Miqueas 1:7 - Tayta Diosninchi Isquirbichishan

⁷ Rispitar adurashan ïduluncunatapis ruparachishaj, agullarishaj. Chaycunataga ruraran pï-maywanpis cacoj warmicunapita chasquishan guellaywanmi. Chaypitami yapay ticrachishaj pï-maywanpis cacoj warmicunata pägananpaj.»

Miqueas 1:7 Referans Kwoze

Deuteronomio 23:18

Jucwan-jucwan cacur gänapacushan guellaytaga Tayta Diosta adurana wasiman ama apanquichu. Chay guellaytaga aunishayqui ofrendapäpis ama churanquichu. Chayno rurajcunaga Tayta Diostami fiyupa rabyachin.

Oseas 2:12

Cuchurachishämi übas yörancunata, ïgus yörancunatapis. Chaycunapämi payga nej: ‹Cuyashäcuna pägamashpanmi caycunataga goycamasha› nir. Chay chacrancunataga ushajpaj shatamanmi ticrarachishaj. Chay chacran wayuptenga jirca animalcunanami micucurcongapaj.

Apocalipsis 18:3

Mañösa car juchata rurashanwanmi llapan nasyuncuna machasha. Tucuy nasyuncunapa raynincunapis paywan cacusha. Cay pachacho caj nigusyanticunapis fiyupa rïcuyasha tucuy munashanta payta ranticushpan.»

Oseas 8:6

¡Samariacho caycaj töruga manami dioschu! Chaytaga ruray yachajllami rurasha. Chay törutaga acapa-acapami paquirengapaj.

Apocalipsis 18:9

Chay siudäpita goshtay jatariycajta ricarmi llapan nasyuncunapa mandajnincuna llaquicur waganga. Chay mandajcunaga paywan cacushpanmi pasaypa juchata ruraran. Tayta Diospa contran imatapis mana manchacuypa ruraran.

Joel 3:3

Acrashä runacunataga raquipänacusha surtita jitarcur jitarcurmi. Wamracunata ollguta warmitapis ranticusha. Ranticur chasquishan guellaytanami ushasha upyananpaj bïnuta rantir, guellaypaj cacoj warmicunawan cacushpan.

Oseas 2:5

Mamanga jucwan-jucwanmi cacusha. Alli warmi cashantapis pirdichisha cayno nishpanmi: ‹Aywashaj cuyashäcunata ashej. Paycunaga goman micuyta, yacuta, millwata, lïnuta, perfümitapis, upyanäpaj cajcunatapis› nir.

Isaías 27:9

Chaynöpami Jacobpita mirar aywajcuna jucha rurashantaga perdunanga. Chaymi iscu rumita cuwarcur jururachishanno juccunapaj rupachinan altarcunata ichic-ichiclla rurarenga. Asera diosa-niraj ïdulucuna jucnayllapis manami canganachu. Juc dioscunapaj insinsu saumachicunan altarcunapis manami canganachu.

2 Crónicas 31:1

Chay fista ushacaptin Israelcuna llapan aywaran Judá particho caycaj siudäcunaman. Nircur rimëru rispitashan wancacunata paquir-usharan. Asera diosa-niraj ïdulucunatapis llapanta agullaran. Capillancunatapis juchurgärachiran. Illgächiran intëru Judächo, Benjamincho, Efraincho, Manasescho. Llapanta chayno ushaycärir Israelcunaga siudänincunaman, wasinman-cama cada-ünun cuticuran.

Deuteronomio 9:21

Nircur rurashayqui töru-mallwataga ninaman jitapaycurä. Agullarirna puntapita yacu urämojman garpurirä.

Levítico 26:30

Lömacunacho ïdulucunata aduranayquipaj jatarachishayqui capillayquicunatapis juchuchishaj. Insinsu saumachicunayquitapis paquir-usharishaj. Wañuptiqui ïdulucuna jananmanmi wicapashayqui. Chayno rurar fiyupami contrayqui ricacushaj.

1 Samuel 5:4

Yapay warannin tutapis Asdod runacuna Dagontaga tariran Tayta Diospa babulnin ñaupancho lätacasha jitaraycajta. Umanwan maquincunana paquisha jitarpaycaran puncu yaycurinacho. Cuerpullanna sänu caycaran.

Isaías 2:18

Chay öraga ïdulucunatapis ushajpämi illgächenga.

Isaías 23:17

Ganchis chunca (70) watata usharcuptin ichanga Tiro siudäta Tayta Dios yarpärenga. Chaura chay siudächo tiyaj runacunaga yapaymi nigusyuta aruyta gallayconga. Yapaymi llapan nasyun runacunawan ranticanacushpan rejsinaconga.

Ezequiel 6:6

Gamcuna tiyashayqui siudäcunaga maychöpis illgashami canga. Nogata aduramänayquipa ruquin juccunata aduranayquipaj rurashayqui capillacunapis juchuchishami canga. Altarniquicunapis pasaypami illganga. Ïduluyquicunapis paquir-ushashami goturpanga. Insinsuta saumachinayquipaj rurashayqui altarniquicunapis juchuchishami canga. Gamcuna rurashayquega llapanmi illganga.

Oseas 2:14

«Chaypitarämi, nogaga yapay cuyacurcushaj. Chunyajman pushaycurmi alli shimëpa parlapäshaj yapay cuyacarcamänanpaj.

Oseas 8:5

¡Samaria, gam adurashayqui törutaga fiyupami melanäcö! Chaytaga fiyupami rabyapaycä. Israelcuna ¿imaycamaraj jucha rurayta mana cachanquichu?