Mateo 5:4 - Tayta Diosninchi Isquirbichishan

⁴ «Cushishami cawanga llaquicuycajcunaga. Paycunataga Tayta Diosmi shacyächenga.

Mateo 5:4 Referans Kwoze

Apocalipsis 21:4

Wagay manami canganachu. Wañuy manami canganachu. Nanächicuypis, llaquicuypis manami canganachu. Unay caj cawaycunaga llapannami ushacanga.»

Isaías 57:18

Mana wiyacamashantaga ricashcämi. Chaypis mana wiyacamaj caycajta allchacächishämi. Nircorga allimi jamachishaj. Chaura mana yarpachacuypanami goyangapis. Llaquisha caycajcunatapis nogami cushicachishaj.

Lucas 6:21

«Cushishami cawanquipaj canan yargaycajcunaga. Gamcunaga sacsashami canquipaj. «Cushishami cawanquipaj canan wagaycajcunaga. Asirmi goyanquipaj.

Santiago 1:12

Cushishami goyanga ima chayamuptinpis Tayta Diosman sïguir yäracojcunaga. Sïguir yäracuptenga Tayta Diosninchïmi aunishannölla premyuta gonga. Llapan cuyajcunallatami chay mana ushacaj caway premyutaga gonga.

Isaías 25:8

Imaypis manana wañuy cananpämi Tayta Diosga wañuyta ushacächenga. Wagajcunatapis shogashpan weguinta pichapangami. Acrashan runacuna cay pachacho pengaycho cashantapis pampachar gongacächenganami. Tayta Diosmi chayno nisha.

Isaías 66:10

«Jerusalenta cuyaj cajcunaga llapayqui paywan iwal cushicuy. Paypaj wagasha cashpayquega llapayqui paywan iwal cushicuy.

Ezequiel 9:4

cayno niran: «Jerusalén siudäta tumamuy. Chay siudächo melanaypaj mana allicunata ruraycajta ricashpan llaquicur pësacuycajcunataga urcuncho señalay.»

Isaías 35:10

Tayta Dios salbar jorgamushan cajcunaga cutimongami. Cantashpanmi Sionman yayconga. Chaychöga imaypis cushishallami goyangapaj. Paycunapäga cushicuywan alli goyayllanami cangapaj. Llaquicuypis nanaypis manami canganachu.

Isaías 30:19

Sión runacuna, Jerusalencho tiyajcuna: Manami waganquipänachu. Yanapäshunayquipaj gaparaypa mañacuptiqui Tayta Diosga wiyashushpayqui cuyapäshunquipämi. Payga wiyarcushan öra jucllami yanapäshunquipaj.

Lucas 16:25

«Chayno niptinshi Abraham niran: ‹Ïju, gamga yarpay rïcu cashpayqui alli cushisha goyashayquita. Lazaroga pobri cashpanmi fiyupa ñacaran. Chaypitami cananga caycho cushisha caycan. Gammi ichanga chaycho ñacaycanqui.

Ezequiel 7:16

Waquenga mancharisha palumanöpis jircacunaman, puntacunaman gueshpir pacaconga. Gueshpejcunapis juchanpita llapanmi wañonga.

Lucas 6:25

«Ay imanöraj canqui sacsashana caycajcuna. Gamcunaga yargaychömi canquipaj. «Ay imanöraj canqui canan cushisha caycajcuna. Gamcunaga fiyupa llaquicurmi waganquipaj.

Isaías 12:1

Chay wichanga ninquipaj: «Gamta agradësicömi Tayta Dios. Nogapaj fiyupa rabyashami caycarayqui. Cananga rabyashayquipita allchacashcanquinami. Allinami goyaycächimanqui.

Lucas 7:50

Chayno nircaycaptinpis Jesusga warmita niran: «Riguishayquipitami Dios salbasha-cashunqui. Cananga cushishana aywacuy.»

Lucas 7:38

Chayar umpucuycur wagapaptin weguenga Jesuspa chaquinman juturan. Weguin ushmashantana ajchanwan chaquichishpan pichaparan; mucharan. Nircur apashan perfümita wiñaparan.

Zacarías 12:10

Davidpita mirar aywajcunata, Jerusalén runacunataga shacyächishaj cuyapäcoj cananpaj, nogaman yäracamur mañacamunanpaj. Chaypitaga tucsimashanmanmi ricäramonga. Chaymi llaquicur waganga japallan wamran wañushapänöraj, guechpa wamran wañushapänöraj.

Isaías 66:2

Llapantapis nogami rurashcä. Chaynöpami llapanpis caycan.» Tayta Diosmi chayno nisha. «Chaypis nogaga cuyapar yanapä, pobri cajtami, llaquisha caycajtami, Noga nishäcunata manchapacur cumlejcunatami.