Miqueas 7:2 - Tayta Diosninchi Isquirbichishan

² Chaynömi cay munduchöga manana cannachu allita rurajcuna, ni Tayta Dios nishanta rurajcunapis. Imay örapis wañuchinacuyllatami ashircaycan. Jucnin-jucninpis llullapänacun mana alliman chayachinacunanpaj.

Miqueas 7:2 Referans Kwoze

Salmos 12:1

Tayta Dios salbaycäramay ari. Gamman rasunpa yäracamojcunaga manami cannachu. Manami cannachu rasun cajta rimajcunapis.

Isaías 57:1

Alli runacuna wañuptin paypäga pipis manami imapis gocunchu. Tayta Diosta sirbej runacunapis wañucur mananami mana alli ruraycunata ricannachu. Tayta Dios chayno shuntacuycashanta manami pipis tantiyanchu.

Jeremías 5:26

Chaynöga caycan acrashä runacunacho fiyu runacuna captinmi. Chay fiyu runacunaga mishi pichiusata charinanpaj llupuyllapa aywajnömi runa-masinta watgapaycan. Trampata churarcaycan runa-masincunata charinanpaj.

Isaías 59:7

Mana allita rurananpäga apuraypa apurarmi cörrin. Alli runata wañuchinanpaj rasyaylla aywan. Wañuchicuyllapämi yarparcaycan. Paycuna purishanpaga mana allita rurashallanmi caycan.

Proverbios 1:11

Paycunaga capas nishunquiman: «Aywashun. Runacuna näninpa aywajta pacacuycullar shuyaräshun. Alli runa päsacuycajta wañurachishun.

Jeremías 16:16

«Nogami cachamushaj achcaj contrancunata. Chaycunami Israel runacunataga pescäduta charej-jina charenga. Chaycunami casadurcuna charejnöpis Israelcunataga jorgamonga jircacunapita, puntacunapita, machaycunapita, gagapa shillincunapitapis.

1 Samuel 24:11

Tayta, masqui ricay aptaraycashäta. Jacuraycashayquipa cantunmi. Chayno cuchuycarga maynami wañurachëman caran gamtaga. Cananga tantiyacunquiman. Nogaga manami wañuchiyta yarpashcächu. Manami ufindishcäpischu. Chaypis gamga wañuchimänayquipaj gaticachaycämanqui.

Miqueas 3:10

Chaypitami Jerusalén siudächöga waran-waranpis caycan mana alli ruraycunalla wañuchinacuylla.

Lamentaciones 4:18

Chiquimajcunaga ricaparcaycämanmi. Manami cällicunaman llojshiyllatapis puydëcunachu. Ushacänanchïpäpis wallcanami pishin. Ushacänanchïpaj caj öra chayaycämunnami.

Jeremías 5:16

Paycunaga llapanpis pillyay-yachaj jinyullami. Pillyacunancunapis runa wañuchej yachacashami.

Proverbios 12:6

Fiyucuna rimashanga caycan imatapis wañuchinanpaj trampanömi. Alli runacunatami ichanga shimin salban.

Salmos 57:6

Chiquimajcunaga purinäman togllata churasha. Chaura nogaga fiyupa mancharishcä. Purinächo uchcuta uchcuran yaganäpaj. Chay uchcuman quiquincunallami yagasha. Selah

1 Samuel 26:20

Nogaga wañuyta munä Tayta Diospa ñaupanchömi. ¡Gamga piquita-yupaypis ashimarmi shamushcanqui. Chacwatanöpis jircacunapa gaticachaycämanqui!»

Salmos 10:9

Liyun machaypita ricchacojnörämi, pacarashanpita pobritaga watgarcaycan. Chariycärerga garchacarcärir apacun.

Isaías 9:19

Munayniyoj Tayta Dios fiyupa rabyasha captinmi nasyuntaga nina rupaycan. Ninaga rupar ushacurcun runacunata. Runacunapis runa-masinta mana cuyapannachu.

Jeremías 8:6

Nogaga wiyaj wiyajllami caycashcä. Ichanga manami wiyashcächu ni mayganiquipis juchayquicunapita aripinticojta. Manami mayganiquipis «¿imatataj ruraycö?» ninquichu. Cada-ünuyquimi munashayquita rurarcaycanqui. Frënuynaj cawallu guërraman yaycojnömi carcaycanqui.

Ezequiel 22:12

Waquinnami päguta chasquin juc runacunata wañuchinanpaj. Waquinnami guellayta ristan achca wawantawan cutichinanpaj. Waquinnami suwapan. Waquinnami runa-masincunata ñacachin. Chayno rurar nogataga gongaycäramashcanquinami. Noga Tayta Diosmi chayno në.

Ezequiel 24:6

Tayta Dios tantiyachishpan caynömi nin: «¡Ay imanöraj canqui wañuchicoj Jerusalén siudä! Oxidasha caycaj mancanömi caycanqui. Oxidashanga imaypis mana llojshejnömi caycanqui. Juc-juclla jorguy cuchusha caycaj aychacunata. Mancachöga jucpis ama quëdachunnachu.

Oseas 5:1

«Cüracuna, noga nishäta sumaj wiyacuy. Israelpa mandajnincuna, wiyashpayqui sumaj tantiyacuy. Raypa famillyan cajcunapis sumaj wiyacuy: Gamcunatami jusgashayquipäga. Gamcunaga Mizpacho cashcanqui tuninanpaj wascata churashanömi. Tabor puntachöpis cashcanqui redanömi.

Miqueas 2:8

Ichanga Tayta Dios nin: «Gamcunaga ñaupata carayqui acrashä runacunami. Cananmi ichanga conträna ricacushcanqui. Alli goyäcojcunata, alli puricojcunata punchuncunatapis guechuycanqui.

Miqueas 3:2

Chaypa ruquin gamcunaga alli cajta chiquiycanqui. Mana alli cajtana cuyaycanqui. Runacunataga pasaypanami garapachaycanqui. Chayno garapacharmi tullullantana cachaycunqui.

Zacarías 11:6

Nogapis yapayga manami cuyapäshänachu cay nasyuncho tiyaj runacunata. Chaypa ruquenga raypa y runa-masincunapa maquinmanmi cachaycushäpaj. Chay runacunami nasyuntaga pasaypa ushacashata cachayconga. Paycunapa maquinpitaga manami pitapis salbashäpächu. Noga Tayta Diosmi chayno në.»

Salmos 12:2

Jucnin-jucninpis llullapänacun. Janan shongullami parlan.

Isaías 3:5

Chaura runacunaga rimanacullarnami goyangapaj. Chaymi jucnin-jucnin amïgu carpis jucwan-jucwan chiquinaconga, pillyanga. Mösucunapis auquincunata mana rispitar chiquicarcärenga. Pobricunapis rïcucunata chiquicarcärenga.

Oseas 6:9

Cüracunaga carcaycan juc röpa suwacunanömi. Paycunaga asaltanticuna pacarpaycajnömi carcaycan. Shequemman näni aywajcunachömi mana allicunata rurarcaycan.

Hechos 24:9

Tértulo nishannöllami chaycho caycaj Israel runacunapis niran.