Mateo 22:17 - Tayta Diosninchi Isquirbichishan

¹⁷ Cananga mä nimay. ¿Impuestuta pägashwanchu Roma nasyunpa mandajnin Cesarpaj o manachu?» nir.

Mateo 22:17 Referans Kwoze

Lucas 2:1

Chay wichan mandaj Augusto César willacachiran mandashan caj nasyuncunachöga llapan runacuna sinsucunanpaj.

Mateo 17:25

Chaura Pedro niran: «Au, päganmi.» Chaypita Pedro wasiman yaycurir manaraj imatapis niptin Jesús tapuran: «Simón, ¿imatataj gam ninqui? Cay munducho autoridäcunaga ¿pitataj impuestuta pägachin: marca-masincunatachu o jäpacunatachu?»

Hechos 28:22

Ichanga may-chaychöpis sectayquipa contranmi parlan. Cananga gam yachachishayquitami wiyayta munäcuna.»

Hechos 25:8

Pablunami chapacur niran: «Nogaga manami ima juchatapis rurashcächu. Israel runacunapa laynintapis, Templutapis, Romapa laynintapis manami manacajman churashcächu.»

Hechos 17:7

Jasonmi paycunata pachächisha. Chay runacunaga mas mandaj Cesarpa laynincunatami manacajman churaycan. Paycunaga nircaycan Jesús jutiyoj ray cashantami» nir.

Hechos 5:37

Chaypita guepatapis sinsucuy cashan wichan Judas Galileo yurimuptin achcaj runacuna gatirparan. Paytapis wañuycachiptenga gatirpajcuna mashtaypa mashtar aywacur illgaran.

Lucas 3:1

Mandaj Tiberio César chunca pichga (15) watana llapan nasyunpa mandajnin caycaran. Chayno Poncio Pilatupis Judea probinsyacho gobernador caycaran. Herodesnami Galilea probinsyacho mandaj caycaran. Herodespa wauguin Felipina mandaj caycaran Itureawan Traconite particho. Lisaniasna mandaj caycaran Abilinia particho.

Jeremías 42:20

Gamcunaga Tayta Diosta mañacapänäpaj ruwacamashpayquimi nimarayqui: ‹Nogacunapaj Tayta Diosninchïta mañacuycuy. Nircorga imata nishantapis willamay nishanno ruranäcunapaj ari› nir. Canan nogaga gamcunata willashcä imano willanäpäpis Tayta Dios nimashantami. Ichanga gamcuna manami wiyacuyta munanquichu. Chay nishayquita mana cumlir gamcunaga fiyupa juchatami aparicuycanqui.

Nehemías 9:37

Chay chacracho wayojcunaga raycunallapämi caycan. Chay raycunataga churapämashcanqui juchäcunapitami. Nogacunapis, uywäcunapis paycuna munashanta ruranalläpämi carcaycä. Chayno captinmi fiyupa llaquicuycho carcaycä.

Nehemías 5:4

Waquenga nircaycaran: «Muruna chacräta, übas chacräta rinda churaycurmi guellayta jorgushcä rayman impuestuta päganäpäpis.

Esdras 7:24

Gamcunaga amana cobranquinachu impuestuta maygan cüracunata, ni cüracunata yanapaj Leví runacunata, cantajcunata, puncu täpajcunata, Templucho arojcunata, ni pï runatapis Diospa Templuncho aroj cajtaga.

Esdras 4:13

Tayta, cay siudäta allcharcur intëru pergancunatapis yapay sumaj curalarcärerga manami munangapänachu impuestucunata pägayta. Chaura cäjayquichöga manami guellay miranganachu.

Mateo 22:18

Chay runacuna yachayllapa tapupashanta musyar Jesús niran: «Janan shongu runacuna, ¿imanirtaj mana alliman gaycamayta munanqui?

Lucas 20:22

¿Impuestuta pägashwanchu Roma nasyunpa mandajnin Cesarpaj u manachu?»