Malaquías 3:16 - Tayta Diosninchi Isquirbichishan

¹⁶ Chaura Tayta Diosta rasunpa rispitar wiyacojcunalla quiquin-pura parlaran. Tayta Diosnami llapan parlashancunata wiyaran. Chaura Tayta Dios ricapaycaptin libruman isquirbicaran payta rispitajcunapa jutincuna.

Malaquías 3:16 Referans Kwoze

Apocalipsis 20:12

Sillun ñaupanchönami ricarä wañushanpita llapan runacuna cawarircamur ichirpaycajta. Chaymi librucunata Tayta Dios quicharan. Juc libruchömi apuntaraycaran Tayta Diospa ñaupancho imaycamapis cawananpaj cajcunapa jutincuna. Waquin librucunachönami apuntaraycaran runacuna cawaycashan-wichan allita u mana allita rurashancunapis. Chaymi Tayta Diosga runacunata jusgaran imanöpis librucho isquirbiraycashanno.

Salmos 56:8

Ayca cuti gueshpishallätapis gamga musyaycanquimi. Ayca cuti wagashallätapis gamga ricamashcanquimi. Chaycunataga gammi libruyquicho apuntaraycächinqui.

Malaquías 4:2

Gamcuna, rasunpa rispitamar wiyacamajcunapämi ichanga salbacoj caynë cangapaj mana gueshyanayquicunapaj inti ratamushanno. Chaura gamcunanami cushicuypita pinticachanquipaj besëracuna wichgarashanpita llojshir pañashannöraj.

Apocalipsis 15:4

¿Piraj mana manchacushunquimanchu Tayta? ¿Piraj mana alabashunquimanchu? Gamllami santo canqui. Llapantapis allita rurashayquicunata ricarmi llapan nasyun runacuna adurashunquipaj.»

Hebreos 10:24

Jucninchi-jucninchi cuyapänacur imallawanpis yanapänacushun.

1 Tesalonicenses 5:11

Chayno cananpaj caycaptenga imaypis shacyächinacushayquinölla jucniqui-jucniquipis shacyächinacuy Jesucristuta cushishalla shuyänayquipaj.

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

Hechos 9:31

Chay wichanga yäracojcuna allimi goyäcuran Judeacho, Galileacho, Samariacho. Chaymi shacyäcuran Tayta Dios munashannölla cawananpaj. Chayno Espíritu Santu yanapaptinmi yäracojcunapis mas achcayaranna.

Isaías 26:3

Tayta Dios, gamllaman yarparajcunataga gamllaman yäracamojcunataga allimi goyächinquipaj.

Hechos 10:2

Cornelioga quiquinpis, wasincho goyajcunapis Tayta Dios munashanno cawaj. Israel runacunatapis achcanpa caridäta goycoj. Y Tayta Diosta imaypis mañacoj.

Ezequiel 9:4

cayno niran: «Jerusalén siudäta tumamuy. Chay siudächo melanaypaj mana allicunata ruraycajta ricashpan llaquicur pësacuycajcunataga urcuncho señalay.»

Salmos 34:15

Alli runacunataga Tayta Dios allimi rican. Mañacushancunatapis wiyanmi.

Efesios 5:19

Chayno cushicur shuntacashayquichöpis salmucunawan, imnucunawan, cörucunawan shacyächinacuy. Llapan shonguyquiwan Tayta Diosta alabar goyay.

Hechos 1:13

Jerusalenman chayaycärir wicharan pachacushan wasi altusman. Paycuna caran: Pedro, Santiago, Juan, Andrés, Felipe, Tomás, Bartolomé, Mateo, Alfeopa wamran Santiago, «Celote» nishan Simón, Santiagupa wamran Judas.

Daniel 7:10

«Paypa ñaupanpitaga nina rataycaj mayumi llojshiycaran. Waranganpa-waranganpa runacuna aduraycaran. Yupaytapis mana atipaypaj sirbircaycaran. Chayno caycaptin auquenga jusgananpäna jamaycuran. Librucunatapis quicharan.

Lucas 2:38

Simeón rimayta usharcuptin Anapis witiycur Tayta Diosta agradësicur aduraran. Nircorga ñïñu Jesuspaj willaparan Tayta Dios cachamushan Cristuta shuyaraycaj runacunata.

Ester 6:1

Chay chacay rayga puñuyta mana tariranchu. Chaymi nasyunpa willapancuna isquirbiraycaj acta libruta aparcachimur ñaupancho liguipänanpaj niran.

Hechos 2:1

Pentecostés fista junajmi Jesusman yäracojcuna juc wasicho shuntacasha carcaycaran.

Isaías 65:6

Chay runacuna imanöpis rurashanga llapanmi nogapa ñaupächo isquirbiraycan. Chaymi castigänillataga mana cachashächu. Paycunataga castigashaj

Isaías 50:10

¿Pitaj Tayta Diosta rispitan? ¿Pitaj Tayta Diosta sirbejta wiyacun? Chacaycho purirpis Tayta Diosman yäracojcunallami, upinaycajlla achquin caycaptinpis Diosman guellicojcunallami wiyacun y rispitan.

Isaías 26:8

Tayta Dios, mandamintuyquicunata cumlishpä nogacunapis cushishami goyarcaycä. Tayta Dios, nogacunaga llapanë gamllamanmi yarparaycämö.

Proverbios 13:20

Yachaj runacunawan goturarga yachaj caytami yachacunqui. Mana tantiyaj upacunawan goturarmi ichanga pirdicar mana allimanna chayanqui.

Salmos 147:11

Chaypa ruquin Tayta Diosga cushicun payta rispitaptinmi, pay cuyacoj cashanman yäracuptinmi.

Salmos 139:4

Imata rimanäpaj mana tariptëpis Tayta Dios gamga maynami musyaycanqui imata rimarcunätapis.

Salmos 119:63

Nogaga allimi ricanacö gamta rispitashojcunawan, willapashayquita cumlejcunawan.

Salmos 111:10

Rasunpa yachaj canapäga rimëru Tayta Diostami rispitaypaj. Tayta Diosta rispitajcunaga alli yarpayniyojmi. ¡Tayta Diosga imaypis alabashami canga!

Salmos 94:19

Fiyupa ima-aycapitapis yarpachacur llaquicuycho caycaptëmi gamga shacyächimashpayqui cushicachimanqui.

Salmos 66:16

¡Tayta Diosta manchacoj cäga llapaniqui shamuy! ¡Nogapaj imata rurashantapis willapäshayqui!

Salmos 33:18

Tayta Diosga manami cachaycunchu payta rispitajcunataga, payman yäracojcunatapis.

Salmos 20:7

Waquenga yäracun pillyapaj caj carrëtancunaman. Waquenga yäracun pillyapaj caj cawalluncunaman. Noganchïmi ichanga yäracunchi Tayta Diosnillanchïman.

Salmos 16:3

Cay nasyuncho caycaj dioscunaga munayniyojshi. Chaynömi nin chayman yäracojcuna,

Salmos 10:4

Chay runacunaga alli-tucur nin: «Diosga manami canchu. Piräshi nogata jusgamanman imata rurashätapis» nir. Chayllatami imay örapis yarparaycan.

Job 28:28

Nircur runacunata Tayta Dios niran: ‹Yachaj runaga Nogallatami rispitaman. Mana allita rurananpitaga manchapacuypami cawan.› »

Ester 2:23

Chayno willaptin tapucacharan. Rasunpa cashanta musyaycur ishcan mandaj suldärucunata matichiran. Imanöpis cashantaga ray isquirbichiran nasyunpa willapanta isquirbishan acta libruman.

2 Crónicas 6:7

Papänë Davidga amatarmi munaran Israelcunapa Tayta Diosninpaj Templuta aruchiyta.

1 Reyes 18:12

Noga aywacuriptë Tayta Diospa anjilnin chayarcamur apacushunquipaj noga mana musyashä partiman. Nogaga Acabman chayashaj caycho caycashayquita willar. Chaura pay mana tarishushpayquega nogatami wañuchimanga. Nogaga mösu cashäpita-pachapis amatarmi Tayta Diosta manchapacushcä.

2 Samuel 7:1

Ray David tiyaycaran palasyuncho. Llapan contrancunapis mana rimapänanpäna Tayta Dios camacächiran.

Hebreos 12:15

Chaymi ima-aycanöpapis Tayta Dios munashanno caway. Pitapis ama jagayächiychu. Pitapis jagayächerga benënuyoj ashgaj jachanömi waquincunapäpis canquipaj. Chayno carga juccunatapis mana allimanmi chayachinquipaj.

Hebreos 3:13

Chaypa ruquenga waran-waran jucniqui-jucniquipis shacyächinacuy Tayta Dios munashanno cawanayquipaj. Chaynöpami canan junaj sumaj wiyacunqui shonguyquicuna mana chucruyänanpaj.

1 Tesalonicenses 5:14

Chaynöpis ermänucuna, gamcunacho arucuyta mana munaj ermänucunata piñacuy arucunanpaj, llaquisha caycajcunata shacyächiy cushicunanpaj y imachöpis yanapaypaj captenga yanapaycuy. Chayno pï-maypäpis pasinsayqui cachun ari.

Salmos 104:33

Cawashäcamaga Tayta Diosnëtami alabansacunawan alabaycäshaj.

1 Reyes 18:3

Acab gayaran palasyuncho mandaj capuralnin Abdiasta. Abdiasga caran Tayta Diosta manchapacojmi.

Génesis 22:12

Niptin anjilga niran: «Wamrayquita ama imatapis ruraychu. Nogaga musyämi Diosta wiyacushayquita. Gamga jucnaylla wamrayquitapis manami ‹mana› nimashcanquichu.»

Éxodo 32:32

Chaypis juchallicushanpitaga perdunaycuy ari tayta. Mana perdunashpayquega libruyquicho isquirbishayqui jutëtapis börrar illgarachimay.»

Isaías 4:3

Chaura Sión lömacho quëdajcunata, mana wañur Jerusalencho tiyaj cajcunata «Paycunaga Dios acrashan runacuna» nengami. Paycunaga cawananpaj apuntasha cajcunallami canga.

Jeremías 8:6

Nogaga wiyaj wiyajllami caycashcä. Ichanga manami wiyashcächu ni mayganiquipis juchayquicunapita aripinticojta. Manami mayganiquipis «¿imatataj ruraycö?» ninquichu. Cada-ünuyquimi munashayquita rurarcaycanqui. Frënuynaj cawallu guërraman yaycojnömi carcaycanqui.

Jeremías 31:18

Wiyashcämi acrashä runacuna llaquicur parlajta. Paycunaga nisha: ‹Nogacunaga goyäcurä manaraj aroj törunömi. Chayno caycajtami gam castigamashpayqui manshuyächimashcanqui. Yapay shuntacamay ari. Gammi canqui nogacunapa Tayta Diosnëga.

Daniel 12:1

« ‹Chay wichanmi yurimongapaj waquin anjilcunapita mas munayniyoj anjil Miguel. Paymi gam Israelcunataga llapayquita imapitapis chapäshunqui. « ‹Chay junäga fiyupa llaquicuypämi canga. Nasyuncuna gallarishanpita-pacha canancama manaraj cashannömi cangapaj. Chay junaj chayamuptenga llapanmi marca-masiquicuna salbaconga librucho jutincuna isquirbisha caycajcunaga.

Nehemías 1:11

Tayta Dios amatarmi ruwacö mañacamushäta wiyamänayquipaj. Chayno wiyaycuy ari sirbishojcuna mañacamushushayquitapis. Llapanëpis gamta rispitayllatami munaycä. Chaynöpis gamta ruwacamö yanapämänayquipaj. Gam camacächiy ari tayta nogata ray cuyapämänanpaj.» Chay wichan nogaga caycarä ray Artajerjes upunanpaj bïnu apapajninmi.

Salmos 56:9

Yanapämänayquipaj mañacamuptë chiquimajcuna pillyaj shaycämushanchöpis cuticongami. Rasunpami musyä faburnë caycashayquita.

Salmos 115:13

Bindisyuntami gonga payta rispitajcunataga. Bindisyuntami gonga jatunta tacshatapis.