Mateo 5:5 - Tayta Diosninchi Isquirbichishan

⁵ «Cushishami cawanga umildicunaga. Paycunami chasquenga Tayta Dios ‹Goycushayquipaj› nishan mushoj pachata.

Mateo 5:5 Referans Kwoze

Salmos 37:11

Umildicunami ichanga alli pachacho tiyanga. Tayta Diosmi jauca goyächenga.

Isaías 29:19

Tayta Dios yanapaptinmi umildicunaga cushiconga. Pobricunapis cushishami goyangapaj Israelcuna sirbishan Santo Tayta Dios yanapaptin.

Santiago 3:13

Maygayquipis yachaj y tantiyaj carga mana yachaj-tucuyllapa alli goyäcuy. Allicunallata ruraptiquirämi yachaj cashayqui musyacanga.

Salmos 149:4

Tayta Diosga cushicunmi acrashan runacuna alabaptin. Umildicunatami yanapan allicho llojshinanpaj.

Gálatas 5:23

mana alli-tucunchu, allillata rurananpaj tantiyacun. Chayno cawarga manami ima laytapis manacajman churanchïchu.

Santiago 1:21

Chaymi mana alli ruraycunataga cachaycuyna. Chaypa ruquenga Tayta Diospa alli willacuyninta sumaj wiyacuy. Chayno wiyacojcunataga Tayta Diosmi salbanga.

Salmos 25:9

Umildicunataga tantiyachinmi. Allillata rurananpämi yachachin.

Números 12:3

Paycuna chayno parlaptinpis Moisés cay pachacho llapan runapita mas umildi car imatapis mana rimacuranchu.

Colosenses 3:12

Gamcunatapis cuyashushpayquimi Tayta Diosninchëga acrasha-cashunqui payllapäna canayquipaj. Chayno caycaptenga jucniqui-jucniquipis cuyapänacuy. Pï-maypäpis alli cay. Ama alli-tucunquichu. Alli shimillayquipa piwanpis parlanqui. Imapitapis pasinsacunqui.

Mateo 11:29

Nogapa yügöta matancacuy. Nogaga cuyapäcoj, umildimi cä. Nogami yachachishayqui. Chaynöpami alli jamayta tarichishayqui.

Efesios 4:2

Mana alli-tucuypa, mana jamurpänacuypa cuyanacur caway-llapa. Jucniqui-jucniquipis pasinsacuy, awantacuy.

1 Pedro 3:15

Chaypa ruquenga Tayta Jesucristuman yäracur pay munashanno caway. Imaypis camaricushalla carcaycay «Jesucristuman, aunishancunaman ¿imanirtaj yäracunqui?» nir tapushuptiqui tantiyachinayquipaj.

Sofonías 2:3

Cay pachacho umildi cajcuna, pay nishanta wiyacojcuna, llapaniqui Tayta Dios munashanno ruray. Rasun cajllata rurashpayqui umildilla goyay. Chayno goyashpayquega capaschari salbacunquimanpis Tayta Dios rabyar jusganan junäga.

Tito 3:2

Paycunaga pitapis ama manacajman churachunchu. Piwanpis alli goyächun. Pï-maytapis cuyapächun. Rispitösu cachun.

Salmos 37:22

Tayta Dios bindisyunta goshan cajcunallami alli pachachöga tiyanga. Pay maldisyunta goshan cajcunami ichanga illganga.

Salmos 37:9

Fiyucunataga Tayta Diosmi illgächenga. Tayta Diosman yäracojcunallanami alli pachacho cawanga.

1 Pedro 3:4

Chaypa ruquenga yarpachacuy pï-maywanpis alli cawanayquipaj. Chayno cashayquimi Tayta Diospäga mas bälin may-jina adurnacushayquipitapis.

Isaías 11:4

Pipis mana yanapashancunata alli arriglanga. Nasyuncho caj pobricunatapis rispitacachenga. Paymi nenga ñacachicojcuna castigacänanpaj. Paypa jämaynenga espädanömi fiyucunata wañurachenga.

Salmos 25:13

Chaura cay bïdachöpis juc bïdachöpis allillami goyanga. Wamrancunanami chacranwanpis quëdanga.

1 Timoteo 6:11

Timoteo, gamga Tayta Diosta sirbejmi canqui. Llapan mana alli ruraycunapita witicuy; Tayta Diosninchi munashallanta ruray; payllaman yäracuy; cuyapäcuy; pasinsacuy; ama alli-tucuychu.

Salmos 69:32

Chayta ricar ñacarcaycaj pobricunaga fiyupami cushiconga. Dios munashanno goyajcunapis cushishami goyangapaj.

Salmos 37:29

Alli runacunami ichanga alli pachacho tiyanga. Chayllachömi imaycamapis goyäconga.

Salmos 37:34

Gamga Tayta Diosllaman yäracuy. Payllata wiyacuy. Paymi alliman chayachishunquipaj. Aunishushayqui alli pachatapis goycushunquipaj. Ñawiquiwanmi ricanquipaj fiyu runacunata illgächejtapis.

2 Timoteo 2:25

Contran jatarejcunata alli shimillanpa tantiyachej canman. Tantiyachiptin capaschari tantiyacur Tayta Dios munashannönapis goyanman.

Romanos 4:13

Chayno caycaptenga manami laycunata cumlishanpitachu Abrahamta, paypita mirar aywajcunatapis Tayta Diosninchi auniran cay pachata goycunanpaj, chaypa ruquenga Tayta Diosman yäracushanpitami.

Salmos 147:6

Tayta Diosga yanapanmi umildicunata. Fiyu runacunatanami ichanga pengayman churan.

Mateo 21:5

«Sión lömacho tiyajcunata willay: « ‹Ricay. Umildi rayniquimi aywaycämun bürrullan muntasha. Cargacuna bürrupa wawanta muntashami aywaycämun.› »

Isaías 60:21

«Marcayquichöga alli runacunallanami tiyanga. Chaychöga paycunallami imaycamapis tiyacongapaj. Paycunami caycan lantashä lantapita chillguimojcunaga. Paycunataga quiquëmi churashcä munayniyoj cashäta juccunata musyachinäpaj.

Isaías 61:1

Tayta Dios acramasha captinmi Tayta Diospa Espiritonga nogacho caycan. Nogataga cachamasha pobricunata alli willacuyta willapänäpämi; llaquisha caycajcunata cushicachinäpämi; prësu caycajcunata librina cananpäna willapänäpämi; carsilcho wichgaraycajcunatapis jorgunäpämi;

Salmos 22:26

Umildicunaga sacsananyajmi miconga. Sirbiyta munaycajcunaga Tayta Diosta alabanga. Chaura para-simrimi cawangapaj.