Miqueas 2:7 - Tayta Diosninchi Isquirbichishan

⁷ Jacobpita mirajcuna caycaptë Tayta Diosninchi manami nogacunawan rabyashachu caycan. Castigamänanpaj cashanta willacuptiquipis payga manami castigamangachu. Alli runacuna captëmi Tayta Diosga imaypis yanapämanga.»

Miqueas 2:7 Referans Kwoze

Salmos 84:11

Tayta Dios gammi intita achicyächimunqui, ima mana allipitapis chapämanqui. Munashayquino goyajcunataga cuyanquimi, allimi ricanqui. Paycunataga llapantapis allitami tarichinqui.

Jeremías 15:16

Palabrayquita nogaga micucurcurämi. Chay palabrayqui nogapäga allimi caran; cushicachimajmi. Munayniyoj Tayta Dios, nogaga gamllapanami caycä.

Salmos 15:2

Chayangapäga juchaynajcunallami, alli cajta rurajcunallami, rasun cajta rimajllami,

Zacarías 4:6

Chaura payga cayno nimaran: «Zorobabelpaj Tayta Dios nishan caynömi caycan: ‹Manami suldärucunatarächu, manami callpataräpischu nistan, chaypa ruquenga Espiritullätami. Noga munayniyoj Tayta Diosmi chayno në.

Oseas 14:9

Yachaj cajcunaga, yarpaysapa cajcunaga cay willacuyta tantiyachun. Tayta Diospa caminunga derëchumi. Alli runacunaga chaypami purin. Juchasapacunami ichanga chay caminucho tacacan.

Isaías 50:2

¿Imanirtaj noga shamushpäga pitapis mana tariränachu? ¿Imanirtaj, gayacuptëga pipis mana wiyamashachu? ¿Manachu riguiran jorgunäpaj cashanta? ¿Manachu riguiran salbanäpaj cashanta? Noga juc shimi rimarcuptillämi lamar yacupis chaquicäcunman, mayucunapis chaqui jircaman ticracurinman. Chauraga pescäducunapis yacunaypita wañunmanmi, yacu mana captin ismunmanmi.

Proverbios 28:18

Alli runaga llapanpitami salbaconga. Fiyu runami ichanga disigrasyaman chayanga.

Proverbios 10:29

Alli runacunataga imapitapis Tayta Diosmi chapan. Llutanta rurajcunatami ichanga illgächin.

Proverbios 10:9

Pipis mana rimasha limyu runaga cushishami goyäcun. Llutancunacho purejcuna mana allita rurajcunami ichanga mana alliman chayan.

2 Timoteo 3:5

Runacuna ricanallanpämi Tayta Diosninchïman yäracoj-tuconga. Imanöpis cawashanmi ichanga mana Tayta Diosninchi munashannöchu canga. Chayno runacunapitaga witicuy.

2 Corintios 6:12

Gamcunataga llapan shongöwan jinallami cuyar yarparaycä. Gamcunami ichanga ricaytapis mana munamanquinachu.

Romanos 7:13

Chauraga ¿chayno caycarchu laycunaga wañuyman apaycämasha? ¡Manami chaynöchu! Juchami wañuymanga apamanchi. Layga allimi. Ichanga lay cayninpami jucha wañuyman apamasha. Chaynöpami tantiyacushcä jucha ruraycunaga fiyupa mana alli cashanta.

Juan 8:39

Chaura paycuna niran: «¡Nogacunaga cä Abrahampita mirajmi. Paymi nogacunapa taytäga!» Jesusnami niran: «Rasunpa Abrahampa wamrancuna cashpayquega pay rurashannömi gamcunapis ruranquiman.

Mateo 3:8

Rasunpa jucha rurashayquipita arpinticushayqui musyacänanpaj allita rurallarna caway.

Miqueas 3:9

Rayta mandäshej Israelcuna, Jacobpita mirajcunapa mandajnincunapis canan nishäta wiyamay. Gamcunaga manami alli cajta rurayta munanquichu. Lay nishancunatapis manami cumlinquichu.

Jeremías 2:4

Jacobpita miraj Israel famillyacuna wiyaycäriy Tayta Dios imano nishantapis.

Isaías 58:1

Tayta Dios nimaran: «Mana manchacuypa llapan callpayquiwan gayacamay. Trompëta wagajnöraj sinchipa gayacamay. Jacobpita miraj acrashä runacunata juchanpita piñacuy.

Proverbios 14:2

Allita rurar goyäga Tayta Diostami sumaj rispitan. Llutanta rurajcunami ichanga Tayta Diostapis manacajman churan.

Proverbios 2:7

Juchata mana rurajcunata Payga yanapanmi, imapitapis chapanmi.

Salmos 119:65

Tayta Dios, palabrayquicho niycashannömi nogataga alli ricamashcanqui.

Números 11:23

Chaura Tayta Dios niran: «¿Munayniynaj cashätachu yarpanqui? Cananmi musyanqui rimashä rasunpa cashanta u mana rasunpa cashantapis.»

Salmos 119:68

Gamga allimi canqui. Allitami ruranqui. Layniquicunata yachaycachimay.

Salmos 18:26

Juchaynajcunatapis yanapanquimi. Fiyu cajcunatami ichanga castiganqui.