Marcos 13:24 - Tayta Diosninchi Isquirbichishan

²⁴ «Chayno ñacaycuna päsariptillanmi intipis chacacäconga. Quillapis mana achicyanganachu.

Marcos 13:24 Referans Kwoze

Isaías 13:10

Intipis yagarcamullarnami chacacäconga. Quillapis mananami achicyanganachu. Goyllarcunapis manami achicyanganachu. Janaj pachaga pasaypa yanauyaycajmi ricacongapaj.

2 Pedro 3:10

Ichanga suwa illajpita shamushannömi Tayta Jesucristupis illajpita chayamonga. Pay cutimuptinmi intipis, quillapis, llapan goyllarcunapis cay pachapis, manchariypaj wararaylla nina rataycajwan ushacanga. Cay pachaga llapanninwanmi rupaycällar ushacanga.

Amós 5:20

Au, rasunpami Tayta Dios shamunan junäga canga fiyupa chacay, mana achicyaj. Chayga canga fiyupa yanauyaycaj chacaymi, mana imapis ricacajmi.

Joel 3:15

Chay junäga intipis quillapis chacacäcongami. Goyllarcunapis manami achicyanganachu.

Apocalipsis 20:11

Chaypita ricarä jatuncaray yuraj achicyaycachaycaj sillunta. Chaychömi Tayta Dios jamaraycaran. Chay örami syëlupis cay pachapis illgacäcuran. Mananami mas ricacarannachu.

2 Pedro 3:12

Cutimunanta shuyashpanchi Tayta Dios munashanno cawananpaj willacuyninta willacuycäshun. Chaynöpami Jesucristo juclla cutimonga. Cutimushan junajmi inti, quilla, goyllarcunapis ninawan ushacanga. Chaynömi llapanpis chulluycällar ushacanga.

Joel 2:10

Chaycuna chayamuptin cay pachapis janaj pachapis manchariywan sicsicyanmi. Intiwan quillapis chacacäcunmi. Goyllarcunapis achicyaycashanpita manami achicyannachu.

Daniel 12:1

« ‹Chay wichanmi yurimongapaj waquin anjilcunapita mas munayniyoj anjil Miguel. Paymi gam Israelcunataga llapayquita imapitapis chapäshunqui. « ‹Chay junäga fiyupa llaquicuypämi canga. Nasyuncuna gallarishanpita-pacha canancama manaraj cashannömi cangapaj. Chay junaj chayamuptenga llapanmi marca-masiquicuna salbaconga librucho jutincuna isquirbisha caycajcunaga.

Daniel 7:10

«Paypa ñaupanpitaga nina rataycaj mayumi llojshiycaran. Waranganpa-waranganpa runacuna aduraycaran. Yupaytapis mana atipaypaj sirbircaycaran. Chayno caycaptin auquenga jusgananpäna jamaycuran. Librucunatapis quicharan.

Ezequiel 32:7

Gamta illgächishpäga camacächishaj pacha chacacäcunanpaj, goyllarcunapis upicäcunanpaj. Pucutaywanmi intita chapashaj. Quillapis manami achicyanganachu.

Jeremías 4:28

Cay pachachöga fiyupa llaquicuymi canga. Syëlupis chacacäcongarämi. Imano cananpäpis nishätaga manami cutiricushächu. Chayno cananpaj camacächishätaga rasunpami cumlishaj.

Marcos 13:23

Chaymi cuydacuy-llapa. Manaraj päsaptinmi gamcunataga willapashcäna musyanayquipaj.