Mateo 24:22 - Tayta Diosninchi Isquirbichishan

²² Acrashan runacunata cuyaparmi Tayta Diosga chay ñacay junajcunata wallcayächenga. Man'chäga manami pipis salbacunmanchu.

Mateo 24:22 Referans Kwoze

Marcos 13:20

Tayta Diosga acrashan runacunata cuyaparmi ñacay junajcunata wallcayächenga. Man'chäga manami pipis salbacunmanchu.

2 Timoteo 2:10

Chaymi imano ñacarpis mana yamacaypa Jesucristupa willacuyninta willacuycä. Chaynöpami Jesucristuta chasquicuptin Tayta Diosninchi acrashan cajcunata salbangapaj.

Mateo 24:31

Sinchipa trompëta wagamuptin anjilnëcunata cachashaj intërupa aywananpaj. Paycunami llapan acrashä cajcunata may-chaypitapis shuntamonga.

Mateo 24:24

Chay wichanga Cristo-tucojcuna, llulla profëtacuna yurimonga. Runacunata riguichinan cashami almiraypajcunata, milagrucunata ruranga. Chayno rurar Tayta Dios acrashan caj runacunatapis engañayta ashengami.

Romanos 9:11

Manaraj paycuna yuriptinmi Rebecata Tayta Diosninchi niran: «Mayur cajmi canga shullcanpa munaynincho.» Chay nishannöllami manaraj yuriptin Jacobta Tayta Diosninchi acraran. Chaymi allita o mana allita rurashanpita acrananpa ruquin quiquin Tayta Diosninchi acraran munashan cajta.

Mateo 22:14

Sumaj tantiyacuy-llapa. Tayta Diospa maquincho achcaj cawananpaj gayachisha captinpis wallcajllami acrasha canga.»

Lucas 18:7

Chacaypapis junajpapis acrashan runacuna gayacuypa mañacuycaptenga ¿manachuraj Tayta Diospis yanapanga? U ¿yanapänanpaj shuyarächengachuraj?

Zacarías 14:2

Chaypäga Tayta Diosmi shuntamongapaj llapan nasyuncunata Jerusalencho tiyajcunawan pillyananpaj. Nircorga contrancunami siudächöga tiyacaycärenga. Wasicunapita ima-aycantapis apaconga. Warmicunatana bigulanga. Nircur chaycho tiyajcunata pullantaga prësu juc-läman apanga. Jinanchöga waquillannami quëdangapaj.

Zacarías 13:8

Cay nasyuncho tiyaycajcunaga cada quimsa runapita ishcaymi wañonga. Cada quimsa runapitaga jucnayllanami cawaycar quëdanga.

Isaías 6:13

Nasyuncho cada chuncapita jucnaylla quëdasha captinpis ushajpämi illgächishaj. Ichanga gueruta muturiptin runcun quëdashannömi quëdanga. Chaypitami Tayta Dios acrashan chillguimonga.»

1 Pedro 1:1

Ponto, Galacia, Capadocia, Asia y Bitinia probinsyacunacho mashtacasha caycaj ermänucuna: Noga Pedro, Jesucristupa apostulninmi cay cartata gamcunaman apaycächimö. Tayta Diosninchi acrashan carpis cay pachachöga mashtacashami carcaycanchi.