Malaquías 1:4 - Tayta Diosninchi Isquirbichishan

⁴ Esaú casta Edom runacunaga caynömi nin: «Cäsi ushajpämi ushamashcanchi. Ichanga yapaymi juc nasyun cananchïpaj mirashun» nir. Munayniyoj Tayta Diosmi ichanga nin: «Paycuna siudänincunata yapay allchaptinpis nogaga yapaymi illgächishaj. Paycunapa nasyunninpa jutenga canga ‹Mana alli nasyun› nir, ‹Tayta Dios para-simri rabyapashan nasyun› nir.

Malaquías 1:4 Referans Kwoze

Ezequiel 25:14

Edom runacuna imano rurashanpitapis acrashä Israel runacunawanmi ayñita cutichishaj. Edom runacunataga paycunami imatapis ruranga noga fiyupa rabyasha caycashämanno. Chaynöpami Edom runacunaga musyanga noga ayñita cutiycächishäta. Noga Tayta Diosmi chayno në.

Ezequiel 35:9

Para-simri chunyaj canayquipämi camacächishaj. Mananami pipis tiyanganachu siudäniquicunacho. Chaura gamcuna musyanquipaj noga Tayta Dios cashäta.

Jeremías 31:17

Shamoj watacunacho gampäga cushicuymi canga. Wamrayquicunaga nasyunninmanmi cutimonga. Noga Tayta Diosmi chayno në.

Isaías 34:10

Chacaypa ni junajpapis manami upengapänachu. Imaypis goshtayga jatariycangami. Imaycamapis chayno ushacasha ragällanna caconga. Chaypaga manami pipis purengapänachu.

Isaías 34:5

Rasunpami Tayta Diospa sablenga syëlucho yurenga. Chay sabliga Edom runacunamanmi yaganga. Edom runacunataga Tayta Diosmi wañunanpaj distinasha.

Isaías 11:14

Ishcan nasyunnami aywanga inti yaganan caj-lächo caycaj Filistea nasyunman. Paycunata magananpaj yagaparconga. Inti yagamunan caj-lächo tiyajcunapatapis ishcanmi ima-aycantapis guechumonga. Chaynöpami paycunapa maquinchöna canga Edom runacunapis, Moab runacunapis, Amón runacunapis.

Malaquías 1:3

Esaütami ichanga chayno mana cuyarächu. Esaú castacunapa achca puntayoj nasyunnin caycajtapis chunyajmanmi ticrarachirä. Alli chacrancunatanami jirca animalcuna tiyanallanpaj ticrarachirä.»

Amós 6:2

Calne siudäta aywar mä ricamunqui. Chaypitaga päsar chayanqui Hamat jatun siudäman. Chaypitana uranqui Filisteacho caycaj Gat siudäman. ¿Chay nasyuncunacho tiyaj runacunapita mas bälejchuraj gamcunaga canqui? ¿Gamcunapa nasyunniquega chay nasyuncunapita mas allichuraj?

Ezequiel 11:10

Sabliwan tucsiypami wañunquicunapaj. Gamcunataga noga castigashayquipaj Israelcho captiquipis. Chayrämi musyanquipaj noga rasunpa Tayta Dios cashäta.

Lamentaciones 3:37

Tayta Dios mana camacächiptenga imapis manami cay pachacho canmanchu.

Isaías 10:4

Ima ruraytapis mana camäpacur prësunami aywanquipaj; man'chäga wañojcunawan iwalmi wañunquipaj. Chaypis, Tayta Dios rabyashanpitaga manami allchacanrächu. Payga jinallarämi castigananpaj rimaycan.

Proverbios 21:30

Tayta Diospa ñaupanchöga runa may-jina yachaj cashanpis yangami. Allita yarpashanpis, ni alli yarpayniyoj cashanpis manacajllami.

Salmos 137:7

Tayta Dios Edom runacuna nishantaga ama gongaychu. Jerusalén mana alliman chayaptin paycunaga cushicuypita gayarparan: «¡Illgächiy! ¡Illgächiy! ¡Llapan simintuntinta illgächiy!» nir.

Salmos 127:1

Tayta Dios wasita mana jatarachiptenga yangami wasi arojcuna arushanpis. Siudäta Tayta Dios mana täpaptenga yangami täpajcuna täpashanpis.

Job 34:29

Dios mana rimacuptenga ¿piraj payta jitapanman? Dios ticracurcuptin runaga ¿imataraj ruranman? Paymi ricaycan marcacunatawan runacunatapis,

Job 12:14

Dios juchuchishan cajtaga manami pipis yapay allchannachu. Pitapis Dios wichgaycushan cajtaga manami pipis jorgunnachu.

Job 9:4

Tayta Diosga fiyupa yachajmi, munayniyojmi. ¿Piraj payta ichipar allicho quëdanman?

Mateo 12:30

«Pipis nogapa mana faburnë cäga conträmi caycan. Pipis nogawan iwal mana shuntaj cäga mashtaycajnömi caycan.

Jeremías 5:17

Chay runacunaga llapan micuyniquicunatami ushacurcongapaj. Wamrayquicunata warmita ollgutapis wañurgärachengami. Uyshayquicunata, wäcayquicunata, übasniquicunata, ïgusniquicunatapis micucarcärengami. Pacacunayquipaj yäracushayqui siudäcunatapis pillyacunanwanmi illgächengapaj.»

Jeremías 49:8

¡Dedán siudä runacuna, gueshpir aywacushpayqui pacacuy! Esaüpita miraj runacuna tiyashan nasyuntaga illgächejmi-aywä. Chay nasyun runacunata castiganäpaj caj junaj chayamushanami.

Jeremías 49:20

Edom runacunapaj noga munayniyoj Tayta Dios imano yarpashätapis wiyay-llapa. Temancho tiyajcunapaj imano cananpaj yarpaycashätapis wiyay. Chaycho tiyajcunataga tacshannincunatapis apacongami. Nasyun intërutami pasaypa ushacashata cachayconga.

Ezequiel 25:13

Chaypitami noga Tayta Diosga në: Edom runacunata castigarmi illgächishaj chaycho tiyaj runacunata, uywantinta. Ushajpämi illgarachishaj. Chaymi Temán partipita-pacha Dedán particama runaga sabliwan wañonga.

Ezequiel 26:14

Allpaynaj gagamanmi ticrarachishayquipaj. Redata mashtar chaquichicunallapänami ticrarachishayquipaj. Yapayga imaypis mananami jatarachishunquipänachu. Noga Tayta Diosmi chayno cananpaj nishcä. Noga Tayta Diosmi chayno në.

Ezequiel 35:4

Siudäniquicuna illgänanpämi camacächishaj. Quiquiquinami chunyaj jirca ricacunquipaj. Chayrämi musyanquipaj noga Tayta Dios cashäta.

Amós 3:15

Jatusaj palasyucunatapis illgächishämi. Achicyaypa achicyaycaj wasincunatapis illgarachishämi. Llapan jatun wasincunatapis juchurgärachishämi.» Tayta Diosmi chayno nisha.

Amós 5:11

Gamcunaga pobricunata manacajmanmi churarcaycanqui. Rïgupitapis impuestuta pägashunayquipämi nircaycanqui. Chayno cashayquipitami mana tiyanquipächu llagllasha rumicunapita wasicunata rurashayquichöpis. Chayno, manami upunquipächu bïnutapis lantashayqui übas wayushantaga.

Amós 6:11

Tayta Diosmi camacächenga jatunpis tacshapis wasicuna juchunanpaj. Chauraga llapanmi illgangapaj.

Abdías 1:1

Caychöga isquirbiraycan Abdiasta Tayta Dios ribilashanmi. Edom runacunapaj Tayta Diosga caynömi nin: «Nogaga Israelcunapa Tayta Diosninmi cä. Juc cachatami nasyuncunaman cachashcä. Chay cachami cayno niycan: ‹¡Aywashun-llapa! ¡Aywashun Edom runacunawan pillyaj!›

Abdías 1:10

«Fiyupa pengaypämi ricacunquipaj. Nircurpis para-simrimi illganquipaj. Chaynöga canquipaj castayqui Israelcunata wañuchishayquipitami.

Salmos 33:10

Tayta Diosmi mana camacächinchu payta mana rispitajcuna imata rurayta munaptinpis.

Jeremías 49:7

Edom nasyun runacunapaj munayniyoj Tayta Dios caynömi niran: «¿Temán siudächöga mananachu can yachajcuna? ¿Mananachu tantiyajcuna ima ruraytapis puydipacanna? ¿Yachajcunapis llapan yachay cayninta gongaycärishanachu?

Amós 1:11

Tayta Diosga caynömi nin: «Edom nasyuncho tiyajcunaga aypallatanami mana allita rurasha. Paycunaga famillyan Israelcunatami mana cuyapaypa gaticacharan sablinta aptacarcärir. Fiyupa chiquishpanmi chayno ruraran. Chaypitami castigänillataga mana cachaycushächu.