Mateo 12:43 - Tayta Diosninchi Isquirbichishan

⁴³ «Juc runapita yargur dyabluga chunyaj chaqui jircacunapa purin maychöpis tiyayta ashir. Ichanga maycho tiyananpäpis mana tarinchu.

Mateo 12:43 Referans Kwoze

Mateo 8:29

Jesusta ricärerga fiyupa gaparaypa niran: «Diospa Wamran Jesús, ¿imatataj nogacunawan munanqui? ¿Castigamänayquipaj öra manaräpis chayamusha caycaptinchu castigamanqui?»

Isaías 41:18

Yacu mana cashan jircacunachömi mayucunatapis yurichishaj. Guechwa ragran quinranchöpis pucyucunatami pashtachimushaj. Chunyaj chaqui jircacunatapis ishtanquimanmi ticrarachishaj. Yacu mana cashan jircacunapami mayu-mallwacunata aywachishaj.

Job 2:2

Satanasta Tayta Dios tapuran: «¿Maypitataj shamushcanqui?» nir. Chaura Satanasga niran: «Intëru mundutami ricapacur purimushcä» nir.

Job 1:7

Chaura Tayta Diosga Satanasta tapuran: «¿Maypitataj shamushcanqui?» nir. Satanasnami niran: «Intëru mundutami ricapacur purimushcä» nir.

1 Pedro 5:8

¡Sumaj alcäbu caway-llapa! Contrayqui dyabluga yargasha liyunnömi puriycan tarishan cajtaga usharinanpaj.

Hechos 8:13

Quiquin brüju Simonpis riguir bautisacuran. Chaypitanaga Felipeta purïshiran. Tayta Diospa munayninwan Felipe milagrucunata ruraptin almirasha ricapaj.

Salmos 63:1

¡Tayta Dios, gammi canqui Diosnë! Gamtami fiyupa ashiycä. Gamwan iwal caytami munä. Gampa buluntäniquitami llapan shongöpa rurayta munä. Gamwan caytaga munaycä chaqui jirca yacuta munaycajnörämi.

Mateo 12:44

Chaymi yarpachacun: ‹Unay tiyashäman cutishaj› nir. Cuterga runata tarin jäcoj wasitano, alli pichasha limyu wasitano.