Malaquías 1:13 - Tayta Diosninchi Isquirbichishan

¹³ Gamcunaga nircaycanqui: ‹¡Cay aruyga aburrïrumi!› nir. Chayno nishpayqui manacajmanmi churarcaycämanqui. Gamcunaga suwacurcurmi uywata nogapaj apaycämunqui. Wegru wäcata, gueshyaycaj uywatami apaycämunqui. ¿Chay ofrendacunata nogaga chasquishächuraj?

Malaquías 1:13 Referans Kwoze

Miqueas 6:3

Israelcuna, mä canan nimay. Gamcunataga ¿imatataj rurashcä? ¿Imachötaj rabyachishcä?

Mateo 6:16

«Gamcuna ayunashpayquega ama janan shongu runacunano canquichu. Paycunaga llaquisha ayunan runacuna llaquishata ricananpaj. Chayno ayunaycashanta ricar runacuna ‹alli› nishallannami paycunapa premyun canga.

Mateo 6:5

«Tayta Diosta mañacushpayqui gamga ama janan shongu runacunanöga ruranquichu. Paycunaga runacuna ricanallanpämi Tayta Diosta mañacun. Mañacun sinagogacunacho ichiycur, cälli isquïnacunachöpis ichiycur llapan runa ricananpaj. Paycunapäga runacuna ‹alli› nishallannami premyun canga.

Malaquías 2:13

Chaypis, gamcunaga mas piyur-raj rurarcaycanqui: Tayta Diospa altarninta weguiquiwan ushmaycächinqui. Ofrendata goycushayquicunata Tayta Dios manana chasquishuptiquimi fiyupa llaquicur wagarcaycanqui.

Amós 8:5

Gamcunaga cayno niycanqui: «¿Imayraj ushacanga cay llullu quilla fista rïgunchïta ranticunanchïpaj? ¿Imayraj ushacanga jamay-junaj, chaqui micuyninchïcunata chanincho ranticunanchïpaj? Pishej tupullawan tupushun. Suwa pësallawan pësaypa ranticushun.

Ezequiel 44:31

Cüracunaga ama micongachu ima animaltapis, ni buylaypa purej cajtapis quiquillan wañojta, u micucoj animal wañuchishantapis.

Ezequiel 4:14

Chaura noga nirä: «Tayta Dios, imaypis manami micushcächu ganra cajtaga. Manami micushcächu quiquillan wañusha uywapa aychanta, ni jirca animalcuna wañuchishantapis. Manami imaypis yawashcächu ganra aychataga.»

Isaías 57:6

«Israel, gamga yacu aywaj ragra cantuncunacho caycaj ullush rumicunatami adurayta munanqui. Bïnu ofrendacunatapis chaycunamanmi wiñapashcanqui. Chaqui micuy ofrendacunatapis ‹paypaj› nir apashcanqui. ¿Chayno rurasha caycaptiquichi nogaga upällalla cacushaj?

Isaías 1:12

¿Imapänataj nogapa ñaupäman shamunquipis? ¿Pitaj nisha-cashunqui wasi puncöman uywacunata apamunayquipaj?

1 Samuel 2:29

¿Imanirtaj manacajman churaycanqui nogapaj pishtashan uywacunapa aychanta, ofrendacunata? Nogami nirä chaycunata apapämänanpaj. Allinnin nogapaj cajta ¿imanirtaj wamrayquicunata garaycanqui? Allinnin ofrendacunata Israelcuna churashanwanmi wamrayquicunata wirayaycächinqui.›

Deuteronomio 15:21

Wegru, gapra, imantapis däñasha cajta ichanga ama apanquichu Tayta Diospaj pishtanayquipaj.

Levítico 22:8

Cüracunaga ama micongachu quiquillan wañusha uywacunapa aychanta, aycha micoj jirca animalcuna wañuchishan uywatapis. Chaycunata micushpanga ganrayangapämi. Noga Tayta Diosniquimi chayno në.

Levítico 6:4

Chayno rurasha carga duyñunman cutichinan suwapashanta, firsapita guechushanta, paytacuyta mana cutichishanta, taricushanta,

2 Samuel 24:24

Chaura rayga niran: «Manami tayta. Llapantapis rantiypami ranticamanqui risyuncho. Tayta Diosnëpäga manami rupachishächu dibaldilla tarishäta.» Davidga chaynöpami chay partita rantiran töruntinta pichga chunca (50) guellaycho.

Isaías 61:8

Chayga canga Tayta Dios cayno nishanpitami: «Nogaga alli rurajcunatami cuyä. Suwacunata, wañuchicojcunataga chiquëmi. Aunishänömi gamcunaga päguyquita chasquinqui. Gamcunawan imaycamapis allilla cananchïpaj conträtutami rurashun.

Oseas 13:9

«Israelcuna, gamcunataga illgächejmi-aywä. Chayno ruraptë pipis manami nogata michämangachu.

Malaquías 1:10

Ima alliraj canman maygallayquipis Templupa puncunta wichgarcuptiqui. Chaura manami pipis manacajllapäga altarnëcho ninata ratachinmannachu. Nogaga manami cushicöchu gamcuna rurashayquipita. Ima ofrendata goycamashayquicunatapis manami chasquishayquichu.

Malaquías 2:12

Chayno rurajcunataga pï captinpis, munayniyoj Diospaj ofrendata apamoj captinpis Tayta Dios illgaraycachinman cay nasyunninchïpita.