Mateo 9:30 - Tayta Diosninchi Isquirbichishan

³⁰ Chauraga jinan öra ñawincuna allina ricaran. Chaymi paycunata Jesús niran: «Allchacächishätaga pitapis ama willapanquichu.»

Mateo 9:30 Referans Kwoze

Lucas 5:14

Allchacaj runataga Jesús niran: «Ama pitapis willanquichu. Chaypa ruquenga cüraman ayway ricashunayquipaj. Nircorga Moisés isquirbishancho niycashanno allchacashayquipita llapanta ruranqui. Allchacashana caycashayquita cüra nishuptiquega llapannami musyanga rasunpa allchacashayquita.»

Mateo 8:4

Nircur Jesús niran: «Allchacächishäta ama pitapis willacunquichu. Chaypa ruquenga Moisés isquirbishancho niycashanno cüraman ayway allchacashana caycashayquita ricashunayquipaj. Nircorga Moisés isquirbishancho niycashannölla ofrendayquita apanqui allchacashayquita llapan musyananpaj.»

Lucas 8:56

Wamrapa maman-taytanga fiyupa almirasha carcaycaran. Chaypita Jesusga niran «Ama pitapis willacunquichu» nir.

Marcos 5:43

Ichanga Jesús sumaj willaparan pitapis mana willacunanpaj. Nircorga «Wamrata garay» niran.

Mateo 17:9

Chay puntapita uraycämushanchömi Jesús niran: «Jircacho ricashayquitaga amaraj pitapis willanquirächu. Noga Destinädu Runa wañushäpita cawarimuptëraj chaytaga willacunqui.»

Mateo 12:16

Allchacarcachir Jesús nej: «Pitapis ama willapanquichu noga allchacächishäta» nir.

Isaías 52:13

Sirbejninpaj Tayta Diosga caynömi nisha: «Sirbimajnëga allichömi llojshenga. Fiyupa rispitashami y may-chaychöpis rejsishami canga.

Isaías 42:7

Churashayqui gapracunata allchacächinayquipaj, prësucunatapis carsilpita jorgunayquipaj, chacajchöno caycajcunatapis achquimanno jorgunayquipaj.

Isaías 35:5

Chauraga gapracunapis ricanganami. Upacunapis allinami wiyanga.

Salmos 146:8

Tayta Diosga gapracunatapis allchacächinmi. Tayta Diosga jatarachinmi tunisha caycajcunata. Tayta Diosga cuyanmi alli runacunata.

Marcos 1:43

Allchacarcuptenga pitapis mana willapayllapa aywacunanpaj Jesús niran:

Marcos 3:12

Chaymi Jesusga dyablucunata fiyupa piñacuran pï cashantapis mana willacunanpaj.