushpayqui tunichishcanqui.