Nahúm 2:12 - Tayta Diosninchi Isquirbichishan

¹² ¿Imataj päsasha wawancunapaj, china liyuncunapaj cäsata pedäsu-pedäsu rachipaj liyuntaga? ¿Imataj päsasha tiyanancunaman aychata shuntaj liyuntaga?

Nahúm 2:12 Referans Kwoze

Jeremías 51:34

Jerusalenga nin: «Babiloniapa raynin Nabucodonosorga rachir-usharcur micucarcamasha. Micuyniynaj lätutanömi cachaycamasha. Ultacarcamasha lamarcho tiyaj manchariypaj jatuncaray waräcuynömi. Nogacho cajta payga sacsasha munashan cajllatami, waquintana jitarisha.

Salmos 17:12

Paycunaga carcaycan micucoj liyuncuna uchcullanpita cäsaycajno. Illajpita yargasha charipäcunanpänömi caycan.

Números 23:24

Chay runacunaga liyunno manchacuypämi caycan. Liyun imatapis micunanpaj chariycur yawarninta upur-raj jamashannömi Israelcunapis contrancunata binsiycur-raj jaman.»

2 Samuel 17:8

Gamga musyanquimi papäniqui, yan'guincuna pillyay yachaj cashanta. Cananga wawan guechusha ösu-japuypis fiyupa rabyashami caycanga. Jinachöpis papäniquega pillyay yachacashami. Chaymi waquinwan iwalga mana puñongachu.

Nahúm 2:11

Cananga ¿maytaj liyuncunapa tiyanan machay? ¿Maytaj liyun-mallwacunapa tiyanan uchcu? ¿Maytaj liyuncunapis, liyun-mallwacunapis jauca goyänan parti? ¿Maytaj pipis mana manchachiptin goyashan caj parti?

Nahúm 2:13

Munayniyoj Tayta Diosga caynömi nin: «Nogaga gampa contrayquimi caycä. Guërrapaj caj carrëtayquicunata ruparachishämi. Ushajpämi uchpaman ticrarachishaj. Mallwa liyun-mallwacunatami wañurachishaj. Nasyunniquicho caj suwacunataga llapantami illgächishaj. Chayno ruraycuptë ni willacojcunapis manami canganachu willacunanpaj.»